¹ ‘Di a vuga mande ru’bu u’di vu u’di to, a’dusiku ru’bu ati ri vu ati lagakii pi, ongu meri saa’e iyo. ² Mande ‘bu u’di, yerusalem ni u’di, esire vuru ru’buge Rubanga di si rii, ede baba zangwa lomuruzi edele agoo ni o’du lage di sir i ani. ³ Meri u’duku amgbu enga komi keri di ni gas i ku’jo, “nde! Kare Rubanga olurega ri diadu ‘ba to, pi andaa kumu kolu a’i to. Vokolukii andaa ‘ba’i, pi Rubanga ni gba ri kumu kolu a’i to, pi andaa kumu kolu pi a’i a Rubanga’i. ⁴ Andaa kumu kefu minda pi a’i a mige si, pi da kumu kolu iyo, kusa asi lajwa, owuto, lajwa to kolu iyo. Nya tuwadu oku ri loko ra. ⁵ Mo’di rire komi keri di ile a dige ri ku’jo, “nde! Mede nga tuwadu u’di.” Andaa ku’jo, “cwi ‘di vuru a’dusiku le’jo ‘dipi egenile war i pi’i ongu gba saa.” ⁶ Andaa enjaru ku’jo mani, “nga ‘dipi ederu ra! Ma nga tuwadu nit i e’dore pi ekore’i, e’dore pi ekore’i. ⁷ mo’di o’ja zware raa ri kumu kesu nga tuwadu ra, pi mamu molu andaa Rubanga ‘i, pi andaa kumu kolu maa ngwa ‘i. ⁸ Ti a’i ‘ba ari ri, ‘ba a’i ako ripi, ‘ba injwi kanya, ‘ba balu’di’ba, ‘ba asa, ‘ba ule, ‘ba eno elegi’ba eno ni, pi ‘ba enjo tuwadu to, a’i a kare kumu kolu meri gwere asi kibiriti si ri ni aga. ‘Di andaa ni da vu rizo rii.” ⁹ Anjeli alu tuderi ri ni aga emu mo’di, andaa ni ita tuderi gare de juwe tuderi mure emure vule ga rito rii, kujo, “emu ‘dia. Mamu me’dete nyini lomuruzi, bilo angwa izi’i.” ¹⁰ Ongu andaa ngi ma pi endi aga ‘be amgbu godu azo ri ni dige e’dete mani ‘ba okole yerusalemu ni esire vuru ru’buge Rubanga di si rii. ¹¹ Yerusalem ni yayi Rubanga di to, pi andaa suka kende oni sure mirimiri ri ani, kende oni sure miyo miyo ri ani. ¹² Gangi na amgbu godu pi azo oru koti na muudi limbi ri, anjeli mudi limbi ri kutee ni. Koti ilepi ni ga si alucwi ‘bonji Israel di mudi limbi ri ri pi a ru’i. ¹³ Itu a efurega lele si koti na, oru lele si koti na vuru lele si koti na pi itu a efurega lele si koti na. ¹⁴ Ari ‘ba ile di pa na mudi limbi ri, acwi a’i a ruge ru ma’ju mudi limbi ri bilo angwa di ripi’i. ¹⁵ Mo’di loro’jore mato ile ko tali diga edele mula sure su ri si rii’ba ile ni o’bizo, andaa koti to, pi andaa ari na to. ¹⁶ ‘Ba ile asi ewo na su tuwadu ri azo na viru andaa epka to vi. Andaa o’bi ‘ba ile tali ilesi azo na tali alifu mudi limbi ri (azo na, pi epka na to pi azo na tuzo oru ri tuwadu jojo). ¹⁷ Ongu andaa o’bi ari na saa, epka aga na di pa mvu miya alu mudi su limbi su ovi ‘ba a nga o’bizo ri si (anjeli ile saa o’bi ovi alua ri ani). ¹⁸ Ari ile abi oni sure su wara lungwele jaspara ri si pi ‘ba ilea bi mula sure su ri si, miraya sure su ri ani. ¹⁹ Ari na ni pa abi oni ovi mgbimgbi sure su weli na opko ri si. Oni atizo ri kolu curu ani, rizo ri kolu ru’bu ani, nazo ri kolu loteke, suzo ri sa kolu curu ani, ²⁰ Touzo ri lokiri, aziazo ri ika, tuderizo ri lofara ‘dengele ani, arozo ri kolu ayise ni bi ani, dicaluzo ri sa kolu wara dengele ani, mudizo ri kolu lunyume, mudi limbi aluzo ri kolu ini tiri’bu ni ‘a ani, mudi limbi rizo ri kolu ika ndili. ²¹ Koti mudi limbi ri ile a’i tuwadu ede nga olure miyo sure su ri ani mudi limbi ri si, koti alu alu ede nga olure miyo sure su ani alu si. Leti tuwa’ba iledi ede mula sure su ri si, kende miraya ani. ²² Mandi ‘ba ileni aga zo Rubanga ni elegizo ri kuru, a’dusiku opi Rubanga niatere tuwadu ri bilo angwa to a’i zo Rubanga ni elegia laka ri’i. ²³ Itu pi imba to leru ku vu’jire ga ‘ba ile ni aga a’dusiku yayi Rubanga di ku’jivu laka ni, ong bilo angwa ni saa andaa ingwe’i. ²⁴ ‘Ba vu dige ri tuwadu vo kalawe ingwe ‘ba ile di si. Kabakaa vu dige ri tuwadu kuvo kezikii a’i a yayi laka. ²⁵ Koti ‘ba ile di avo alu’bu ku itu, pi ini kumu kolu laka iyo. ²⁶ Kuvo kezikii yayi pi laru’ba vudige ri di ‘aru. ²⁷ Ti nga injwi ri pi andi ri to vokwi ‘ba ile ni aga ku, ‘ba nga dinja di ni ede’ba, enjo lu’joba ri to vo torukii ‘ba ile ni aga ku. Te’ba ru cwile buku lidi di bilo angwa di ni agar i Kutorukii ni.