¹ Yesu ndaona umati wa vantu, ndauka kuya Kulugulu. Aho ndaikile anse ni vaemba vakwe, wiza kuwakwe. ² Ndafumila mlomo gwakwe nikuvaembeka yomba, ³ "Bola vao yao masikini va moyo maana utemi wa mwigulya wakuwao. ⁴ Bolava misayo kunguno vakahaniwe. ⁵ Bola vanao vapole, kunguno venao vakausole utemi. ⁶ Bola vanzala ni nyotu, kunguno venao vakikute. ⁷ Bola yao vakuvapanisha venao vakwitanwa vana lyakwe Seva au Mulungu. ⁸ Bola yavao mayo mkonde kunguno vakumuwone Mulungu au Seva. ⁹ Bola yavao, vakuvapatanisha venao vakutanwe vana va mwa Mulungu au Seva. ¹⁰ Bola yavao vakuteswa kuajili ya usoga venao utemi wa mwilunde wa kuwao. ¹¹ Bola ying'wi avo vantu vakatukile na kuvatesa na kuyomba kila yigambo ivi zidi ying'we kuufi kuajili yane. ¹² Mtogwe ni shangilia kunguno usoga wingwe uhanya kwigulya kwilunde. Kunguno ivi vantuivyo ndivatesa nivamanabi ndavaikala kabula yinywe. ¹³ Inywe muli munyu gwa liwelelo. Ila munyu mbe kutage ladha yakwe, ikavezekana vie ivia chunvi angi? Ikamwe ikakola iva nsonga kukintu chinge chochote angi, nitagwa ibala nitovangizya ni mugulu zya vantu. ¹⁴ Inywe muli mwanga gwali welelo. Ikaya iyo izyengilwe mwigulya ni lugulu ikivisaga. ¹⁵ Wala vantu vakakagya itala na kutula ansi ya kikapu, kumbe kukinala, yao yumamulikaga wose avo vemkaya ni nyumba. ¹⁶ Lika mwangamwinywe gwangazye mbele zya vantu ili yakuva vagaone magambo ginywe masoga ni limtuzya Vava winyu wi ayo ali mwilunde. ¹⁷ Ngene mwiganike kuvanizaga livipya ishelia wala imanabii. ¹⁸ Nkizile ivipya bali kuvezya. Igesi ndivawilahana yakuv'a mpaka mwilunde yemo ninga nukta yemo ya shelia ikasinywe mugati ni shelia dadi aho kila kintu aho kilave chakaveziwa. ¹⁹ Evyo ninga uyo akavele eamli ndoo mugati ni utemi wa mwilunde lakini uyo azidimile na liziembeka akaitanwe mhanya mugate ni utemi wa mwilunde. Kunguno uyo alazidime ziziziembeka akaitanwe muhanya mugati ni utemi wa mwilunde. ²⁰ Kunguno ndivawila usoga winywe ulu izidi usoga ya vandishi ni Mafalisayo, ku vyovyote vile mkashe mwingile mugati ni utemi wa mwilunde. ²¹ Mwigagwa yayombwa kale kuva ngenewula ulage kuyo aulagile wako kuatali yiukumiwa.' ²² Lakini ndivawila kuyo akusola mduguye akave ni hatali ya ihukumu ku yoyote uyo akumuwila mduguye kuva ene we mtuukafaya akave ni hatari yivalazya niyu akuyomba ene wemlele akavetayari mugati ni moto gwa milele. ²³ Ivyo mbe ulifunya isadaka yako mugati ni madhabau na ulikumbula yakuva mduguyo wigele igambo lolote dhidi yako, ²⁴ aileke sadaka kumbele ya lutale kisha dima nzila yako witogwe kwanzani mduguyo gise wize liifumya isadaka yako. ²⁵ Mwitogwe ni mshitaki wako wangu uve nawe munzila kuya ku maakama, mbeyenevyo mshataki wako akolile likuleka mmakoni gakwe aakim niakim akuuke mmakono gava selikale nao akatangwe mwigeleza. ²⁶ Amini ndivawila kudavu likaleka hulu mpa adi ulipe senti ya mwisho ya mapesa ago udaiwa. ²⁷ Mwiga yatonwa kuva ngene uvezye, 'Mmalaya.' ²⁸ Ila ndevawila uyo akamlinga mkema nilinatamani walaga kuvezya umalaya nawe mmoyo gwakwe. ²⁹ Nambe linso lyako lya mlyela lilikusababisha wikumpe lisinye naulitage kule nao kunguno ikiungo kimo mugati ni mvili gwako nitagwa kujianam. ³⁰ Nembe mkono gwako gwa mlyela guli kusababisha wikumpe gusinye na ugutage kule nao kunguno ikuungo kumo mugati ni mvili gwako gutagwa kujeanam. ³¹ Yatonwa uyo aampezye uke wakwe, ampe hati ni talaka.' ³² Lakini ene ndivawila yoyote uya akumleka mke wakwe, kunguno ya zimalaya au wiyanzi akuva myanzani. Nayovwona ibaada yipwa italaka uwita uyanzani. ³³ Angi, mwigwa yatonwa kuavo vakale ngene mwapiekuufi kumbe mufile iviapo kumwa Vava.' ³⁴ Lakini ndivawila ngene mwapie ninga kidogo ninga kwilunde kunguno gwanzo zya mwa Mulungu au Seva: ³⁵ ninza wuwelelo kunguno henaha ha kutula kiti chitovela mpambala zyakwe au mu Yelusalemu, kungu kaya ya mtemi mhanya. ³⁶ Wala ngene wapie kumtwe gwako, ukakola kwita nyele yino ine yape au yafi. ³⁷ Basi magambo ginywe gave, 'Ga hana, hana au hapana, hapana.' Kunguno ago gakwiidi gafumile kumoyo katavi. ³⁸ Mwiga yatonwa linso kuliwo nilino kulino.' ³⁹ Lakini ndivawila ngene mwikindya ni mtu muvezya mavi mbe mtu wakuguma itama lya kulia imgaluzile ni kushoto. ⁴⁰ Mbe ninga yumo ali kulazimishe kuya nawe isehem yimo yangi inawe maili ivili. ⁴¹ Ninga ku yoyote uyo alikulomba mpe na ngene umleke yoyote uyaakwitaji ikopa. ⁴² Na mbee ninga yumo alitamani kuya, nao kumaakama mliupuzya hanzo yako mulekele ni joo lyako. ⁴³ Yatonwa, 'Umtogwe jilani yako ndene umgaye adui yako.' ⁴⁴ Lakini ndivawila muvitogwe vaaduwi ving'we valombeli avo vakuvakenya, ⁴⁵ kunguno muve vana vamwa vava wing'we uyo ali mwilunde kunguno ulivezye lyuva livamulikile vavezya masoga ni mavi li vasondo uvalyangya vula vavi ni vasoga. ⁴⁶ Nambe muvatogwe ava vakumtogwa inywe mupata usoga kii? Kwani vatoza ushulu vakakwita vivyo? ⁴⁷ Nambe muvagishe vadugu vingwe do mupata kii zaidi vange? Je!, Vantu va nsii vakakwita vivyo ne vivyone? ⁴⁸ Ilatikiwa muve vasoga kiti V'av'a wing'we wa mwilundo ivyo wina usoga.