¹ Kyabhora mwanyora mkule komasarya, ne bhebhe bhenyu. ² Ighaa koghao mwagheye koghakora konkagha yikyaro keno. Mwale kontongotherana koghotha ngathana no mobhahi wobhontonge wighoro. iyo neyo enkoro yaye ono aghokora emeremo kobhahna abwithamya. ³ Bhetho bhonswe mbele hayo ntware mwighara rya bhayo bhathare kwikerya. Twareghokora koronamba oroghogho rwe mebhere gheito, tware ghokora amaigha gho mobhere nobhomanyi bhetho ntware abhana bhirinina enkononeka kyabhenyu ⁴ Ryobha nu mwaru wikyabhera kughira abhohanshe bhono yatuhanshire bheito. ⁵ Enkagha eno thare ambaku kubhukure bhya masarya bheito yathoretira. Komamenyo amaihya gha Yeesu komolembe ghoghotoribwa. ⁶ Ryobha yaturyore hamwe nughutwikarya hamwe na ahase haighoro monse hare Yeesu Kiristo. ⁷ Yakora igha hano alahike enkagha eno alashe athore gho thorokya ubwame obhonene ubhoo mlembe ghaye. Alathorokyaa bhetho ghonshera yobhohene bhwaye monshe ya Yeesu Kiristo. ⁸ Komorembe mwathoribhwa konshera yugwikerya na tikulirwa hare bheito hee. Kiyo neghesengo kya Ryobha. ⁹ Tikurwa momakorwa hee athasha kobha ho omwe wabho ono alikumya. ¹⁰ Kobhora bhetho thorenge eghasi ya Waryoba, Twaabhombwerwa Kiristo Yeesu ghokora amang'ana ghano Ryobha yaghapangire kurwa kare na kare kughira bhetho toghende ko ghayo ghayo ¹¹ Kubhuyo tulithokani igha ntware abhanto abhakyaro kobhobhombwa bwemebhere. Morabherekerwa bhara mthana oghoswarwa kwora kokobherekerwa esaro yoomobhere kohethera komabhoko ghomonto. ¹² Konkagha iyo wanyore mwahoyo na Kiristo, mwabhaye abhagheni kobhana bha Israel. Mwabhaye abhageni bha lilaghano lyakoghanya, Timware nothohene neniagha eno ighusha. Mwabhaye kokebha keno mothana Waryobha. ¹³ Bhenyu bhayo kale hayo kughira Yeesu Kiristo Bhenyu mwale hare na Waryobha. Mwalentirwe na Waryobha komanyinga gha Kiristo. ¹⁴ Kobhora alenge omolembe gweito yakore abhabhe kobha omwe. Komobhere gwaye yathabhoyo urughi to rukwahokana. Rono rwanyore rutwaahokani numubhisa. ¹⁵ Yamareo nughusikya omoghambo korri abhombe omonto omohya monse yaye. Aghakora omolembe. ¹⁶ Yakore igha kori abhaghotani na amokomo abhere gha bhanto kobha omobhere oghomwe ku Waryobha kohtetera omothe ghobhohoru. Konshera yo mothe yabhisire ubhubhisa. ¹⁷ Yeesu yanshire noghothasherya omolembe kobhenyu, bhenyu mwale hare no molembe kobhora bhare hangi. ¹⁸ Konshera ya Yeesu bheito bhonswe bhabhere ntona obhomanyi ghonkoro emwe eno eghotosohya hare tatha. ¹⁹ Bhenyu bharebhanto bhakyaro abhagendi, themorenge abhageni hee nahahano more hamwe na bhara hamonawe na Ryabho kunyumba ya Ryobha. ²⁰ Mwahaghashwa kobhorasa bwa bhathomwa na bharothi Kiristo Yeesu umwene ya bhaye rigena line nee ryambaleka. ²¹ Kughira we lighutu ryonswe ryaghotanibwa hamwe nughukina kinyumba momone. ²² Monse yaye bhenyu nabho molahaghanshwe hamwe kyahase hokomenya hamwe na Waryobha