¹ Di a vuga mande anjeli sue de rukun su vudi ni ga, kokii opko pi kulugakii oli su vu dige ri dudu oli aluza kulwe vu dige ku, pi meri umbi jwa pke dige ku, kusa koyo kwe zi alu saa ku. ² Mande anjeli zi enga itu a efure ga si, kitimu Rubanga lidi ri di aa andaadi. Andaa jwa uduku asi ri si anjeli su ake a’ini mori vu enjizo meri to ilepi ni ku’jo! ³ “Adi anyenji ru meri to, kusa kwe ku, kusa ko de amadi kitimu opi Rubanga di ni andaga pa.” ⁴ ri weli’ba adi kitimu a’ia andaga ile; elifu 144,000 enga’ba suru Israeli di ni gas i rii papala. ⁵ Elifu 12,000 yuda di suru ge si, elifu 12,000 suru ruben di ni ga si, elifu mdia limbi ri suru gadi di ni ga si. ⁶ Elifu mudi a limbi ri suru asheri di ni ga si, elifuu mudi a limbi ri suru naftali di ni ga si, elifu mudi a limbi ri suru Manasseh di ni ga si, ⁷ Elifu mudi a limbi ri suru simeoni di ni ga si, elifu mudi a limbi ri suru levi di ni ga si, elifu mudi a limbi ri suru issakar di ni ga si, ⁸ Elifu mudi a limbi ri suru azbuluni di ni ga si, elifu mudi a limbi ri suru yozefu di ni ga si, pi elifu mudi a limbi ri suru Benjamin di ni ga si adi kitimu a’i a andaga ra ri ‘i. ⁹ ‘Di a vuga mande, pi laki ‘ba di yayadu mo’di lare wan a iyo – engakii vu tuwadu ga si, suru tuuwadu ga si, ‘ba ni ovi tuwadu pi ti mgbimgbi tuwadu ga si-edekii komi keri di ri a andaga pi bilo angwa andaga. Lusukii bongo azo ingwe pi okokii ici du a’ia diga, ¹⁰ Pi kojwakii u’duku oru ri si; “Lari kolu Rubanga amadi rire komi keri di ni dige ri ni pi bilo angwa ni!” ¹¹ Anjeli tuwadu edekii kekii komi keri di ile pi amba pi anyukwa lidi sui le a bara cwi, pi jokii vuru komi keri di ile a andaga. Keki laru Rubanga rii, ¹² Ku’jokii, “Amen! Ecu, yayi, ciri, anjokeka, eku, opko, pi morikolu ama Rubanga ni tadu! Amen!” ¹³ ‘Di a vu ga amba alu zi ma ku’jo, “Di a’du’ba, lurusu’ba bongo azo ingwe ri si ‘dii, ongu engakii inguwa?” ¹⁴ Ma’jo andaa ni, “Amba, nyini nyi”, pi andaa’jo mani, “a’i'di‘ba enga’ba kandi amgbugodu ri ni aga si ri pi. Jwekii a’i a bongo azo ri pelere pi ingwe bilo angwa ni eri si.” ¹⁵ ‘Disi, e’be a’i ede koni keri di Rubanga di ni andaga, pi kurukii andaa ni itu pi ini andaa zo elegi di ni ga. Andaa ni rire komi keri di ile ni dige ri kumu kelere andaa musema a’i adige. ¹⁶ Abiri mu ko a’i idi ku, ongu iyibi mu ko a’i idi ku, itu mu so a’i ku, ongu ituka asi ri sa mudu a’i ku. ¹⁷ A’dusiku bilo angwa komi keri di ile agagari kumu kolu a’ia leyi’i, pi andaa kumu kuse a’i adi idi iyi lidi di ni ga, pi Rubanga kumu kefu minda tuwadu pi a’i ami ge si.