¹ Ongu mande anjeli alu kemu ru’buge si. Andaa ni muftaa ‘ba ali lokore ku ri di to, pi andaa ko nyori amgbugodu andaa diga. ² Andaa ko ini monigo ile, ini oku ile’i, andaa ni lungwele sitani’i rii, ombe andaa ni cwi kinya alifu alu. ³ Andaa wa andaa ni pi’bu ali lokore ku ri ni aga. Andaa la’bu tin a cwi pi ombe cwi. ‘Dii dudu andaa kate du idi ku’da vudige ri ni lungwazo kusa ko kinya alifu alu koloko pa. ile a vuga, avo ayu andaa ni ra saa gaangwadu aga. ⁴ Ongu mande komi keri di karako. ‘Ba ori’ba di na pi ni ga ri ake a’ini opko le’jo lalizo. Ongu sa mande’ba andaa oli a’i adi ra sadeni yesu di si pi le’jo Rubanga di si ri pi endi. Rukii anyukwa ile kuru kesu andaa eno’i sa’i, pi gakii imgbe alama ‘baka a’i a andaga kusa a’i a diga. Enjikii lidi, pi zwakii vu kare aluga yesu to kinya alifu alu. ⁵ ‘Ba zi’ba ra ri adi enji da asiku kusa ko kinya alifu alukate pa. ‘Di enjika da a si atizo rii. ⁶ A’i anda loso pi ole enji’ba enjika atizo ri ni aga rii! A’i ‘dipini ru ge da vu erizo ri mori ako a’i a ruge. Vo kolukii’ba nga azi’ba Rubanga ni ri pi’i pi yesu ni ri pi’i ongu vo kuzwakii vu yesu to kare aluga kinya alifu alu. ⁷ De kinya alifu alu kolokora, avo ayu satani ni pi mabusu ge si. ⁸ Andaa kumu kumu ‘ba olu’ba vu ni gbungu su vu digeri pi ni lunjware ga-gogo pi magogo to-kezi du a’i o’ja amgbugodu ileni ga. ‘ba ile vo kolukii yayadu cinyakwi meri tiger i ani. ⁹ Vokii vu je’be vudige ri ni ga si pekii kare ‘ba ole ri a rutarega ri cwi. Ti asi enga ru’buge si pi du a’i tuwadu pi. ¹⁰ Sitani ni a’i ni lunjware ri, awa meri asi di gwere kibiriti si ri ni aga, kare awa laka anyukwa, nebi enjo ri to rii. Avo ecandi a’i laka tadu ini pi itu to. ¹¹ ‘Di a vuga mande komi keri di amgbu godu ingwe, pi mo’di rire diaru ri to. Vu ru’bu to fe pi andaa andaga sit i kare’e iyo a’i ni vozo laka. ¹² Mande ‘ba oda’ba ri, ‘ba amba ba amba ku ri to-edekii komi keri di ile a andaga, pi awi buku ra. Ongu awi buku zi-buku awile ‘dii buku lidi dii. ‘ba oda’ba ile alali le’jo a’i a dige viru vi nga cwile buku ilepi ni aga ri to, viru vi a’i a i'bu to. ¹³ Meri eke ‘ba ada’ba ra andaa agar i pi. Da saa pi kare ‘ba ada’ba ra ri kolu ri to ekekii’ba oda’ba ra olure a’i ni aga ri pi, pi’ba oda’ba ra ile alali le’jo a’i a dige viru vi nga a’i a edele ri to. ¹⁴ Da pi kare ‘ba ada’ba ra ri a olurega ri to a’du awa a’i meri aside ileni aga. ‘Di andaa ni da rizo rii-meri asi dii. ¹⁵ Mo’di ru esule acwi buku lidi di ni aga kuru ri awa meri asi di ile ni aga.