¹ Na nkulungwa Dalio ashikuamila uchunguzi utendeshe nnyumba jaakumbumbushililakumbushila ku-Babeli. ² Na pambwani ja kuakmetha kwene kumedia shuo shaonekene: Yakumbushia kumbushia yake yashikulugula. ³ "Pashaka shantai nkulungwa koleshi, ashikukoma mmbila ja nyumba ja ashipanganya kuyerusalemu: "lihekalu lishenjwe palapepala mayahudi puvashayangaga shadaka, munnjimililo gulapegula. Jive nashanga sha makono makumi shita, ⁴ Ngumba ishenjwe kwa shafu jimo ja mbao. Galama shiijilipwe na hazina jika nkulungwa, ⁵ Kavili, ikelelo ya shahabu na ya mmbia ya nyuma ja ashipanganya, aitolile nkulungwa Bebukadreza kwipeleka ku-Babeli; Ajinayo kavili nnihekalu kuyerusalemu. Inabidi ivikwe nnyumba ja ashipanganya. ⁶ Lelo vai, Tatenai, nkulungwa jwa lijimbo lya kung'ambo lushi. Euflati naka Shethal-Bozenai na ajaonji maofisa ntamanangane kwaataliyana pene mahalipo. ⁷ Nnajinjililanje liengo lya lyene lihekalu lya ashipanganya, Munnekanje nkulungwa mayahudi na valongolela va mayahudi vashenganje upya jene nyumbaji ja ashipanganya mahali pake. ⁸ Paapunda penepo, apano nakoma mmbili shinkuingwa tendanga kwa vakomboka va mayahudi katika kushenga jene nnyumbaji ja ashipanganya: Galama ya vene vandu va shilipwe kwa timilila kushoka kushiriko sha nkulungwa, shaumilila kumapato ga ku-ng'ambolushi Eutlati, kwa ajili kushenga kunajimikwa. ⁹ Shoshowe shipingikwa kunajimikwa malinga mapongo ga ngondolo nembe ja jangondolo kwa ajili shadaka jatiniywa kwa ashipanganya, ngano, nnjete, divai na mauta ivaga shigapinjikwe na vaavishila kwene kuyerusalemu lazina vapegwanje kila lyuva gwangalikosa, ¹⁰ Kwa komboleka kuvishila shabiu jakwaanonyela Annungu va kuliunde na kwaajunjila vakulungwa na vana vao hali ja mmbone. ¹¹ Paapunda penepo, ngunaamulu kuti jojo wejula apinga atindiganya ajino mmbili jino, liboliti liomolwe nnyumba jake, liongolwe upande gumo aomwenalyo, kwa ajili ja likoshaali nnyumba jakwe jitendwe lituko lya takataka. ¹² Veneva ashipanganya valivishile lina lyao kweneko shivanshoye nkulungwa au mundu apingaatindiganya ajino mmbila jino au kujishoya nyumba ja ashipanganya kuyerusalemu. Nne Dalio njikoma ajino ajino mmbili jino, njitendeshe kwa bidii na ukoto, ¹³ Kwa ligongo lya mmbila jikomilwe naka nkulungwa Dalio, Tatenai nkulungwa jwa kung'ambo lushi naka shethal-Bozenia na ajaonji guvajikagwile kwa mashili naukoto. ¹⁴ Nneyo vakongopa va mayahudi vashikuendeleanga kushenga na kustawi kwa malevo ga vaalondolanga Hagai na Zakalia, mwana jwa Aido, guvakamilishenje kushenga lihekalu kulandana na mmbila ja ashipanganya va kuisraeli na mmbila ja Akoleshi, Adaalio na Aaltashasta vanangulungwa vaka uajemi. ¹⁵ Lihekalu lyamalile kushengwa lyuva lya likimii limo na gavili lya mwei gwa Adali; ndio mwei gwa tatu, katika shaka sha sita sha atawala nkulungwa Dalio. ¹⁶ Halafu vandu na Israeli, vaavishilanga, walawi na vananji vowenji walepekenje va hiame, guvaadhimishenje kwakila kuvikwa wakafu nyumba ja Annungu kwa ilulu ya kwinonyela. ¹⁷ Kwaajili ja kuvikwa wakifu aji nyumba ja Annungu vashikwinga mapongo ga ng'ombe 100, ngondolo mapongo 200, vana va ngondoolo 400, ¹⁸ Guvavishilenje vavishilanga nnfasi jaonji na walawi guvavishilenje mmaungu gaonji ga huduma kwa ashipanganya kwene Ku-Yerusalemu, kulandana na shijiandikwe nchitabu sha Amusha. ¹⁹ Katika lyuva lya kumi na ncheshe lya mwei gwantai, vaujilenje kuhame gu vaadhimishenje pasaka. ²⁰ Vaavishilanga na walawi vashikwiikonjeya ngondolo jwa pasaka kwa ajili ja vaujilenje kuluame kuutumwe na kwa ajili ja ashialongo ajao na vayenenji. ²¹ Vaislaeli vaujilenje kuutumwa guvalilenje pasaka pamo na vevala valinginji mbali na itendi ya shambi ya valongo vatome ili kwaloleya Abwana ashikupanganya va Islaeli. ²² Kwa muda gwa moga saba vashitendanga shikuu ja mikate jangatangwa amila kwa kwinonyelo, kwa ligongo ashipanganya vashiikwapanganga kwinonyela na vashikutendeuya ntima gwa vakulungwa va ku-Ashulu, na kwataganga mashili kwa liengo lya shenga, nyumba ja ashipanganya va Islaeli.