¹ Nga ‘dipi a vuga meri u’duku ‘ba amgbu di ani ru’buge ku’joo, “Haleluya. Lari, yayi opko to kolu ama Rubanga ni. ² Andaa le’jo lalika anda pi gba, a’dusiku andaa li le’jo batezi amgbugo ile a dige ra, andaa ni anda’ba vu dige ri ni enjire andaa asa sir ii. Andaa lokwe andaa’ba ole ri a eri anda izi ile a cule ri ni ti ra. ³ ‘jokii ongu idi, “Haleluya! Asika kunga andaa dige tadu.” ⁴ Amba mudi ri a limbi su pi anyukwa lidi suri to jokii vuru rukii Rubanga rire komi keri di ileni dige ri. Ku’jookii, “Amen. Ida dini, Haleluya!” ⁵ Ongu u’duku eriru komi keri di ni gas i ku’joo, “Angecu ama Rubanga ni, anyi andaa opi, anyi andaa run i ori’ba ri, ‘ba amba ku pi ‘ba mori to rito.” ⁶ Ongu meri u’duku keriu kende’ba karako ni u’duku, kende iyi fula ni u’duku ani, pi kende iyi lovi a’uzo ri ani, ku’joo, “Haleluya! A’dusiku opi kuzwa vu ni, opi nga tuwadu zware ni rii. ⁷ Kulee akanjorukii pi akolukii asi i'bwe to, pi akukekii andaa ni yayi a’dusiku karama ali bilo angwa di andaa lomuruzi to ri esa ra, pi andaa lomuruzi o’baru baba. ⁸ A’i andaa ni lurusuzo bongu ingwe sure su ri si” (a’dusiku bongu ingwe suresu ile andani i'bu anda ‘ba okole ri di’i). ⁹ Anjeli ile’jo mani, “cwi nga ‘di vuru; “a’i anda loso to’ba lungwele ra karama ali di bilo angwa di ni gar ii.” Ongu andaa saa ‘jo mani, “le’jo ‘dipi a’i le’jo gba Rubanga dii.” ¹⁰ Ma’de vuru andaa paga laru kerega andaa nit i andaa ku’jo mani, “Ede nga ‘di ku! Ma nyaa opigo rezi ‘i pi nyaa adiinji lelega sadeni yesu di a vu ni oko’ba rii. Ke laru Rubanga ni, a’dusiku sadeni yesu a ruge ri endi le’jo ne’bia angele ri dii.” ¹¹ ‘Di a vuuga mande ru’bu awiru mgbo, pi mande laka kusani ingwe. Mo’di rire andaa dige ri ru na alungwee mo’di egeni wa pi gba’i. andaa kalali le’jo anda si pi ku’di o’ja saa anda si. ¹² Andaa mi ni ekwi kelende asi ni leda ani, pi andaa dige tegia keri di karako. Andaa ru acwi andaa ruge mo’di zi nire na iyo, te andaa’i papala. ¹³ Andaa kusu bongu azo sule eri aga ra rii, pi andaa ru alungwee le’jo Rubanga dii. ¹⁴ Mundara ru’bu di ko andaa vu orikii kusani ingwe ripi ni dige, lusukii bongu ingwe sure su pi okole rii. ¹⁵ Iligo belengu losi efu tin a nigasi kugandu’ba vu tuwaduu di du vuru, pi andaa kumu kuzwa a’i bele aya di si. Andaa kumu kujwi vino ni iyi’bu vino ni iyi jwirega ri ni ga angala Rubanga di amgbugodu ri si. ¹⁶ Acwi andaa ru andaa bongu azo ile ni ga pi andaa meli ni ga; “kabaka kabakaa di pi opi di” ¹⁷ Mande anjeli ede itu aga. Andaa lungwe nga u’duku oru ri si ariinji lafe’ba oru si ri pi ni, “anyevo, anyemuru kare alu ga lonya karama amgbugodu Rubanga di ni ga. ¹⁸ Anyevo anyinya opi ni iza, mundara di se’ba ni iza, iza’ba opko ri dii, iza kusani di’ba a’i ni tu’ba ri pi di to, pi’ba tuwadu ni iza, a’i di mgbo’ba pi ‘ba opi ri to, ‘ba mori ako ri pi di’ba mori to ri pidi ro. ¹⁹ Mande anyukwa ile opi vu dige ri pito a’i a mundara to. Kemurukii ‘jarega mo’di kusani ture ri ni ruge andaa mundara to. ²⁰ Ako anyukwa ile cwi kare alu ga nebi enjogo ile to, nyuma nyuma edere andaa andaga ile’i. nyuma nyuma ‘disi andaa lunjwa a’i alama anykwa di ile ni esu’ba ri du pi a’i andaa eno ni ru’ba ri to. A’i rito tuwa awa a’i lidi du meri aside gwere ile ni aga. ²¹ A’i zi’ba ri pi alu’di iligo belengu engare mo’di kusani ture ri ni tige si ri si. Ariinji tuwadu ri nya a’i a iza ru oda’ba ra ri dii.