¹ Mande de bilo angwa awi gofulu alu tuderi ile alelega, pi meri anyukwa lidi alu suile alelega ‘ja nga u’duku iyi lovi ani ri si, “Emu!” ² Mande husani ingwe. Mo’di diaru ri ko osu diga, ongu ake laka tegia keri di’i. andaa etoru kende mo’di o’ja zwarera ri ani o’ja zware ga. ³ De bilo angwa afu gofulu rizo rii, meri anyukwa lidi rizo ri ku’jo, “Emu!” ⁴ Di a vuga husani zi efu laagwe – ika ndili. Mo’di andaani ture ri ni ake mori I’bwe ‘dwzo pi vu dige si, dudu’ba vu dige ri ku’dirukii a’i a’ini. Mo’di husani ‘di ni dige ri ake laka iligo belengu azo godu. ⁵ De bilo angwa kawi gofulu nazo ri, meri anyukwa lidi nazo ri ku’jo, “Emu!” mande husani ini, pi mo’di rire diaru ri ko mizani andaa di ga. ⁶ Meri nga u’duku ani anyukwa lidi suri alelega ku’jo, “Evo kekelenye na anya igi di alezie denari alu. Rari akenji odu vinoto ku. ⁷ De bilo angwa awi gofulu suzo ri, meri u’duku anyukwa lidi suzo ri di ku’jo, “Emu!” ⁸ ‘Di a vuga mande husani foro rii. Ture di a ruri alungwe da, pi gehena, kusaa kare’ba da’ba ri di koko vu na’i. Ake a’ini mori alu su aga vu dii tuwa, dudu ku’dikii iligo belengu si, pi abiri gumberegumbere si juwe to, pi anyukwa nyaraga vu dige ri si. ⁹ De bilo angwa afu gofulu touzo ri, mande ki’dori opi di ni paga endi’ba anda lu’dile le’jo Rubanga di si pi a’ia sadeni a’ia kole opko ri si. ¹⁰ Owukii u’duku oru ri si, “ko a’dungani, nga tuwadu zware, ole pi gba, nyimu nyilidu le’jo’ba olu’ba vu dige ri a ruge pi ama eri ni lokwezo?” ¹¹ ‘Di a vu ga alu alua’ini ake bongo azo ingwe rii ongu a’jo a’ini kulee kutekii nga gaangwadu dudu weli a’ia I’bu’baazi pi adiinji pi avunji vole ‘dile ra a’i ani ri katedu. ¹² De bilo angwa awi gofulu aziazo ri, vu oyoru opkosi. Itu ecoru ini tiri bongo ini enyi ri ani, (bongo ‘di anda eze alungwee tiriga) ongu imba ingwe ri saa ecoru ika eri ani. ¹³ Lelega oru ru’buge ri pi ejo vuru, kende awa aru ri a jozo oli sir i ani. ¹⁴ Ru’bu saa legwe di waraga lizo ri ani. ‘be mgbimgbi pi cula mgbimgbi meri aga ripi edi pi a’ia kare ni ga si. ¹⁵ Ongu opi vu dige ri pi’ba Ambato, pi mundare ni di, pi koroni, pi’ba opkoto, pi’ba tuwadu, opi opi ku ri to, zurukii ugi asi pi oni’be lelega ri pi ni asi. ¹⁶ ‘jokii be ilepini pi oni ilepini, “anyi’de ama dige! Anyizu ama di mo’di rire komi keri di nan i andaga si pi bilo angwa na anga ni ga si. ¹⁷ A’dusiku o’du amgbu a’ia angala di esa ra. A’di kate edeka wa ni?