¹ Mpaka Yesu ndalengiwa ni Roho Sondo mpaka mwijangwa ili agemelwe no katavi. ² Aho ndavile afunguli kunsi makumi anne lyoka ni uziku ndiyamkola nzala. ³ Walimngemela ndaiza nilimuwila, "Mbe uli mwana wa mwa Mulungu, gagemelage mawe genaga gave mkate." ⁴ Lakini Yesu ndamwitauka, "Nilimwila yandikwa, 'Emtu akaelalikala kumkate duu kumbe kukila igamba ilo llifumile mumolomo gwa mwa Mulungu."' ⁵ Angi katavi ndamfila mugati ni mkaya msoga nilimtula sehgem yaigulya sana ijengo lya kusalila, ⁶ nalimuwila," mbeve uli Mwana wa mwa Mulungu, witikile mpaka ansi itanilwe ayandikwe, 'Kuduhu livatuma kakwe vize vakudaka valakwinula, ili ngene wikumpe mugulu gwako mugati ni wee." ⁷ Yesu ndawila, "Angi itonilwe, 'Ngene umgemele Vava Mulungu wako."' ⁸ Angu, katavi ndamsomba nilimfika isehemu ya igulya sana ndamlangya utemi wose wa mliwelelo ni fahali ya zinezyo zyose. ⁹ Ndawila, " Nkukupa vintu vyose vinivi endapo kusujudia na lindomba." ¹⁰ Angi Yesu ndawila, "Afume ewe Shetani! Uye kivyako kunguno yatonwa, 'Yubidi kumsalila Vava Mulungu wako, limtumamila msava mwinikile duu."' ¹¹ Katavi ndamleka linga vakombe mliviza, vamtumamila. ¹² Akuva Yesu ndigwa yakuva Yohana vamndimaga ndauka adi ku Galilaya. ¹³ Ndauka Nazareti ni kuya likala Kapelaum, ,uyo yeko kumpelompvelo ya Galilaya, kumipaka ya majimbo ga Zebuloni Naftalil. ¹⁴ Iyi ndiyatoke kiti ivyo yandikwe ni nabii Isaya, ¹⁵ "Mugati ni kaya ya mwa Zebuloni ni mkaya ya Naftali, iya ku Bahali kumpelo ya mwa Yolodani, Galilaya ya liwelelo! ¹⁶ Vantuvaondivikile giza ndevaona umuliki uhanya kuvao vavagi vikalile mugati ni magambo ni mtaka gwa lufu kwigulya yao mwanga gwavamlikilaga." ¹⁷ Ifuma iwakati wonowo Yesu ndazya itanizya ni yomba, "Galikagi, kungu utemi wa mlewelelo wegelaga." ¹⁸ Aho ndakuyumba mpelo mpelo ya Bahali ya Galilaya, ndavaono vaudugu vavili, uyo wavagi akwitanwa Petelo, ni Anderea ni kaka yakwe, ndavakutega nyavu mbahali, kunguno vavagi vazuzi va nsomba. ¹⁹ Yesu ndavawila, "Izi mundonde nane ka nezya muve vazivi va vantu." ²⁰ Malayimo ndivazileka nyavu nakumlonda. ²¹ Yesu aho ndaile ifuma henao ndavaona vaudugu vavili vangi, Yakobo myanda wa mwa Zebedayo, ni Yohana mkulu wakwe vavagi mugati ni lyato pamoja ni Zebedayo evuva wawo ndovakusuma nyavu zyao. Wavitana, ²² kukamo ndevaleka lyato ni v'ava wao vamlonda. ²³ Yesu ndayo kumasinagogi gose ndakufundisha mugati ni masinagogi gawo ndakutamizya iinjili ya utemi ndakuvapizya kila aina ya malwile mnyoyo zya vantu. ²⁴ Empola zyakwe zyasambala siraa yose na vantu ndevavaleta kuwakwe avo wose vavagi valwile vavagi ni mlwile gangi gangi ni usatu vavagi na mihoo na kugwa inyagi ni vao vapola. Yesu ndavapezya. ²⁵ Uhanya wa vantundivamlonda ifuma Galilaya, ina Dekapoli, ni Yelusalemu ni Uyaudi nifuma ng'ambo ya Vayaudi.