¹ ‘Di a vu mande anjeli zi kesi vuru ru’bu gesi. Andaa opko laga pi, pi vu’e ingwe andaa yayi si. ² Andaa u’duku asi ri si ku’jo, “de wo ra, ‘de wo ra, babuloni ni amgbugodu ri ‘de wo ra! Ecoru kare ori andi ri ni oluzo, kare luruzuzo endi andi ri pi ni pi ariinji lele ku andi ri pi ni. ³ A’dusiku ‘ba tuwadu vu dige ri mvukii vino andaa vico asa di ri ra. Opi vu dige ri edekii asa andaa to ra. A’i ‘ba ede di vu dige ri pi ecorukii koroni mori andaa di oluzo lidi ovi asa di ani ri si. ⁴ Ongu meri u’duku zi ru’buge si ku’jo, “anyevo andaa ni aga si pi, anyi ‘ba madi, dudu anyemuru andaa enji to ku, anyidi juwe andaa di ni esu to ku. ⁵ Andaa enji emuru sa ko oru kende ru’bu ani, pi Rubanga era anda ovi injwi ri ra. ⁶ Lokwe andaa ni ovidu andaa lokwezo’ba zi’ba ni ri ani, ongu lokwe andaa ni vu ri nga andaa edele ri si; kubaya andaa ocwale ri ni aga ocwa laka ko’biru vu ri. ⁷ Ovidu andaa ocwa kezo andaa ni andaa nga sir i ani pi duzo lidi ovi oru ri sir i ani, ke laka icandi nja pi asi lazwa nja to. Adusiku andaa ku’joo andaa asige, “mari kerizi ani; ma awizi ku, pi mamu meri owu loro alu sa ku. ⁸ Andaa juwe kumu kesa vu alu si; da, owu loro pi abiri gumbere gumbere to. Avo adu ni asi si, a’dusiku opi Rubanga ni opko, ongu andaa ni sa mo’di andaa le’jo ni lalire ‘i. ⁹ Opi vu dige anda asa ede’ba andaa to pi ernji’ba andaa to ra ri vo kowu andaa gwezo rii na ‘i. ¹⁰ Vo kedekii liku, korikii andaa recondika si ku’jooki, “ululu ‘ba amgbugo ilesi, babiloni ni ‘ba amgbugo ile’i! a’dusiku saa alu aga papala nyaa lamgba esa ra.” ¹¹ Ede’ba vu dige ri kowukii andaa si, an’dusiku mo’di okozo andaa lezile ri ni gere na iyo ¹² Okozo mula sure su ri di, pi aya ingwe, oni weli opko, miyo sure miri miri, bongo dabaloni, bongu lo’bule, bongu nailon, bongu ika, kwe tuwadu agi ngure viya ri, okozo tuwadu edele laa si si ri, okozo tuwadu edele kwe weli oru ri si ri, edele mulaika risi ri, edele aya sir i, pi oni sure su ri si ri, ¹³ Erua tubi ‘dizo mgbimgbi, ‘be iswe, odu ngure viya ri to, vino, odu, irafu gamia di, bilo, kusani andaa gadigadi to, opigo ‘ba di mgbo ri to tuwadu’e iyo, ongu mu esuru ku! ¹⁴ Kwe o’a anda nyaa ndule nyaa opko tuwadu si ri’e iyo, pi esuru idi ku. Nyaa lidi ovi oru ri nyaa yayi to tuwa’e iyo. ¹⁵ Ede’ba reco’ba koroni okozo andaa dipi ni lezi’ba ri siri vo kedekii lolu andaa di si ori andaa recandizo ri di si, kowukii pi kungokii owuloro u’duku oru ri si. ¹⁶ Vo ku’jooki, “wululu, wululu ‘ba amgbugo anda lurusure bongu dabalani ingwe si ri ni, pi bongu lo’bule si, pi bongu ika ri si, pi mula sure si ri ni o’ire, oni sure su ri to rii! ¹⁷ Saa alu aga papala limi dipi tuwadu enjiru ra. “Amba tuwa i’bo rongo ri ni lazi’ba, pi ‘ba piye meri di to pi’ba i’bo lazi’ba to, a’i lidi a;idi tuwadu atiru meri ruge ri to, edekii lolu. ¹⁸ Ojwakii u’duku si de ndekii asika andaa gwezo rii na’i. ku’jokii, ‘ba ingo’i o’bile’ba amgbugo ‘di to rii?” ¹⁹ Tukii futu a’i a dige kudikii owu owu loro si, “wululu, wululu’ba amgbugo ileni a’dusiku a’i tuwadu andaa a’ia i'bo laka meri agar i ecorukii koroni andaa limi si. A’dusiku saa alu aga enji andaa ni ra. ²⁰ “Anyanjori andaa si, anyi ru’bu, anyi’ba a’i'ba, maju nebia to, a’dusiku Rubanga lokwe le’jo lalika anyidi andaa di ge!” ²¹ Anjeli oni kende oni anya ‘izo ri ni pi kudi waa meri umbi jwe pke aga kudi’joo, “ovi ‘di ani, babiloni ni’ba amgbugo ile avo awaa vuru mori si, pi avo ande andaa ni idi ku. ²² U’duku longolongo o’di pa’ba di, longo lungo’ba di to, pi nyamulere luva’ba ture to ri avo eri nyaa aga idi ku. Vodo ovi mgbimgbi vo esuru nyini aga idi ku. ²³ Ingwe lamba di mu ‘jivu nyini aga idi ku. U’duk mo’di izi gere ri di pi zangwa gele ridi to avo eri nyini aga idi ku, adusiku ede’ba nyidi a’i opi vu dige ripi ni’bonji ‘i, ongu nyaa ule si alunjwa ‘ba vu ²⁴ dige ripi ra, pi eri ‘da tuwadu ‘dile vu dige ri di to.