¹ Ongu mande ru’bu ge nyuma amgbu a’uzo rii. Amjeli tuderi juwe mgbimgbi tuderi to, a’i juwe nga ni ti koloko a’i si. ² Mande nga zi kelende meri nja mundara emule asi to ri ani. ‘Ba anyukwa zware andaa eno to pi namba andaa ru di to ri edekii meri ile a bara ga. Okoki diga o’di Rubanga a kele a’i ni rii. ³ Kungokii longo musa ni opigo Rubanga di ri dii, longo bilo andwa dii; “I’bu nyidi amgbu pi a’uzo, opi Rubanga, opko tuwadu to rii. Nyaa leti ‘boro anda, opi vu tuwadu dii. ⁴ A’di’i mu ori nyi ku rii, opi, pi mu ke yayi nyaa run i ga ku rii? A’dusiku nyi a’dule papala okole ‘ba tuwadu vo kevo kuwo ngaa andaga a’dusiku ngaa I’bu anda ri e’deteru ra.” ⁵ ‘Di a vuga mande nga pi zo Rubanga di kema sadeni di to ri awi ra ru’buge. ⁶ Anjeli tuderi juwe tuderi to ri efukii kare ole lagare pi ri ni ga. Sukii bongo ingwe luuwe sure su rii pi ‘ikii a’i a aga diga mula ani risi. ⁷ Anyukwa su ileni aga si alu na ke anjeli tuderi ile ni ita tuderi edele da’bu sir ii ‘boro luga dede anga Rubanga ni olure tadutadu ri di si. ⁸ Zo Rubanga di ga de asika yayi Rubanga di disi pi andaa opko to. Mo’di zi iyo atere rutorega laka na ‘i kusa ko de anjeli tuderi ile eko juwe tuuderi ile ni cuka vu dig era.