¹ Ake maa diga tali nga o’bizo. A’jo mani, “nga oru o’bi zo Rubanga di pi ki’dori to, pi a’I elegi’ba laka ri to. ² Rari o’biforo zo iledi ku, a’dusiku ake pi juru ni. Vo kutukii’ba okole ile vuru imba mudi limbi ri. ³ Mamu make mori maa sadeni ri ilepi ni le’jo ngezo o’du alifu alu miya ri mudi aziya, kulusukii tiriga ayo” ⁴ Sadenia ri ile a’I kwe zeituni ri pi kwe lata lamba izo edere opi vudi ni andagrii. ⁵ De mo’di le a’I ni edele injwi, asi kenga a’i a tige si kudu a’i pi. Mo’di lere a’i ni edere ga injwi avo a’di a’i ile ni. ⁶ Sadeni ‘dipi a’i ni opko aa ru’ba la’buzo cwi dudu iyi ku’di ku lele a’i le’jo ngezo ri niga. A’I opko to iyi lufuzo kecoru du eri pi vu mgbazo juwe ovi mgbimgbi si a’i a lezo ri ani. ⁷ De kuvo kekokii a’i a I’bu ra, anyukwa efure’bu ali lokore ku ri niga si ri kumu ku’ja a’i to pi kuzwa a’i ra pi ku’di a’i ra. ⁸ A’i a ru avo e’bee kolu leti’ba amgbugo iledi ni ga (lungwele Sodoma pi Ejito’i rii) kare anda epa opi a’i di kuruee dige ri ni ga. ⁹ O’du na nus to aga ‘ba zi’ba enga’ba kare mgbimgbi ga si, suru mgbimgbi gas i, ti mgbimgbi gas I, vu mgbimgbi gas i kuvo kundekii a’i a ru ile’i. ‘Ba vo kule a’i ni esika ku. ¹⁰ A’i ‘ba olu’ba vu dige ri asi na pi vo kolu i'bwe pi kalanjorukii. Vo kukekii nga anjoanjodi a’i a lelega a’dusiku nebia ri ile ecandi ‘ba olu’ba vu dige ri opkosi. ¹¹ Ti o’du na nusu to a vuga oli lidi di engare Rubanga di ri kumu kukwi a’i a aga ongu kuvo kedekii a’i apa si. Ori amgbu kumu kuko’ba olu’ba vu dige ri cwi. ¹² Sadenia ri ile vo kerikii u’duku asi engare ru’buge ge si ri ku’joo a’i ni, “angevo oru ‘dia!” ‘di a vuga vo kutukii oru ru’bu ge lofu si, avi’ba a’idi kundee. ¹³ Saa na si vu kumu koyoru opkosi, pi alu mudi aga ‘ba ambugo iledi kumu keledi pi. ‘ba alifu tuderi vo kodara vu a royoka ileni aga, pi ‘ba lesi’ba lidi ri ori kumu kuko a’i opko si pi vo kurukii Rubanga ru’bu ge ri du opkosi. ¹⁴ Lamgba erizo ri lokora. Nde! Lamgba nazo ri kemu ezeze. ¹⁵ Anjeli tuderizo ri vu andaa ture, pi u’duku oru ri lo’joru ru’ba ge si ku’jo, “keri vu dige ri ecoru keri ama opi di’i pi andaa kristu di’i to. Andaa kumu kuzwa vu ‘bo’ba du. ¹⁶ Ongu amba mudi ri a limbi su, ori’ba a’i a komi keri di ni dige Rubanga andaga ile, jokii vuru a’ia andasi kekii laru Rubanga ni. ¹⁷ Ku’jokii, “Amake nyini anjo, opi Rubanga opkoto tuwadu ri’i, andani olure aa, ezesi saa aa, a’dusiku nyi’du nyaa mori amgbugodu ri ra pi nye’do vu zwaka ra. ¹⁸ ‘Ba juru vu dige ri evokii anga ambamba, ti nyaa anga esa wo ra. Saa esa ro’ba oda’ba ri ni le’jo lalizo a’i a dige, ongu nyini nyaa opi nebia nyidi ni a’i ni a’i a dide kezo, a’i ‘ba a’i’ba, pi a’i nyaa run i ori’ba ri pi to, a’i'ba mori ako ri pi ‘ba mori to ri pito. Saa erara nyini ‘ba vu enji’ba ri ni enjizo.” ¹⁹ ‘Di a vuga zo Rubanga ni ru zo ru’bu ge ri awi ra pi sanduku Rubanga di andaa ra’izo’ba to ri andaa zo ileni aga. Iyi lovi kalagu, vu kofe pi ku’u, vu a royoka to pi swi a joka to.