¹ Baada ya lili, isambo idya utemi wa Altashasta umweene wa Uajemi, uEzla wiza kufuma ku Babeli. Akolezi wa Ezla iza : U Selaya, uAzalia, uHilkia, ² U Shalumu, uSadoki, uAhitubu, ³ U Amaria, uAzaria, uMelayothi, ⁴ U Zelahia, uUzi, uBuki, ⁵ U Abishaua, uFineasi, uEliazali yene umwana wa Haluni umwandandi unkulu. ⁶ U Ezla wiza kufuma ku Babeli na alinge umani umwandiki wa shelia ya Musa, yene uYahwe, Umulungu wa Islaeli wawapile. Umweene wampa chila chindu chene walengile ku vino unkono wa Yahwe iza ulipapamwi nakwe. ⁷ Aledwe wamwi awa Islaeli, na mwandandi, alawi, awimbi, alindi na wala wene wachaguliwe kulongela mwitekelo wawala ku Yelusalem kumwaka uwa saba uwa mweene uAltashasta. ⁸ Nape wafika ku Yelusalem umwezi wa usano changati umwaka uwo. ⁹ Nape wawuka ku Babeli ulusiku dwa kwanza udwa mwezi wa kwanza. Alinge ulusiku dwa kwanza dwa mwezi uwa usano dwene wafikile ku Yelusalem, kuvino unkono unonu wa Mulungu iza ulipapamwi nakwe. ¹⁰ U Ezla alinge wifunya umoyo wakwe kusoma, kulonga, na kulanganizya amalagizyo nu mwata wa Yahwe. ¹¹ Ili dyene ilagizyo dyene umweene uAltashasta wampile uEzla umwandandi wampile uEzla umwandandi nu mwandiki wa umwata wa Yahwe na malagizyo ku Islaeli. ¹² Umweene wa amweene uAltashasta, kwa mwandandi uEzla, umwandiki wa masunde ya Mulungu wa kululu. ¹³ Nafunya ilagizyo kukuti undu yoyosi ku Islaeli ku mweene papamwi na amwandandi na alawi wene wavwamba kuwala ku Yelusalemu, wangawezya kuwala papamwi nu wewe. ¹⁴ Unene na mweene na yanguzi wane saba, tuwatuma wosi kuwala kumana kuhusu uYuda ni Yelusalemu kuhusu na masunde ya Mulungu, yene ili mikono yako. ¹⁵ Imakuvwamba kuleta izahabu ni hela zyene wafunyizye kwaajili ya Mulungu wa Islaeli, yene uwikalo wakwe ku Yelusalemu. ¹⁶ Ihela yene yafunyiwe kulutogo ni zahabu yosi yene yafunyiwe ku Babeli na matoleo iya lutogo yene wafunyizye awandu na amwandandi kwa ajili ya numba ya Mulungu ku Yelusalemu. ¹⁷ Epa ukale zyosi indupo ya ng'ozi, upongo, ing'ozi, uufu, nu umwezi, uvifunye pi fingwe yene inumba ya Mulungu wako ku Yelusalemu. ¹⁸ Wika wulo papamwi ni hela ni zahabu kache vyovyosi vino umaona ikunonezya wankala na wana winu, kukunonezya Umulungu. ¹⁹ Uviwike ivindu vino vyafunyiwe kulutogo pa mbele yako kwajili ya huduma ya numbamba ya Mulungu ku Yelusalemu. ²⁰ Ichindu ichinji chechosi chene chivwambiwa ku numba ya Mulungu wako chene umavwamba, Igalama yakwe ifuma ku chipa chane. ²¹ Unene na mweene Altashasta, nafunya ilagizyo kwa wika chipa wosi ku kaya kwishila dya mbana, chochosi uEzla ngi walenga kukwinu imavambiwa mumpe chosi, ²² nanga izaidi ya dinali imya idyimwi izya hela, ivipimilo imya idyimwi ivya ngano, ibathi imya izya divai ni bahih mya izya mafuta, kalinji nu munu wene utakola ichikomo. ²³ Chochosi chene chayanguliwa kufuma kwa Mulungu wa kululu, chilongekwe icho kwa usokofu wa numba yakwe. Kuchiyi ikuwo dyakwe lize ku mweene wane na wana wane? ²⁴ Tuwapa imbola awene kuhusu nu mwemwe kukuti watamlenge ushulu wowosi nanga ikodi kwa mwandandi, umlawi, umwimbi, undindi, nanga kwandu yene wachaguliwa kulonga mwi Tekelo nu ndonga milimo uwa numba ya Mulungu. ²⁵ Ezla, kunjele zino akupile Umulungu, ima kuvwamba kuchagula ayanguzi nundu yene ali nu mani kuwalongela awandu ku kaya kwishila dya mbona na kukumwavwa yoyosi yene amanile amasunde ya Mulungu wako. Poshe wulo imakuvwamba ulanganizye wene watama amasunde. ²⁶ Ufunye indambo kwa yoyosi yene atazumila amassunda ya Mulungu ama amasunde ya mweene, ngi imafwaya nanga kukufwa, kusamiwa, kusendeliwa isawo zyakwe ama kunyepwa. ²⁷ Atogolwe, uYahwe, Umulungu wa akolezi witu, yene wawikile nkasi ya moyo wa mweene ngani kutupa Inumba ya Yahwe ku Yelusalemu, ²⁸ yene akwendelezya ulufingwa kulunene kutekamu pa mbele ya mweene na ayanguzi wakwe na akali wakwe awa mamlaka, napiwe amaka ni mikono ya Yahwe, Umulungu wane, nani nawawunganya akali kufuma ku Islaeli kuwala papamwi nu nene.