¹ Yesu ni vanahemba vakwe vafika behini Yerusalemu na vaya mpaka Bethfage, mkati ya lugulu lwa mizeituni, ni Yesu avaluma vanahemba vavili, ² avavalila, ''Yagi mkati y kijiji ikukulonda, na mala yimo mkamsanga empunda atungagwa aho, ni mwanapunda hakimo nawe. Valunguleli ni kuvaleta kuwane. ³ Mbeyava mntu yoyote mbeavavalila chosechose ihusu ilo, mkayomba, 'Mgosha akuvahitaji, ni mntu uyo mala yimo akavaluhusu mwize hakimo nao'' ⁵ Igambo ili ilondilyafumila nelo ndilyayobwa kuvitila kwa mlaguzi lazima litimile. Avavalila, ⁴ Vavalila mhala Sayuni, linga, mtemi wako aizile kuwinyu, mtungi na alimile epunda, ni mwana punda mgosha, mwana punda mcheche. ⁶ Ni vanahemba ndivauka ni vezya kate Yesu evyondavalagilizya. ⁷ Vamleta punda ni mwana punda, ni tula miende zyao kugulya yao, namwe Yesu aikala hale. ⁸ Vingi mkati ya likominga ndivaanza mienda zyao mzila, ni vangi ndivaputa matambe ga mite kufuma kumite ni leganza mbalabala. ⁹ Idale limtongelile Yesu nawo vamlondile ndivaangula mwangwi, vayomba, ''Hosana ku mwana lyaku Daudi! Uyu msogolwa aizile kulina lya Mgosha. Hosana mwigulya kukila!'' ¹⁰ Yesu ahondafika ku Yerusalemu, kaya yose ndiyatinukila ni yomba, ''Uyu nani? ¹¹ ''Idale ndilyajibu, ''Uyu Yesu Mlaguzi, kufuma ku Nazareti yaku Galilaya.'' ¹² Ni Yesu aingila mkati ni misengelo gaku Seva. Avasaga hibala wose awo ndivakugula ni guzya mmizengelo. Hangi ndagelula meza zyavakavi va hela ni masumbe ga vaguzya nkundaa. ¹³ Avavalila, ''Itonilwe, ''Kaya yane ikaitanwa kaya ya maombi, 'Ila inyu mwaivezya ipango lya miivi.'' ¹⁴ Ni vapofu ni valema vamwizila ha misengelo, namwe avapizya. ¹⁵ Ila itungo vakulu vahozya ni vatoni ahondivaona emajabu agonda gavezya, nahondivigwa vana vakugumaekelele mmisengeloni yomba, ''Hosana ku mwana lyaku Daudi, ''Ndivadimwa ni kesila. ¹⁶ Vamwalila, ''Waigwa icho kikuyombwa na va vantu?'' Yesu avavalila, ''Ndiyo! Ila ndivakasomile, kufuma mmilomo zya vana ni vana vakeke vankonka mlinisifa etimile?'' ¹⁷ Ni Yesu avaleka niya hibala ya kaya mkati ni Bethania ni lala kunuko. ¹⁸ Endiyu ahondasuvile ku mjini, ndiali ni nzala. ¹⁹ Ndiaoma kumte hampelo ya barabara. Aguyila, ila ndiakapatile nkintu kwigulya yakwe ila manyi. Ndiaguvalila, ''Kukashekuve ni malunde kuwako daima hangi.'' Ni tungo linilo mte ndigwanyava. ²⁰ Vanahemba ahondivaona, vakamalwa ni yombo, ''Yavaavihe mte gwanyara mara yimo?'' ²¹ E Yesu ajibu nilivavalila, ''Hana nkuvavalila, mbemwava ni ukonde bila usupu, mkavezye icho kivezike kuugo mtedu, ila mkagusumbe kubahari, na ikavezeka. ²² Chochole ichomkalomba kusala, uku mbeamini, mkapokela.'' ²³ E Yesu ahondafika mmisengelo, vakuluvahozya ni vazee va vantu vamwizila itungo aho ndakuhembeka ni limuzya, ''Kumamlaka kii ukuvezya mambo aga? Niyi akupile mamlaka aga?'' ²⁴ E Yesu ajibu ni livavalila, '''Nane hangi nkavauzya iswali limo kate mbemwabwila nane vinivyo nkavavalila ni kumamlaka kii nkuvezya