¹ Mande bilo angwa ede‘be sinoni di ni dige. Kare alu ga andaa to aa’ba alifu miya alu mudi su a limbi su (144,000) ru andaa di pi ru andaa ata di acwi a’ia andati ge. ² Meri u’duku ru’buge si ku’u kende iyi karako deku sa u’duku iyi lovi di. U’duku maa erile ile sa keriru kende’ba kupa o’di ani. ³ ‘Ba ile ngokii longo u’di komi keri di ni andaga pi anyukwa sui le pi amba andaga. ‘Ba zi longo ile ni lenire wa na iyo, te’ba alifu miya alu mudi su a limbi su ezile vu dige si ile pii papala. ⁴ A’i ‘dipi ‘ba a’i ni endi’ba uku si kuru ripi’i, a’dusiku fukii resusi uku to kuru. A’i ‘di koko bilo angwa ni vu kare tuwadu andaa murega ri ni ga. A’i ‘dipi age a’i pi’ba aga si dudu kolukii anya ni di kare ati ri pi’i Rubanga ni pi bilo angwa ni. ⁵ Esu enjo alu saa ku a tige, a’i nga irywi zi ako. ⁶ Mande anjeli alu kufe oli asi, kuzi ofu loso ngele’ba vu dige ri ni-vu tuwa ni, suru tuwa ni, ti tuwa ni, pi ‘ba tuwa ni. ⁷ Andaa jwa u’duku asi si, “Anyori Rubanga pi anyike andaa ni yayi. A’dusiku saa andaa le’jo lalizo ri esara. Anyiru andaa ni, ru’bu bire, vu to, meri umbi jwa pke to pi idi iyi di tuwadu ri to.” ⁸ Anjeli zi-anjeli rizo na’i, eko vu na, ku’jo “Dera, Babiloni ni amgbugodi ri ‘dera, andaa ni anda vu tuwadu etare dudu kumvukii andaa asa ni vino rii.” ⁹ Anjeli zi-anjeli nazorii-eko andaa vu, ku’jo u’duku oru ri si, “De mo’di kuru anyukwa ile ra andaa eno to, pi esu alama andaa andati ge deku andaa diga. ¹⁰ Andaa kumu kumvu vino anga Rubanga di ra, vino ‘a ocwale iyi si kuru cule kubaya andaa anga di ni gar ii. Mo’di mvure ri avo ecandia asi si anjeli Rubanga di oleri ni andaa pi bilo angwa andaga. ¹¹ Asika a’i ni ecandizo ile kutu oru tadu, pi a’i lovu ku itu pi ini-a’i anyukwa ile ni ru’ba andaa enoto ripi, pi ‘ba tuwadu alama andaa ru di ni esu’ba ripi’i. ¹² Lungwe lungwe ‘di ‘ba ole ni asi epizo pi nga ebizo, a’i cara Rubanga di ni oko’ba pi a’i yesu di to.” ¹³ Meri a’duku ru’buge si ku’jo, “cwi nga ‘di. A’i anda loso to oda’ba opi ni aga ripi. “Gbadu,” Endi ku’jo, “dudu kolovukii a’i i’bu recandizo ri ni ga si, pi i'bu a’idi kumu koko a’i a vu to.” ¹⁴ Mande lofu ingwe. Nga zi ri diaru kende mo’di ani. Andaa aku dige tegia keri di mula sure su ri dii pi ko seresere losi ri diga. ¹⁵ Anjeli zina ekwi zo Rubanga di ni aga si pi lungwe nga u’duku asi ri si mo’di rire lofu dige ile ni. “Du nyaa seresere pi e’do nga lwaka. A’dusiku saa nga lwazo ri esara, lalwa vu di esa ra.” ¹⁶ Mo’di rire lofu dige ile ewi andaa seresere vu dige pi alwa vu ra. ¹⁷ Anjeli zi efu zo Rubanga ru’buge ri ni aga si; andaa sa ko seresere losi di ga. ¹⁸ Ongu anjeli zi efu terebeza iswe agi ngure viya ri ni dure gar i ni gasi, ake andaa ni mori asi rug e. andaa lungwe nga u’duku asi ri si mo’di seresere losi ri ni kore diga ri ni, “Du nyaa seresere losi ile pi re a’bala’banga ni o’a vu dige ri du, a’dusiku o’a na pi a’bi ra.” ¹⁹ Anjeli ile ewi andaa seresere vu dige pi emu a’bala’banga ni o’a vudige ri kare alu ga. Andaa cu a’i’bu a’bala’banga ni o’a jwizo anga Rubanga ri ni aga. ²⁰ Ajwi a’bala’banga ni o’a ile ‘bu jwizo ‘ba loguge ri ni ga, pi eri elu laka si ali na kusa ko kusani embe ga, azo na ire kusa mitir ri ra.