¹ ‘Di a vuga mande anyukwa enga meri aga si. Andaa o’jo mudi pi di na tueri. Andaa o’jo dige tegia keri di mudi aa, ongu andaa di alu alu ga si aa ru la’da dii. ² Anyukwa maa ndele ‘di kelende o’du ani. Andaa pakelende moyi kidikidi di ani, pi ti na kelende ibi di ani. Ini monigo ri ke andaa mori laka, pi andaa komi keri di, pi andaa mori amgbugodu ri vu zwa zo. ³ Anyukwa ile a di alu kelende a’di pko ani, ti andaa bi amgbugodu ile zwa ra. Vu ndutu a’u cwi andaa vu ni okore ga. ⁴ Ongu kekii laru ini monigo ileni, a’dusiku andaa ke andaa mori anyukwa ileni. Kekii laru saa anyukwa ileni, ongu’jokii, “A’di’i olwe anyukwa ‘di ani rii?” pi “A’di kate ‘jaka andaa to ni?” ⁵ Ake anyukwa ileni ti lo’jo’jo recuzo ri ni lo’jore ayo rii. Ongu saa ake laka mori dudu kuzwa vu imba mudi sua limbi ri. ⁶ Anyukwa ile afu andaa ti Rubanga ni u’dazo – kulu’da andaa ru pi kare andaa olure gar i to, pi a’i olu’ba ru’buge ri to. ⁷ A’i anyukwa ile ni ‘jozo ‘ba ole ri to a’ini zwazo. Pi saa ake laka mori suru tuwa dige, ‘ba tuwa dige, ti tuwa dige, pi vu tuwa dige. ⁸ ‘Ba tuwa olu’ba vu dige ri kuvo kuke laru andaa ni, ‘ba tuwadu re’dozo vu binga ru a’idi acwi buku lidi di ni ga kuru ri, a’i ‘ba bilo angwa di, anda lile ra rii. ⁹ Mo’di bi to ri keri. ¹⁰ Mo’di zile kole o’ja gar i akuzi, mo’di ‘dile belengu si ri belengu si avo a’dile ra belengu si. Di andaa ni lungwelungwe’ba okole ni oluzo ‘di asi epire ga a’i a a’i ni aga. ¹² Mori anyukwa atizo ri di tuwadu aa andaa di pi andaa e’bu mori ile anyukwa ati ile a andaga si, pi andaa e’be ba tuwadu vu dige rike laru anyukwa ati ileni – anyukwa bina zware ra ri ni. ¹³ Andaa ede nyumanyuma opko karako. Andaa ‘ba asi e’de vuru vu dige ru’bu ge si ‘ba andaga. ¹⁴ Nyumanyuma kele edele ilesi, andaa lunjwa du’ba vu dige rii. Andaa ‘jo a’i ni kedekii eno bile bi anyukwa bi zware ra ri ni ruzo. ¹⁵ Ake anda ni mori di kezo eno anyukwa di ile ni loro’jozo pi ‘bazo aku’di ‘ba tuwadu anyukwa ile ni ru’ba ku ri ra. ¹⁶ Andaa saa epi ‘ba tuwadu’ba isa ri pi ‘ba ambari to, ‘ba nga ako, ‘ba koroni ri to, ‘ba di mgbo’ba opi to, mori si dudu aku’ba alama a’i a dianda ga deku a’i a andaga. ¹⁷ Mo’di ateku nga lezika kusa geka ile de andaa ni alama anyukwa iledi to, namba andaa ru di ile’i. ¹⁸ Nga ‘di kule ciri. Mo’di nga ndere war i, kulee andaa kungo namba amyukwa iledi. Namba ile mo’di ni namba. Andaa namba ni 666.