¹ Ndio Hagai nkulondola naka Zakalia mwana jwa Ido nkulondola guvatabilinji kwa lina lya ashikupanganya va Israeli kwa mayahudi ga Yuda na kuyerusalemu. ² Zelubabeli mwana jwa A-Shealtieli na A-Yoshua mwana jwa A-Yosadaki guvajijanukenje naa tanduva kushenga nyumba ja ashipanganya kuyerusalemu pamo na valondola vaakwiiyangaga valao. ³ Ndio A-Tatenai vakulungwa va mbwani ja kung'ambo ja lushi, A-Shethal-Bozenai na ajaonji guvaikengenenje kwa uyanga, "ni gani ampelenje luhusa njaashenga aji nyumbaji na kulimaliya likumba?" ⁴ Kavili guvaleketenje "Ni mene ga ashigani vakolokoyanga lyene liengoli?" ⁵ Ikaveje liyo lya ashipanganya lyaliji pami na vanavulugwa va mayahusi na adui vaonji vangakombolanga kwaakaniya vatendalindanga balua kutumwa kwa vakulungwa va kuajemi kwa ajili ja lyene liswaalali, ⁶ Jejino ni baluwa jivaapeleshee vakulungwa A-Dalio na Atatenai aliwali vakung'ambo ja hushi, na Ashethar-Bozenia, na ajakwenji vaku Ajemi, valinginji kweneko kung'ambo lushi, ⁷ Vashikwapeleshelanga baluwa vakulungwa Adalio na gega no malove gashikujandikwa nkati baluwa. ⁸ Vakulungwa vamanya kuti twaapite ku-Yuda kunyumba ja Annungu vakulungwa. Jishenjilwe kwa maganga gamakkulungwa na mbao ishivikua pakati pakati likumba hyelino liengo li linatendeka kwa bidii na linaendelea ukoto kwa makono gaonji. ⁹ Twavaushienje vakulungwa vaonji "mpelenjire noni luhusa ja asenga kwaamba lihekalu lina kuliujanalo hali ja lijumba malinga shilyaliji. ¹⁰ Kavili twashikwavuyanga gaonji kuti mmanye mena ga kila mundu aaliji nkulungwa jwaonji. ¹¹ Valaonji guvatujangwilenje kuti, "Uwe tuli tuvatumwa na Nnungu va kuliiunde na pashilambo na tunakujishenga aji nyumbaji jaliijishenjilwe yaka yaijinji ipitile makati mkulungwa kaje jwa Israeli ashenjile na kujikamilisha (kujimaliya) ¹² Ikaveje kwa ligongo lya asha atati vetu kwa tumbaliya Annungu va kuliunde, bai vashikwataganga mmakono ga A-Nebukadreza mkaldayo, mkulungwa ja kubabeli, ashiikujibomola nyumba na kwakamilanga vapalinji nikwapelekanga kuutimwa kwene kubabeli. ¹³ Pamo na genego pashaka shharitai shatawala koleshi nkulungwa jwa ku-babeli, nkulungwa koleshi ashikukoma mmbila jaashengwa upya ajino nyumba ga ashipanganya. ¹⁴ Nkulungwa koleshi kavili ashikuujanayo indu ya shahabu na ya mmbiya ya nyumba ja ashipanganya yaaliji Nebukadreza atolile hekalu kuyerusalemu na kuipeleka nnihekalu ku-Babeli najwalake ashiikavigoyakuka Sheshbaza, aaloji aring'agwile kuva nkulungwa. ¹⁵ Na jwalake gwantashiye, "Tola yeniyo indu,. Ushoshe na ukavishe nnihekalu kuyerusalemu na nyumba ja ashipanganya jishejwe kwekula," ¹⁶ Ndio veneva Asheshbaza guvaishe na kuvika nnjimililo gwa nyumba ja Ashipanganya kuyerusalemu na gujiendelee kushengwa, ikaveje badoo kamilika. ¹⁷ Lelo ivaga shiyanonyele vakulungwa, na uchunguzi utendeshe nyumba ja ukumbushoKu-Babeli jipagwaga hukumu ja nkulungwa koleshi ja shenga nyumba ja ashipanganya kuyerusalemu, Na akulungwa vakombole kutuma malonji gao kubbgwetu.