¹ Alinge imyezi saba pine awandu wa Israeli wasuwile kukaya zyao, pine wawungine papamwi changati undu adyumwi ku Yelusalemu. ² U Yeshua umwana wa Yosadaki nu nkali wakwe umwandandi, nu Zelubabeli umwana wa Sheatieli nu nkali wakwe wimilila na kuzyenga ifingwe dya Mulungu wa Islaeli na kufunya indupo iyalungulizya changati vino ilagizwe mumasunde ya Musa, undu wa Mulungu. ³ Pine wanda ifingwe palulu ya nfulo, kuwowa wene alinge walinao kuwandu awa si/ Wafunya indupo iyalungulizya kwa Yahwe unguzu nu mongolwa. ⁴ Vivila wailekasha isikukulu iya vibanda changati vino iyandikwe na kufunya indupo iyalungulizya ulukiuk ku lusiku changati vino ilagizwe, chila lusiku kulu siku dwakwa. ⁵ Alinge kuli ni ndipo iyachila lusiku iya lungulizya ni ya mwezi lulumwi ni ndupo izya lusiku dwa Yahwe izya siku zyosi, papamwi ni ndupo zyosi izya lutogo. ⁶ Wanzizye kufunya indupo izya lungulizya izya Yahwe izya lusiku ulwa kwanza umwezi wa saba, nanga vino itakelo alinge lichili litanzya kuzyengiwa. ⁷ Wulo wafunya ihela kwa alinganizyi na fundi wa mikono, na kuwapa, iviliwa, imwelo na mafuta kuwand Sidoni nu Tiro, ngani walete amakwi aya mielezi kupitila indukuwa kufuma ku Lebanoni mpaka ku Yafa, changati vino wazumiliwe nu mweene uKoleshi uwa ku Uwajemi. ⁸ Pine umwezi wa uwili umwaka wa uwili wizile mu numba ya Mulungu ku Yelusalemu, uZelubabeli, uYoshua umwana wa Yosadaki, na amwandandi awanji na alawi na wene wizile kufuma kwene wasanizyiwe kusuwa ku Yelusalemu wanzya imilimo. Wawachagula alawi alinge walinimyaka amakumi yawili ni chindu kukwimililila imilimo ya numba ya Yahwe, ⁹ U Yoshuwa wamwimilisha undumendo wakwe nu nkali wakwe, uKadmieli na wana wakwe, nu lulelo dwa Yuda kukwimililila kulonga imilimo mu numba ya Mulungu. Papamwi na wewe alinge kuli na wana we Henadadi, nu lulelo dwao, papamwi na awiwunda dyao alawi. ¹⁰ Azyengi wimilisha unfulo Witekelo dya Yahwe, na kuwawika amwandandi wawezye kukwimilila ni vizwalo vyao wali na matalumbeta, na alawi awana wa Asafu, kukuntimbana uYahwe ku matoazi, changati unkono mweene uDaudi uwa Islaeli vine walagizye. ¹¹ Wimbilile kwa kuntogola na kukunsalifya uYahwe. "Umwene yene unsokofu! Ulufinywa dwakwe udwa mwene kwa Islaeli lwikale isiku zyosi kusiku zyosi."Awandu wosi walamba ichongo kwilingu ikulu idya seko wakuntogola uYahwe vino unfulo witekelo alinge wasila kuzyengwa. ¹² Pashe wulo awinji wa Mwandandi, alawi, akali wambele, na achikulu awa kali wayiwine inumba iya mwanzyo, pine imifulo alinge imawikwa waijiwine kumiso yao, walizile kwilingu. Poshe wulo awanji walambile ichongo kwilingu dya seko ni lingu idya kasamazya. ¹³ Chene chafumilile, awandu wapotidwe kulekenganya ilingu dyiseko ni lingu idya wene walila, vino awandu alinge walila kwilingu ikulu idya sekela ni lingudyi vwikwe kufuma ukutani.