¹ Meri u’duku asi kulungwe nag zo Rubanga di ni aga si lu’joo anjeli tuderi ileni, “anyivo anyicu vu dige ita tuderi anga Rubanga di di ile.” ² Anjeli atizo ri mu cunga ita andaa di ni agar i; bi ovi lendere injwi pi lajwa na lo’u ri ‘de’ba alama anyukwa ile di to pi andaa eno ni ru’ba ri pi a ruge. ³ Anjeli rizo ti cu nga andaa ita ni agar i meri umbi jwa pke aga. Ecoru eri, kende eri mo’dida re pko ri di ani, pi nga tuwadu lidi meri ileni aga ri pi oda ra. ⁴ Anjeli nazo ri cu nga andaa ita ni agar i golo tuwadu aga pi idi iyi di ni aga, pi ecorukii eri. ⁵ Meri anjeli iyi di ku’jo, “nyi anda-nyi aa, pi anda olure aa, mo’di ole rii-a’dusiku nyili le’jo nga ‘di pi ni dige ra. ⁶ A’dusiku cukii eri ‘ba ole ri di pi nebia to, nyike a’ini eri mvule, ile atere a’ito rii. ⁷ Meri ki’dori aka ku’jo, “anda, opi Rubanga opko to tuwadu rii, le’jo lalika nyidi gba pi anda.” ⁸ Anjeli suzo ri cu nga andaa ita ni nga ri itu ge, e’be ake itu ni mori’ba lujwa zo asi si. ⁹ Alujwa a’i vu asi si kolo ile si, pi lu’dakii Rubanga aru, andaa ni mori to juwe ‘di pi ni dige rii. Rukii a,i a enjikuru kusa kekii yayi andaa ni kuru. ¹⁰ Anjeli touzo ri cu nga andaa ita ni agar i komi keri di anyukwa ile di ni dige, pi vu ini aku andaa keri cwi. Lunyakii a’i a leda lajwa ile si. ¹¹ Lu’dakii Rubanga ni ru’buge ri a’i a lajwa ile si pi bi a’i a ruge ri si, pi adi akii imgbe enji a’idi ni ruka. ¹² Anjeli aziyazo ri cu nga andaa ita ni nga ri golo amgbugo lungwele furati ri ni aga. Enju iyi na to dudu kawi leti opi evo’ba itu a efure ga lele ri ni ga si ni. ¹³ Mande endi andi na kelende udu ani ekwikii ini amgbugodu ri nit i ge si, pi anyukwa ti ge si pi nebi enjo ri a tige si. ¹⁴ A’i ile endi ori injwi nyumanyuma ede’ba ri pi sii. Kuvokii opi cu dige tuwadu ri pidi dudu kemukii a’i a pa kare alu ga o’ja opi atere tuwadu ri a o’du amgbugodu ri ni. ¹⁵ (nde! Memu ogu ani! Mo’di olure baba ri anda loso to, bongu andaa di kolu andaa ru ge rii dudu kufu langwe bongo ako ku dinja kudi andaa ni ku.) ¹⁶ Emu a’i kare lungwele yude’ba tis i amagedoni ri ni ga. ¹⁷ Anjeli tuderizo ri cu nga andaa ita ni nga ri oli nga. ‘Di a vu ga uduku enga zo rubanga di ni aga si pi komi keri di ni ga si ku’jo, “diadu loko wo ra!” ¹⁸ Vu lagu, ‘u, pi iyi lovi ofe, pi vu oyoru opko si-zwa vu a royoka tuwadu ra e’doru ‘ba bizo vu di ge ri ni nga, vu a royoka ‘di amgbu pi opko ambamba. ¹⁹ E’i ambugodu ile lacwi ewo na si, pi ‘ba juru tuwadu di ongu pi. ‘di a vu ga Rubanga era babuloni ni ‘ba magbugo ri, pi andaa ke ‘ba ileni kubaya gare de andaa anga ni vino sir ii. ²⁰ Runga tuwadu legwe di, pi saa ‘be tuwadu ‘e iyo. ²¹ Swi rongo kuse kilo mudi tour i ejo ‘ba dige ru’buge si. ‘ba lu’dakii Rubanga ni lamgba swi di ilesi a’dusiku lamgba ile lamvu pi.