¹ Nyumanyuma amgbu lende ru’buge; izi lusuru itu si pi imba aa andaa pa ga, pi tegia keri di lelego mudi a limbi ri to ri dinaniga. ² Izi ile ko a ra, pi kou oti ni lajwa si. ³ Ongu nyumanyuma zi lende ru’buge ra; nde! Ini monigo ika dina tuderi o’ju tuderi to, ongu tegia keri di tuderi di na niga. ⁴ Icwa na eku na aga lelego ru’bu di yi a’i vuru vu dige. Ini ile ede izi tire ti ile a andaga, dudu de kuti ‘bura ra andaa kuvu du bura ile co. ⁵ Izi ile ti bura ago mure vu zware bele aya di sir ii. ‘Bura ile pi Rubanga di ru’buge andaa komi keri di ni ga, ⁶ Pi izi ile fe pi mondi aga, kare Rubanga a edele andaa ni ri niga, andaa ni ta ambaa laka o’du alifu olu miya ri mudi aziya. ⁷ O’ja esi ru’buge. Mikaeli ni andaa anjeli to ‘jokii ini monigo ile to; ini monigo ile andaa anjeli to saa enjarukii o’ja to. ⁸ Ti ini monigo ile o’ja zwa ra. ‘Di si du kare ‘e iyo ru’buge andaa ni andaa anjeli to. ⁹ Ini monigo ile ini anda eze lungwele sitani ni ‘ba vu dige tuwadu ri pi ni lunjware ri awa vuru vu dige andaa anjeli to. ¹⁰ ‘Di a vuga meri u’duku oru ru’buge; diadu lari pi keri ama Rubanga di to, pi mori andaa kristu di to esara. A’dusiku mo’di ama adiinji ni esikire ri awa vuru pi, mo’di anda a’ini esikire ama Rubanga ni andaga itu pi ini. ¹¹ Zwaki andaani eri bilo angwa di si pi le’jo a’ia sadeni di si, a’dusiku lekii a’ia lidi ku sa ko da ga. ¹² ‘disidu kulee anyanjoru anyi ru’bu tuwadu, pi a’i tuwadu olu’ba laka ri to! Ti icandi vu ni pi meri umbi jwa pke to, a’dusiku sitani ni si vuru anyidi! Andaa ni ana ga de angala si anga to a’dusiku andaa saa lesi ga angwadu. ¹³ De ini monigo ile kunde avi andaa ni pi vuru vu dige, andaa do izi ‘bura ago tire ile a vu. ¹⁴ Ti izi ile ni ake opirekeke ri ongofo ambugodu dii dudu kufedu pi karee dele andaa ni mondi agar i ni ga. Kare ‘di avo amba andaa ta laka kinya na nusuto rii, lolu ini ile to. ¹⁵ Ini amgbu ile wi iyi andaa tis i kende iyi lure golo di ani dudu kungi izi ri ni pi. ¹⁶ Ti vu eloko izi ri ni ra. Vu awi andaa ti mvu iyi golo di ini amgbu godu ile a wile ri pi. ¹⁷ Angala anga to ko ini monigo ile cwi izi ile a ruge pi andaa mu o’ja ‘jarega izi ile a otilele to, a’i cara Rubanga di ni vu oko’ba rii pi sadeni ngele yesu a ruge ri to. ¹⁸ ‘Di a vu ga ini monigo ile mu ede cinyakwi meri fofoti ge ri adige.