¹ Anjeli aluzo anjeli tuderi ita tuderi ile ni oko’ba emu’jo mani, “emu adi, mamu me’dete nyini le’jo lalika awuzi amba rire iyi karako ri adige ri a ruge. ² Opi vu dige ri edeki asa andaa to. ‘ba olu’ba vu dige ri pi emerikii ra andaa asa ni ira si. ³ ‘di a vuga anjeli ile ngi ma pi endi aga mondi aga, pi naa mande izi ri anyukwa ika dige, anyukwa na runa tuwa gar u la’da injwi injwi Rubanga ni lu’dazo ri di si. Anyukwa ile di na tuderi o’jo na mudi. ⁴ Izi ile su bongo lobule pi ika pi lusuru mula sure su ri di gare de nga andi andaa asa di si rii. ⁵ Andaa andaga acwi ru pakwi na ruzure di rii; “babuloni ni amgbugodu rii, asa’ba tuwadu ni ende’i rii, pi nga bate di vu dige tuwadu ri to.” ⁶ Mande izi ile emesi de eri’ba okole ri di si pi ‘ba ‘dile ra yesu sir i di si. De mande andaa ni ma’u mgbe cwi. ⁷ Ti anjeli ile ku’jo mani, “nya’u a’dusi? Mamu me’dete nyini le’jo ruzure di izi ‘di a ruge pi anyukwa andaa ni ngire ri a ru ge to ra, anyukwa di tuderi pi o’jo mudi ile’i. ⁸ Anyukwa nyaa ndele ‘di esu lidi, ti diadu iyo, ti kumu kefu ‘ba tin a lokore ku ri ni a si. Kumu kuzi andaa ni ‘dile. A’i ‘ba olu’ba vu dige, a’i ru a;idi acwi kuru buku lidi di niga redozo vu binga-a’i vo ka’u cwi de kundekii anyukwa anda olure lidi, pi mu da ra pi mure emure lidi rii na’i. ⁹ Nga ‘di kule uje ciri to rii. Di tuderi ile’be tuderi izi ile a rire ga rii. ¹⁰ A’i saa opi tuderi. Opi tour i laga pi, alu na adi aa, zina ri adi esakuru, de kesa ra andaa kumu kolu ga isa. ¹¹ Anyukwa anda olure lidi, dare ra ri anda’i saa opi orazo rii, ti andaa ni opi tuderi ri a lele ga pi anda kumu dare ra. ¹² O’jo mudi nyaa ndele ile a’i opi mudi adi esukii keri kuru rii, ti vo kesukii mori oluzo opi du saa ni mi alu kare alu ga anyukwa ile to. ¹³ A’i ‘idi ‘boro a’i lara alu, vo kazikii a’i a mori tuwadu anyukwa ile ni. ¹⁴ Vo ku ku’jakii bilo angwa to. Ti bilo angwa kumu kuzwa a’i ra a’dusiku andaa ni opi opi di’i pi kabaka kabaka di’i-ongu ‘ba andaa lungwele pi ovile a’i'ba ri aa andaa to. ¹⁵ Anjeli ile ‘jo mani, “iyi nyaa ndele ile, bate zi ile a rire ga ile, a’i ‘ba, laki, vu pi ti karako. ¹⁶ O’jo mudi nyaa ndele ile-a’i pi anyukwa ile to vo kevukii bate zi ile ra. Vo le’bekii andaa ni konyi ako pi ndoloma, vo kunyakii andaa run i iza pi kudukii andaa ni pi asi si. ¹⁷ A’dusiku Rubanga ‘ba a’ia asige duku kedekii nga andaa lele rii ka’ikii a’i a opko vu zwazo ri ni kezo anyukwa ileni kusadu ko saa le’jo Rubanga di a atenga. ¹⁸ Izi nyaa ndele ile andaa ni ‘ba amgbugodu ile ‘i opi vu dige tuwadu ri ni zware ri’i.