¹ Ongu mande mo’di rire komi keri di ile adige ri a di anda niga eni buku du ri acwi nga laka ‘a na ni ga ogu nan i ga to, esi cwi gofulu tuderi si. ² Mande anjeli opko ojwa u’duku oru ri si, “a’di ate ni eni buku du ri ni awire ga pi gofulu nan i awire ga? ³ Mo’di zi iyo ru’bu ge, kusa vu dige kusa iti vu agaa atere eni buku du ile ni awire ga kusa lare ga na’i. ⁴ Mowa opko si a’dusiku mo’di zi iyo vu dige atere eni buku du ileni awire pi lare na’i. ⁵ Ti mo’di amba alu’ba amba ile alelega’jo mani, “owuku, nde! Ibi moni suru yudadi ri, kwe ni zu Daudi di ri, zwa nga tuwadu ra. Andaa atera eni buku du ile ni awirega andaa gofulu tuderi ile pi to”. ⁶ Mande bilo angwa ede kare komi yayi di ile ni ga pi anyukwa su lidi ile alelega pi amba ile alelega, andaa kelende kende a’di andaa ni ri ani. Andaa di o’jutuderi pi mi tuderi, a’i endi tuderi Rubanga di zwele vu dige tuwadu rii, ⁷ Andaa mu pi ‘du eni buku du ile mo’di rire komi keri di ile a di anda ga si pi. ⁸ De andaa ku’du eni buku du ile pi, anyukwa su lidi ile pi amba mudiri a limbi suu ile ro jokii vuru bilo angwa ile a andaga. Alu alu o’di to di ga pi ita mula sure su ri di iswe ngure viya ri ‘aru, ile ilegi’ba ole ri dii. ⁹ Ngokii longo u’di; nyate ra enibuku du ileni ‘durega pi andaa gofuluni awirega, a’dusiku ali nyira, pi nyaa erisi nyige ba Rubanga ni suru tuwadu, ti tuwadu, ‘ba tuwadu pi vu tuwadu. ¹⁰ Nyi’ba a’i keri ‘ba du pi ‘ba lazi azi’ba du i'bu edere ga ama Rubanga ni, pi a’i kuvo kuzwa vu di ni. ¹¹ Ongu mande pi meri uluvi angeli karako kulupikii komi keri di ile pi anyukwa lidi pi amba ile abara, a’i a weli tuwadu ri alifu mudi alifu mudi dii pi alifu alifu di. ¹² ‘jokii u’duku oru ri si, “bilo angwa lile ra ri esi ra mori limi, ciri opko, laru, yayi pi licu to esurega”. ¹³ Meri nga tuwadu bile bi ru’buge pi vu dige pi iti vu aga pi meri umbi jwa pke nga tuwadu a’ia agar i kujoolii, “andaa ni rire komi keridi ni ga ri ni pi bilo angwa ni kolu licu, laru, yayi, pi opko vu zwazo ri tadu tadu” ¹⁴ Anyukwa su ri pi akikii, “Amen!” pi joki vuru kekii laru.