¹ Kubhuyo nkyaomobhohe wa omonene ndabhasabha mogheede bhuya kya igho Waryobha yaabhabherekera. ² Momenye kosooko enene nokoogomeerya moghegherane obhohaabhu na obhohanshi. ³ Mokore shinguru kokonaghya obhomwe bhuu mwika kokebhohe kya omorembe. ⁴ Omobhere ghomwe na umwika ghomwe kyaigho mwabherekeyee mwabhorekeyee. Koobhomwe na ubhukumya bhwenyu. ⁵ Omonene noomwe ubhukumya bhomwe obhobhatiso bhomwe. ⁶ Waryobha noomwe noomonene wa bhonswe. Narenge ighoro yaghonswe. Koghonswe na moonse yaghoonswe. ⁷ Omonto woonswe ahaanwe obhoong'ani kokorengania na obhong'anibwa Kiristo. ⁸ Kyamandeko bhono ghakoghamba hano yagheye ighoro bhokung'u yatangatire abhabhohe bhonswe bhano bhaghotirwe naokobhohwa akabhaha abhomanyi. ⁹ Yaagheye ighoro ensonga yoko nke? Akamara akaituma haanse shembara shonswe mukyaro. ¹⁰ Ono yaitumire noomonto oraoora yagheye ighro mwisaro yaakore igho koori abheho koobhento bhyonswe igho. ¹¹ Kiristo yaarusiri ituho ahotoro kyaigho abhatomwa, abarooti, abharaandya, abharesya na bheeghya. ¹² Yaakoore igho kokobhahaana obhotoro bhwa oghokora emeremo ighya okoghahasha omobhere ghwa Kiristo. ¹³ Yakora igho okoori bheito bhonswetohekeere. Obhomwe ubhukumya na obhong'aini bho yaabhahaye omoona wa Waryobha yakoore igho okoori tokong'e tohekere obhotaambe bhwaye. ¹⁴ Eno yaare kyaabhana. totakarekerwa eno na eno. totakagheghwa na rikama. Righogho iryoobhorongo. ¹⁵ Ukighira ya ghayo ntorashumaashe obhoheene bhono bhoona obhohanshi mosheshera shonswe naiyo yo-erenge Kiristo. ¹⁶ Kiristo yaghootania hamwe emebhere ghonswe ghyaabhakumya hamwe nawe. ebheento bhyonswe bhakoomobhere bhyaghotanibwa ookori omobhere ghukiine koobhohanshani ¹⁷ Ndaghamba reno. Ndabhasabha kokohetera omonene. Motaakaghende kyaabhanto bhano motamanyire kyaabhakangi. ¹⁸ Bhatoorwa mukisunte. Bhaaru ghibwa kukuurwa mobhohoru bhwa Waryobha. Koobho kangi bhono bhoghokora obhokong'u moonkoro yabho. ¹⁹ Tebhakoomaha shensoni he bhai tora moomang'ana amaghogho amanyanku. Na koobhoyo bhoonswe ²⁰ Ndamanye mwaigwa kokohetera hare we umwene. Ndamanya mweeghire kokohetera kewe. Bhono obhohene bhwaye bhore. ²¹ Mwirusi amang'ana ghenyu ghaakare. ²² Amang'ana ghaakare negho ghakwebhara oronamba rwoobhorongo. ²³ Mwirusi emebhere ghyenyu ghyakare okoori mwebhorwe bhohya moshenkoro na mobhe na obhong'aini. ²⁴ Mokore kyaigho okori mwebhohe emobhere emehiya. mobhe hamwe na Waryobha. ²⁵ Naigho motore harre obhorongo moghambe obhoheene komoonto woonswe na omomenyaini waye. ²⁶ Mobhe na shenkoro kasi bhono motakaitana mokore amaghogho eryobha retakaaghwa moneena ekoro. ²⁷ Risambwa motakaarehana omwene ²⁸ Ono akwibha atakaibha gwiki akore emeremo gheno gheena ubhuya koomabhoko ghenyu okoori atoori omonto ono ana ikituno nyabhorebhe. ²⁹ Amaghogho ghatakaarwa muminywa ghenyu kukughira yaiyo niigha amang'ana ghayo ghabhe amaiya agha okootoorya abhato. Okobhahaana ehorohoro bhaara bhakoghaiteghera. ³⁰ Motakaareerya umwika omohooreru gwa Waryobha. Hare we mwatoorwa omobhaso kukughira ya urusiko kwa umuhiko naarebhatoorya. ³¹ Motorehare obhororo bhonswe igho hare. Kwa nguru. Obhooreeru, enkoro ubhitani, amatoki hamwe na amaghogho ghonswe igho. ³² Mobhe naamabhe. Mwabherana abhene kobhene kyabhoora omonene weito Waryobha yaabhabheye