¹ Ku maana mtemi va mwilunde ailaalile msava eshamba ndiatunula mlao ni mapema ili igeula vatumami mkati ni eshamba lyake lya mizabibu. ² Baada yava vaizumilizya ni vatumaini edinali yimo kulwisha lumo, ndiavatuma iya mlafi ni eshamba lyakwe lya mizabibu. ³ Ndiaya hangi baada ya emasaa atatu vingo n ndiaona vatumaini vangi ndivaimilile bila milimo mkati ni eneo lya ugulilo. ⁴ Avavelila, 'Ninyu pia, yangi mkati ni eshamba lya mizabibu, ni chochote cha halali nkavapa.' Vivyo vayaa ivezya milimo. ⁵ Aya nihangi baada ya masaa sita ni hangi mkatika ni masaa ga saa tisa, ndiavezya vivyone. ⁶ Kumala yaungi hangi kumda gavo saa kumi na moja, ndiaya ni livasanga vantu vangi vimilile bila mamilimo. Ndiavalila, 'Naki mwimilila haho bila utumama milimo yoyote kulusiku luzima? ⁷ Vamvalila, kusababu kuduu mntu yoyote uyo akwajili. Avavalila, 'Ninyu pia yagi mkati ni eshamba lya mizabibu.' ^{8 9} Mda gwa mpindi gwafika, msava eshamba lya mizabibu amvalila mwimilizi wakwe, vitane vitane vatumami ni uvalipe umshahala, lava kwanza ni vamwisho vi va solo.' Ahondivauiza vale vajiliwa saa kumi na moja, kila yumo vao ndiapokela edinali. ¹⁰ Aho ndiviza vatumaini va solo, ndiviganika vakapokela zaidi, ila vapokela pia kila yumo edinali yimo kila mntu. ¹¹ Baada yi pikela emalipo gao, ndivamsayila umiliki wa eshamba. ¹² Vayomba, 'Iva vatumaini va mwisho vantumila saa yimo du mkati kuvezya milimo, ila avagelani zya nisu, isu kwasomba miligo kulusiku lazima nipya ni iduta.; ¹³ Ila msava eshamba ajibu ni iyombo vao, 'Mwichane, kavezizye agimbo ivii. Je! Ndikukaizumizye nane kudinali yimo? ¹⁴ Pokela icho kili halali yako na uye zyako. Na vitogwe wane livapa iva vatumaini avovajiliwe hamwisho sva nanho. ¹⁵ Je! ikali haki kuwane ivezya icho lutogilwe ni savozyane? Au linso lyane ivii kusababu ene ndi msogo? ¹⁶ Vivyo ni kumwisho akava va kwanza ni vakwanza akava va mwisho'' ¹⁷ E Yesu aho ndiakulima iya ku Yerusalemu, ndiavasola vanahemba vakwe ekumi ni vavili hampelo, ni mnzila avavlila, ¹⁸ ''Linga kukuya ku Yerusalemu, ni mwana lyaku Adamu akatulwa mkati ya maoko ga vakulu va vahozya valadu ni vasomi. Vakamlapezya lufu. ¹⁹ ni vakamfumya kuvantu va ense ili lemzi hala, lemfuemba ni lemtesa. Ila mlafi ni lusiku lwa utatu akazyula.'' ²⁰ Ni mayu va vana va Zebedayo ndiaza kwa e Yesu ni vana vakwe. Ndiaguma mayungo hambele yakwe ni linilomba nkititu kufuma kuwakwe. ²¹ E Yesu amvalila, ''Akukova kii?'' Amvalila, ''Amlisha iva vanavan evavili vikale, yumo kumuoko gwako gwa kulia na yumo kumuokogwako gwa kushoto mkati ni utemi gwako.'' ²² Ila e Yesu amjibu ni e yombo, ''Mkamanya icho mkikitomba. Je! ukakola likinywela ekikombe chicho kakinywela?'' Vamvalila, ''Kukakola'' ²³ Avavalila, ''Ekikombe chane hakika mkakinywela. Ila likala muoko gwane gwa kulia ni muoko gwanegwa kushoto kale ejukumu lyane livapa. Ila du kuvale vao valeandaliva ni vava yane.'' ²⁴ Vanahemba vandi e kumi ahondivapuliko ivyo, ndivahuzunika sana ni vale vadudu vavili. ²⁵ Ila e Yesu ndiavitana msava ni livavalila, ''Mmanyile ya kwamba vatemi va ense levaminisha, ni vahanya vao epulikizya emamlalagao. ²⁶ Ila ikava kuvinyu. Badala yakwe, yoyote akakova iva mhanya mkati yinyu lazima ave vivyo umtumishi winyu. ²⁷ Ni akovaye iva va solo mkati yinyu lazima ave mtumami vinyu. ²⁸ Kati vile mwana lyaku Adamu ndiakizile e temikilwa, ila e tumika, ni ifumiye upanga wakwe iva levakombola kuvingi.'' ²⁹ Mda vakufuma ku Yeriko, mlainyonyo mkulu ndivamlonda. ³⁰ Ni ndivaviaona evipofu vavili vikile hampelo ni mbalabala. Ahomlivapulika iva e Yesu ndiakuvita, ndivapazya esauti ni iyomba, ''Mgosha, Mwana lyaku Daudi, ukusayile.'' ³¹ Ila mkunganyo gwa vantu gwavakunizya, ni livavalila pumbuli. Ninga vivyo, vaa vaendele iguma ibubu zaidi iyombo, ''Mgosha, Mwana lyaku Daudi, ukuhulumie.'' ³² Ni e Yesu aimilila ni livitama ni livauzya, ''Mkukova vaitile kii?'' ³³ Vamvalila, ''Mgosha kuva mins'o gisu.'' ³⁴ Ni e Yesu, ndi akwesileve ni kisa, akumya mini gao, mala yiniyo, vapila uuwezo viona ni limlonda.