¹ Pine uHagai umbwilagu nu Zakalia umwana wa Ido umbwilagu wawilagu kwitawa dya Mulungu wa Islaeli kwa ayahudi wa Yuda ni Yelusalemu. ² U Zelubabeli umwana wa Shealtieli nu Yoshuwa umwana wa Yosadaki wimilila na kukwanzya kuzyenga inumba ya Mulungu ku Yelusalemu papamwi na awilagu wene wawapile amaka awene. ³ Pine uTatenai Unkali wa kaya kwishila dya mbana, Shethar - Bozenai, nu wa myao, wiza kutela kuluwene, "Unanu yene wamlagizya kuzyenga inumba iyi na kumalizyizya uluwumba?" ⁴ Vivila watela, "Amatawa ya wandunchiwene walonga milimo ya uzyengi uwu?" ⁵ Poshe wulo iliso dya Mulungu alinge lilipapamwi na akali wa Yahudi na dwani wao watawezyizye kuwapinga. Alinge wawetekile inyaluwa kutumwa kwa mweene na kuwasuvizya chiyi walonge kumbola iyi. ⁶ Iyi yene makala ya nyaluwa kwa Tatenai, unkali wa kaya kwishila dya mbana, nu Shethar - Bozenai na amyao ku kaya kwishila dya Mbana, wene wawatumile kwa mweene uDelio. ⁷ Watuma ipola, wamwandikila umweene uDelio, "Iteko liwe kulu wene" ⁸ Umweene amane kukuti iza twawala ku Yuda kunumba ya Mulungu Unkulu. Yazyengwa na mawe amakulu ni mbao zyawikwa nduumba. Undimo uwu umalongwa kuteka mu na umawala ivinonu kumikono yao. ⁹ Twawawilikisha achikulu, unanu yene wamzumila kuzyenga inumba nu luumba?' ¹⁰ Kalinji twawilikisha amatawa yao ngani umane amatawa ya chilandu yene wawimililile. ¹¹ Na wene watupozya watela, "Usweswe twalonga milimo wa Mulungu wa kululu ni si naswi tuyizyenga inumba, iyi yene yazyengiwe imyaka iminji yene yapitile isambo pene umweene unkulu uwa Islaeli wazyengile na kumala. ¹² Poshe vino, akolezi witu wawilikile Umulungu wa kululu wanyesa, Umulungu wawalemeka mikono ya mweene wa Babeli uNebukadineza, yene wavunile inumba na kuwasenda awandu umateka ku Babeli. ¹³ Vivyo, kumwaka uwa kwanzya uwa utemi wa Koleshi umweene wa Babeli, U Koleshi watezile inumba ya Mulungu izyengwe. ¹⁴ Pine umweene uKoleshi wasuvizye ivindu vya zahabu ni hela ivya numba ya Mulungu vino uNebukadineza wavisendile mwitekelo ku Yelusalemu na kuvitwala mwitekelo ku Babeli. Nape waviwika kwa Sheshbaza, yene wanchagwile awe unkali. ¹⁵ Nape wampozya, "Senda ivindu ivi. Uwuke uviwike mwitekelo ku Yelusalem ni numba ya Mulungu izyengwe uko." ¹⁶ Pine uyu Sheshbaza wiza na kuwika unfulo wa numba ya Mulungu ku Yelusalemu: na yendelea kuzyengwa, poshe wulo ichili itasila ¹⁷ Ngi inonezye umweene, na kulolekesha kulongwe ku numba ya wizusho ku Babeli ni hukumu ya mweene wa Koleshi iya zyenga inumba ya Mulungu ku Yelusalemu. Pine umwene aweza kutuma uyanguzi kukwitu.