¹ Lelo baada ja lyelino, shipindi shaa tawala nkulungwa jwa kuajemi Altashasta, Aezra guvaishe gwashoshela bubabeli vaolongolela va Aezila valinginji: Aselaya, Aezalia, Ahilkia, ² Ashalume, Asadoki, Aahitubu, ³ Aamalia, Aazalia, Amelayathi ⁴ Azelahia, Auzi, Abuki, ⁵ Aabishaua, Afineasi, Aeliazali aliji mwana jwa Aaluni vavishila vakulungwa. ⁶ Aezla guvaishile valikopoka ku-Babeli na vadiji vataalamu vajandika va shelia ya Amisha yaliji a yahwe ivapengwilenje na ashipanganya vavaislaeli. Nkulungwa atendaakwapa kila shindu shivangugaga pava mkono gwa a yahwe gwaliji pamo na valao. ⁷ Baazi ja luveleko lwa kuislaeli na vaavishila, walawi, vajimbanga, vaalindanga na vevala vaangulwenje kukamula mahengo nnihekalu na valaonji guvapitengenenje kuyerusalemu katika shaka sha saba shika nkulungwa Altashasta. ⁸ Aezla guvaisha kuyerusalemu mwei gwa nng'ano gwa shaka sha utawala gwa nkulungwa Altashasta. ⁹ Aezla guvatandwive mwanja gwao gwa shoka kubabeli tangu lyuva lya mwei gwa nng'ano, pava vashikukola shikono kwa ashipanganya. ¹⁰ Kwa maana Aezla vashikwishoya kwa ntima gwao gowe kunjigana na kuikamula shaliya ya ashipanganya na kwajiganyanga vandunji ba Israeli amuli na shaliya yao. ¹¹ Ajino ni nakala ja vakuliungwa Aaltashasta jivaapele Aezila vaaliji vaavishila na vaanjiganya mundu alimishe katika mambo gaazizu malajilo na amuli ya ashipanganya kwa vaisraeli. ¹² Aaltashasta , nkulungwa jwa vanangulungwa, kwa Aezla nkuvishila, nkujiganya shaliya ya ashipanganya va kuliunde shalaamu. ¹³ Nnaino ngunaamulu kuti mundu jojowe jula muisrawli mu ukulungwa gwangu, pamo na vaavishila na walawi, apinga kwenda kuyerusalemu pamo na ugwe, anaaweza kwenda. ¹⁴ Unatumwa naka nkulungwa na vashauli vao saba kuvhunguza kwahusu shipanga shaYuda na kuyerusalemu ulingana na shalia ya Annungu vako, ili mmakono gako. ¹⁵ Paapunda penepo, ujamula mmbia na shahabu yaliji nkulungwa na vakunshauli vao vashikwapa ashipanganya va Israeli kwa ajili, ashimpanganya valiji kumui kwao, kuyerusalemu, ¹⁶ Mmbia na shaabu yowe inkupingaapata kuliijimbo lya Babeli, pamo na shadaka ya hiyali kwa ajili ja lihekalu lya Annungu vaonji kuyerusalemu. ¹⁷ Ng'ng'akikishe kuti yene mmbiayi itumishe kuumila malume ng'ombe, magogomaga ngondolo na vaana va ngondolo pamo na shadaka ya nafaka na shadaka ya yang'welekwa, mmishile shabiu panchati gwa lihekalu lya Annungu venunji kuyerusalemu. ¹⁸ Halafu nimwe na mayahusi alongo ajako lya mmbone lishinganishianje, kulandana na shivaapinga ashipanganya venunji. ¹⁹ Mmishile kwa ashipanganya va kuyerusalemu ikeleto yowe impegwile kwa ajili ja ibada nnihekalu lya Annungu venunji. ²⁰ Shindu shina shoshowe shipangapigwa kwa ajili ja lihekalu lya Annungu venunji shali shaapingwa vishila, rinaweza kushitola nshiviko shaa vakulungwa. ²¹ Nne nankulungwa Alitashasta nnaino nalakila vago yanga shiviko vowenji va kung'amb lushi, Euflati kukopoya kwa bidii shoshowe kwa Aezla nkuvishila na nkujiganya sheliya ya Annungu vaku liunde shishivapinje kun'ngwenunji, ²² Talanta 100 ya mmbiya, ngano koli100. divai lulo 100, mautaga zeituni lulo 100 na nnjete kiasi shoshowe. ²³ Shoshowe shili ashipanganya valajile, shitundeshe kwa kamilika kwa ajili ja lihekalu lya Annungu vakuliunde kwa nndi papangwe shiuli kwa utawala gwa vakulungwa na vana vao? ²⁴ Kaavili mmanyanje kuti mmangalinginji luushe ja kwatozanga kodi, ushulu au ada vaavishilanga, walawim vajimbanga, mabawabu, wanethini au vakumulanga maengo vananji nnyumba ja ashipanganya. ²⁵ N mmwe Aezila, kulingana na lunda lwa punda lwa Annungu venunji luulinalo, gwavikanje vajumbe na vaamuanga vowe vakwimanyanga shaliya ya ashipanganya, venunji vakamule liengo lya shoya haki kwa vandu vowe valinginji kung'ambo lushi lwa Euflati. Na mmwe inakumbidi kunnjiganya jojowe akakwimanya. ²⁶ Jojowe jula shaakeshe shaliya ya ashipanganya venunji kavili sheliya ya ika nkulungwa, kaje kwamiwa, kupokonyolwa mali au kutawa mmilungu. ²⁷ Kulumbila kuve kwa ashipanganya, Annungu va ashaatati vetu, Annungu vali kwa jijino namnaji vashivika muntima gwa vakulungwa kujipaheshima nyumba ja ashipanganya jili kuyelusalemu kwa nneli. ²⁸ Vali vanyenjeshee shibali shao kwa nkulungwa vakwetenje vao na maofisa vowe va nkulungwa vakutenje uwezo. Pava nkono gwa ashipanganya vangu pwaliji pamo na nne, nashikwiluma mtima gunaakundikanyanga pamo vandu vaalijji vanangulungwa va kuislaeli vakwelanje pamo na nne.