¹ Koghano oni, Paulo, nomobhohe uwa Yeesu Kiristo kobhenyu abha kyaro. ² Nemanyire igha mwighure ighoro iya iyemeremo gheno ghethare igha mughinyore igya Waryobha ono yang'aye korembahane bhenyu. ³ Ndabhandekera kyabhono erenge ehonyorwe haroni. Bhono nobhohene bhobhwibhisire bhono nandekire kubheng'e kwithashandighi rende. ⁴ Hano uregha oreghahetiya amaiso kogha yo noremanya obhomanyi bhwane kobhohene bhono bhubhisirwe ubhwa Kiristo. ⁵ Koroghanda ronde obhohene bhono thebhwakorwehe kori bhomanyekane kobhana abha abhanto. Kase kobhono bhwathorwa harabhu ko mokama ughwa abhathomwa bhano bhano bhashabhirwe na abharothi. ⁶ Obhohene bhono bhwabhiswa nigha abhanto abha ibhyaro mbarenge hamwe na bhetho na abhamwe bheto abha omobhere. Bhano thokothoraniya hamwe kokeno thwathebhibhwi na Kiristo Yeesu hohethera amang'ana agha obhohoru. ⁷ Nakoreno naikorekani omokori uwa emeremo kokera kenokethare igha kebheho ekya Waryobha eno yarusiri harooni kohethera obhokori ubhwa shinguru shiyaye. ⁸ Waryobha yarusiri ekento keno hareoni, nokanyora oni nomonto omoke kobhonswe kobhara bhahorwa kuoni Waryobha. Ekento keno nkuthunande kobhathebhya abhakyaro amang'ana agha obhohoru ghano ghana ubhwame bhono bhotha kobharwa na Kiristo. ⁹ Nigha mbathome abhantho bhonswe ighoro iya amang'ana agha Waryobha ghano ghaibhisire. Ghono no moremo ghono ghware ghubisirwe kumioka imiyaru gheno gyahetha, na Waryobha ono yabhambire ebhento bhyonswe. ¹⁰ Eno yareigha okohethera mokanisa, abhathangathi bhano bhahaywe shinguru ko hase ahaighoro kori bhamanye shembara shonswe. ¹¹ Ghano ngakabhayeho kohethera amang'ana aghasinsiko shonswe ghono ghare mura Kiristo Yeesu Omonene weitho. ¹² Kobhora kohethera Kiristo nthona obhokare na shinguru shiyokosoha nobhokare kobhora ntwakumiri harewe. ¹³ Kubhuyo ndasabha mothakobhoha kobhora inyanko yane kobhenyu. Na obhohene bhono bhokokera bhyonswe hare bhenyu. ¹⁴ Koghano ndathema ibhilu hare thatha. ¹⁵ Ono kera bhanto abaighoro abha ikyaro mbahaywe irina. ¹⁶ Ndasabha igha mobhahane kukurwa kubhwame ubhwa obhonene bhwaye abhakore bhokong'u kushinguru kohethera omokama ghwaye ghono ghorenge monse yenyu. ¹⁷ Ndasabha igha Kiristo amenye monse iya imiyo ghyenyu kohethera ukukumiya. ¹⁸ Ndasabha igha mobhe na ahase na obhohene na obhohanshani bhwaye. Mobhe kobhohanshi bhwaye kori mothore komanya hamwe bhonswe bhano mwakerya bhono obhothambe no obhoghare ekerengere ikya indivha ikyoobhohanshi ubhwa Kiristo. ¹⁹ Ndabhasaba kori momanye obhonene na obhohanshi ubhwa Kiristo, bhono bhokere omanyi. Mokore ghano mwishoribhwi na ekentho keno kebhaye bhyonswe ibhiya Waryobha. ²⁰ Nabhono harewe ono akothora kokora enghana kokera ghonswe ghano thokosabha kasi ghanothukuithegera kohethera shinguru sheno shekokora emeremo mweto. ²¹ Harewe obhonene mborenge munyumba iya amasabhi nakohethera Kiristo Yeesu kobhainbhorwa bhonswe shinsiko na shinsiko. Naebhe igho.