mambo aga. ²⁵ Kwitelwa minze gaupanga gaku Yohana - ndigwafuma mwilunde au kuu vantu?'' Vahojiana vasavakuvadava, vayomba, kwayomba, ndiufumile kulunde, 'akakuvalila, kukii ndiakamwamini? ' ²⁶ Ila mbekwayomba, 'Ndiufumile kuvandu, 'Kukuvaogoha masangizyo, kunguno wose va kumuona Yohana kate mlaguzi.'' ²⁷ Na vamjibu Yesu ni yomba, ''Kukamanya'' avavalila hangi, ''Ninga ene nkavavalile nikumamlaka kii nkuvezya mambo aga. ²⁸ Ila mkufikili kii? Mntu alivivana vavili. Aya kuyumo nilimwalila, 'Mwanawane, yaga ukavezye mllimo kwi shamba lya mizeituni ²⁹ Lelo. Mwana ajibu ni iyomba, ''Nkakuye, ila ebadaye abadilisha emawazo gakwe na ayaa. ³⁰ Ni mntu uyo ayaa kuu mwana lya uvili ni yomba nkintu chinicho. Mwana uyu ajibu ni yomba, 'Nkaya, mgosha , 'Ila ndiaka ile. ³¹ Yuhe kati ya vana vavili uyondavezya ematakwa, gaku vava vakwe? Vayomba, ''Mwana wa kwanza.'' Yesu avavalila, ''Hana kuvavalila, evakusanya uushulu ni valava vakaingila muo temi wamwa Seva kabla mkali mwingile inyu. ³² Kumaona Yohana ndaiza kuwinyu kunzil ayili ngololoku, ila ndimkamwamini, itungo vakusanya ushulu ni valava ndivamwamini. Ninyu aho ndimwaona elo likuvezeka, ndimkakoola itubu mangu ebadaye mumwamini. ³³ Mpulikizi mfano ngungi. Ndikuli mntu, mntu ali ni eneo ikululya nse. Ndahamba umzaituni, agutulila eng'omwa, avegelezya ni keseme chi kamila divai, azyeaga ni mnalagwa valinzi, na aekodisha kuvakutuzya zabibu. Na aya mkati ni nse yingi. ³⁴ Itungo lya lyembula mizabibu ahondi wasungila, ndavatuma ebadhi ya vaziz kuvzkulima va mizabibu isola mizabibu zyakwe. ³⁵ Ila vakulima va zabibu vavasola vazyavakwe, vamguma yumo, vamuulaga yungi, na vamguma yumo kumawe. ³⁶ Kumala yingi, msava mizabibu ndavatuma vazya vangi, vingi kululo ya awo vakwanza, ila vakulima va mizabibu vavavezyezya vilene. ³⁷ Baada ya aho mgosha uyo amtuma kwao mwane, ayomba, ''Vakamheshimu mwanawane.' ³⁸ Ila vakulima va mizabibu ahondiva muona msumba uyo, vaivalila, 'Uyu mzazi, Izii, kumuulage na kumuliki usazi.' ³⁹ 'Basi vamsola, vamsumba hibala ya ishamba lya mizabibu ni limulaga. ⁴⁰ Je msava ishamba lya mizabibu aho akaiza, akavavezya kii vakulima va mizabibu?'' ⁴¹ Vamvalila, ''Akavavipya awo vantu vaovu mkati ya nzila ya udaki kukila, na badaye akalikodisha ishamba lya mizabibu kuvakulima vangi va mizabibu aho ikapya.'' ⁴² Yesu avavalila, ''Ndimkusomile mkati ni utoneve, 'Iwe ilondivalikana vatalile lyakava iwe ikulu lya msingi. Ili ndilyafuma kwa Mgosha, na ekukushangaza mminso gisu?' ⁴³ Basi nkuvavalila, Mtemi waku Seva akasoliwa kufuma kukwinyu na akapiwa ense ikujali matunda gakwe. ⁴⁴ Yoseyose uyaoakagwa kwigulya ya iwe ilo akaputika mapingili mapingili. Ila kuyo likamgwila, likamsha.'' ⁴⁵ Vakulu vavhozya ni mafarisayo ahondivigwa mifano zyakwe, vaona ivavakuvayombela vasava. ⁴⁶ Ila kila ahondivakukova igolola mioko mwigulya yakwe ndivaogoha masangizyo, kunguno vantu ndivamlinga kati mlaguzi.