¹ Nu mweene u dalio wakomekesha ulolekeshi ulongwe munumba ya wizuko ku Babeli. ² Na kukaya ya Akmetha uko ku media ichuo chaloleki: Ulwizuko dwatetile: ³ "Ku mwaka uwa kwanzya umweene uKoleshi, uKoleshi wawapozizye kuhusu ni numba ya Mulungu ku Yelusalemu:'Ni numba izyengwe iwe iyafunyizya izabibu, imifulo yakwe iwikwe, utaniwakwe uwe amakumi sita, ⁴ nu papatavu wakwe uwe amakumi sita, isehemu zitatu izya mawe amakulu ni sehemu idyimwi iya mbao imbya ni galama izyo zilipwa kufuma munumba ya mweene. ⁵ Epa visuviwe yalinji ivindu vya zahabu ni hela vino iza vili inumba ya Mulungu vyene uNebukadneza wavisendile kuvitwala ku Babeli kufuma mwi Tekelo ku Yelusalemu. Avisuvye kalinji ku Yelusalemu mwi Tekelo. Uviwika kalinji mu numba ya Mulungu. ⁶ Epa uTtetanai, unkali wijimbo kwi shila dya mbana, Shethar - Bozenai na myao wene iza walikukaya kwishila dya mbana, wipewile, ⁷ waleka undimo wa numba ya Mulungu. Akali na chikulu awachiyahudi wazyenga inumba ya Mulungu pawikalo pakwe. ⁸ Nafunya ilagilizyo kukuti izyamwene chilongwe kwa achikulu awachiyahudi wene wazyenga inumba ya Mulungu: Umchango kufuma kwa mweene ushulu kwishila dya mbana utumika kuwalipa awandu ewa ngani kukuti indiima wao utimilile. ⁹ Chochosi chene chivambiwa, ingombe inditi, ing'ozi ama ing'ozi ya ndupo iya lungulizya iyaka Mulungu walagizye amwandandi awa Yelusalemu - uwape ivindu ivi chila lusiko. ¹⁰ wika wulo ngani waleta indupo kwa Mulungu wakululu na kulenge kulunene umweene na wana wane. ¹¹ Wene na lagizya kukuti yoyosi yene avuna ilagizyo ili, ichuma chifunyiwe munumba yakwe. Na kuwikwa palulu yakwe. Ni numba yakwe igaluzwa kukuwa amatakalala kuvivi. ¹² Umulungu uyu yene waletelizye itawa dyakwe kukuwa likwali akumbusha umweene ama undu yene agaluzya ilagizyo ili ama kuwusha inumba ya Mulungu ku Yelusalemu. Unene Dalio nalagizya ili, lilongekwe ku tekamu. ¹³ Na kwilagizyo dyene dyatumwa nu mweene uDalio, Tatenai unkali wa kaya kwishila dya mbana nu Sheshthar -Bozenai na myao. walonga chila chindu changati vino umweene uDalio walagizye. ¹⁴ Wulo achikulu wa chiyahudi wazyenga changati uHagai nu Zekalia vino walagilizye kwa kuwilagu. Wazyenga changati vino ilagizyo dyafunyiwe nu Mulungu wa Islael nu Koleshi, uDalio nu Altashasta umweene wa ku Uwajemi. ¹⁵ Inumba ya malizyika ulusiku udwa utatu udwa mwezi wa adali, kumwaka wa sita uwa utemi wa mweene Dalio. ¹⁶ Awandu wa Islaeli, amwandandi, alawi na wandu wene washazile kusamizyo wachimba kunonelezya inumba ya Mulungu kiseko. ¹⁷ Wafunya ing'ombe imya idyimwi, ing'ozi imya idyimwi ni ng'ozi izyamyao imya zini kwa ajili iya chimba inumba ya Mulungu. Imbuzi injilume ikumi na ziwili zyafunyiwe changati indupo ya mbi kwa Islael wosi chila ikabila ku Islael. ¹⁸ Kalinji wawapa undimo amwandandi n alawi kuwika utauzi wa milimo ya Mulungu ku Yelusalemu. Changati vino iyandikwe muchitabu cha Musa. ¹⁹ Wulo wala wene iza walikutumwa wachimba ipasaka ulusiku udwa ikumi na uni udwa mwezi wa kwazya. ²⁰ Amwandandi na alawi wiyelwifye akalana kuchinja ipasaka ya ndupo kwa wene iza amateka papamu na wene akala. ²¹ awandu wa Islael wene wadyile inyama ya Pasaka wala wene wasawile kufuma kusamizyo na iza wipelua akala kufuma kwa wandu wene kasi anonu awa si yila na kukunchagula uYahwe, Umulungu wa Islael. ²² Wasekelile nu kupundililila isikukulu ya mikate yene itakola usese ku siku saba, ku vine uYahwe wawasuvizya iseko na kugaluzya umoyo wa mweene wa Ashulu, na kuwapa amaka kwa ndimo wa numba, inumba ya Mulungu wa Islaeli.