¹ Uzingatie ileka kuvezya magambo masoga kuutongelezi wa vantu ili kwilagya mbekuvenevyo ukashe upate usoga ifuma kumwa Vava wa mwilunde. ² Basi aho ulifumya nde ugume ibubu nilisifu msava kiti ivi vafi ivyo vakwita mugati ni masinagogi mugati ni nzila ili ya kuva vantuvavadehe vyahana ndivawila vakamala isola usoga wao. ³ Nao aho ulifumya mkono gwa mmoso ngene gumanye icho kiliveziwa na mkono gwa mlyela, ⁴ ili izawadi yako ifume kusili. Ili Vava wako uyo aliwona kusili akukupe uusoga woko. ⁵ Niaho ukulomba ngine uve kitivafi, vasava vakutogwa kulomba kumasinagogi ni mkona zya mzila ili vantu vavalinge kweli wuvawila vakamul ipoke usoga wao. ⁶ Lakini eve aho ulilomba wingile mkaya ulugale mzigo na ulombe ku Vava wako ayo akuona msiri alakupe usoga wako. ⁷ Naho ulilombe ngene uve usivilizya suvili zya gambo ago gigele imana ikiti ivi nsii vakwita kunguno va liganika vakadegelekwa kunguno ya magambo mingi ago vakugayomba. ⁸ Igisi nge uve akiti avo kunguno Vava wako agamanyile gose ago uligakova ninga kabla yilomba kuwakwe. ⁹ Uve ukulomba ivi: Vava niswe wa mwigulya, ulikuzye lina lyako. ¹⁰ Utemi wako wize usoga wako uvezeke henaha aliwelelo kiti iko kwilunde. ¹¹ Ukupe mkate gwiswe gwakila lwisi. ¹² Ukusaile ni deni giswe kiti ivi iswe kukuvasaila vageni wiswe. ¹³ Na ngene ukulete mugati ni magemelo, lakini ukusinyizye ifuma yule katavi.' ¹⁴ Mbe mkavasaile vantu magambo gao, ni Vava wako wamalunde ninywe akavasaile inywe. ¹⁵ Mbe mkashe mvasaile mambo gawo ninywe Vava winywe akashe avasaile magambo ginywe. ¹⁶ Yakuva kuhose, aho ufungule ngene wilagye isula yakuva wina misayo kiti avo vakwita isula zyao ili vantu vavamanye yakuva vafungule hana vakamala ipokela usogawao. ¹⁷ Mbe ewe ufungile ivile magata kumtwe gwako na wisuke usho wako. ¹⁸ Ili ndene wilangye kuutongelizi wa vantu kuva ufungile ilakini do vava wako uuyo winasiri na vana wako uyo aliona sili alakupe usoga wako. ¹⁹ Ndine witulile usoga wako henana hawelelo kunguno nondo na kutu yuvipyaga aho vivi vuvilaga ni liva. ²⁰ Badala yakwe, witulile usoga wako evemwenekili kwilunde ya kuva ninga nondo wala kutu zikakola ivipa ni vivi vakola ivela ni kwiva. ²¹ Ku nguno usoga wako aho ukave weho ni moyo gwako gulahehenano. ²² Linso ndo mwanga gwa mvili. Gwako ikumbe muvili gwako gose, gulokaziwe mwanga. ²³ Yakuva muvili gwako mbe muvi muvili gwako gose gokalile igiza itotoro. Mbe mwanga ugo gwene mkaya yako ni giza ni ni giza hanya kiasi kii! ²⁴ Kuduhu ninga yumu uyo akolile kuvatumikila va bwana vavili lazima a mngaye yumo nalimtogwa yingi au lazima ifumye kuyumo ni limngaya yungi. Akakola limtumikila Mulungu au Seva ni nsao. ²⁵ Kunguno ndekuvila ngene uve ni mashaka iusu wikale wako yakuva ukulya ki na ukunywa kii, usumuvili gwako ukuzwala kii. Kuno! Imaisha zaidi ya chakulya na mvili ni myenda? ²⁶ Linga noni ivyo kwigulya. Vakuamba wa limbulu vakukunganya nitula mkinge lakini Vava wiswe wakwilunde avalishaga. Je innywe sio vausoga izaidi au vasava? ²⁷ Nani angi myomoyo zinyiwe kwiangaika akolile lyongeza dhiraa gimkuupanga wawikale wakwe? ²⁸ Nikunguno mukuva ni wasiwasi iusu myenda? Aganika iusu maua kuma shamba ivyo gakukula. Gakukutuma milimo na gakakolile lizwika. ²⁹ Nkali ndivawila ninga Selemani mugati ni uhanya wakwe wose ndakavikilwe kiti mojawapo ya genaga. ³⁰ Mbe Seva au Mulungu akugazwika madutu mugati ni mashamba ago gakakudum nina lwisi lumo nigolo gutangwa mugati ni moto je kukiasi kii akavav'walishe inywe kaimani ndoo? ³¹ Igise ngene muve ni wasiwasi nakuyumba, 'Ulalye kii?" au kunywe kii?" au kuluzwale ymenda ki?" ³² Kunguno nsii vokova magambo genaga na Vava wing'we wammalunde amanyile kuva mlikova genago. ³³ Ilakini ukovi utemi wakwe ni haki yakwe nagenaga gose gakakabiziwa kuwako. ³⁴ Kunguno kuwone wasiwasi kwaajili yigolo kunguno igolo, ilamanyike sava. Ni kila lwisi imanyikile kuva ni matatizo nsava.