¹ Pine adwani wa Yuda nu Benjamini pene wiiivwa kukuti awandu wene iza wasamiwa iza wazyenga Itekelo dya Yahwe, Umulungu wa Islaeli. ² Wulo wampalamila uZelubabeli nu nkali wikumbo dyao. Wawapozya,: Mutuzumile tuzyenge papamwi namwi, changati umwemwe, tukumvwamba ulusiku pene, uEsar-hadoni, umweene wa Ashulu pene watuletile epa." ³ Poshe ulo uZelubabeli, uYoshua na akali awambele awikumbo watela, "kasi wewe, poshe ulo usweswe wene tuvwambiwa kuzyenga inumba ya Mulungu witu, usweswe wene tukunzyengela uYahwe, Umulungu wa Islaeli, changati vino umweene wa koleshi umweene wa Ashulu vino walagizye." ⁴ Wulo awandu wasi watolombosha imikono ya Ayahudi wulo wawawika ayahudi, watine kuzyenga inumba. ⁵ Pine wawahonga ayanguzi ngani kuwapuganya amelenganyo yao. Walongile eya kwisambo dyosi idya Koleshi ni sambo dya utemi wa Dalio umweene uwa ku Uajemi. ⁶ Kalinji pine alinge wakwanzya utemi wakwe Ahasuelo wandike imilandu kwa kaya wa Yuda ni Yelusalemu ⁷ Alinge isiku zya Ahasuelo zino uAltashasta, Mithledathi, nu Tabeeli na amyao wamwandikilile uAhasuelo. Ibaluwa yandikwe Ichialabu na kulondooshwa. ⁸ U Lehumu uluwi nu Shimshai umwandiki waandika wuli Altashasta kuhusu iYelisalemu. ⁹ Kalinji uLehumu, uShimshai na amyao wene ayangu na amwandandi wa Selekali, kufuma A-Alkewi, Ababeli na ashushani kwa Aelami, ¹⁰ neo wandika inyaluwa na kuungana na wandu akali nu untimikwa uAsul - bani - pal wawapati kizye kukwikala ku Samalia papamwi na wene wa shazile ku kaya kwishila dya mbane. ¹¹ Iyi yene inakala yene watumile kwa Altashasta: "Alonga milimo wako, awandu wa kaya kwishila dya mbana, wandika wuli: ¹² Umweene amane kukuti Ayahudi wene wafuma kukwako walonga ivyinji na vino itavwambiwa pakwitu epa pa Yerusalemu wazyenga ikaya iya undundu. Wamalizya uluwumba na kulinganya unfulo. ¹³ Epa umweene amane kukuti ngi ikaya izyengwa mu luumba dwakwe kusila, watakafunya ushulu ni kodi, ngani wawendangila amweene. ¹⁴ Izya mwene vino twadya umunu wa pandanda, itakukuwa ivinonu kuona ishima dya mwene livunika, kwivyo tukupozya umweene ¹⁵ kuwika ululolekesho udwa lwizuko dwise, na kumana kukuti ikaya iyi alinge iya uluwazi yene iluwanga amweene ni kaya. Waletelizye amagayo aminji kwa mweene ni kaya. Alinge unkombo wa uluwazi kufuma isiku ininji. Ku vivyo ikaya iyo yaluwingwe. ¹⁶ Tukumpozya umweene kukuti ngi ikaya nuluwumba ngi dwazyengula, kutakola chene chishala kuluwewe kukaya kwishila dya mbana." ¹⁷ Pine umweene wasuvya amajibu kwa Lehumu nu Shimshai na myao ku Samalia na wene washazile ku kaya kwishila dya mbana. "Iteko liwe papamwi nu mwemwe. ¹⁸ Inyaluwa yene mwandumila yalondooshwa na kusomiwa kulunene. ¹⁹ Wulo nalagizya wakalolekeshe yamanyikwa kukuti imbele alinge uli nu ndandu na kuwadwikanya amwene. ²⁰ Amwene akali watemile iYelusalemu yosi na kutema ikaya kwishila dya mbana. Iada ni kodi walipiwe. ²¹ Epa, wiki ilagizyo kuwandu ewa watendeleye kuzyenga ikaya mpaka pene nguwazumila. ²² Muyangalile mutabyede ili. Kuchiyi kuzumila kuchinduliwa kunjezyeke na kuletelezya ihasala vino uvwamba umweene? ²³ Pine ikomekesho dya mweene uAltashasta kusomwa pambele ya Lehumu, Shimshai na amyao, wawuka ichikalakashe kuwala ku Yelusalemu, na kuwapatikizya Ayahudi waleke kuzyenga. ²⁴ Wuwu undimo wa numba ya Mulungu ku Yelusalemu wimilishwa mpaka utemi wa wuwili uwa mweene uDalio uwa Uajemi.