¹ Ndiyafumila itungo Yesu ahondamala empole iyo, akufuma ku Galilaya, na ayaa kuluvimbi lwa Yudea kumbele ya mongo gwa Jordani. ² Idale ihanya lyamlonda, na avapizya uko. ³ Emafarisayo vamwizila, vamgema, vamvalila, ''Je halali kumntu kumleka mke wakwe kunguno yoseyose?'' ⁴ Yesu ajibu ni yomba, ''Ndimukasomile, kuvamsava uyo avatumbile kumfumo ndiavaumbile mgosha ni mkima? ⁵ Ni hangi ayomba, 'Kunguno iyo mgosha akamleka uise ni nyina wakwe ni litola ni mke wakwe, nao vakuva mvili gumwi?' ⁶ Evyo ikali vavili hangi, ila mvili gumwi. Basi, icho akiunganisha seva, mntu yoseyose kuduhu akilekanye.'' ⁷ Vamvalila, ''Igisi kukii Musa ndiakwamulu kufumia ehati ya talaka ni mloko?'' ⁸ Avavalila, ''Kuulambu winyu wa miego Musa ndavaruhusu kuvaleka vake zinyu, ila kufuma nyazyo ndiikali evyo. ⁹ Nkuvavalila, iva yoyose uyoakamleka mke wakwe, ikali kunguno ya ulava, ni mtolo yungi, akavezya ulava ni nkeventi. Ni mgosha uyo akamtolea mkima uyo alekilwe akavezya ulava.'' ¹⁰ Mwanahemba amvalila Yesu, ''Mbeivyo ili kumgosha ni mke, ikali visoga itola.'' ¹¹ Ila Yesu amvalila, ''Ikali kila mntu ana koola kugapokela uhembekwa aga, bali kwawo duu valuhusuvilwe kupokela. ¹² Kwivyo viho matowashi awondivautilwe kufuma kunda kuva nyinao.Nevyo kulimatowashi awondivavezizwe ni vantu. Na kuli matowashi awondivivezizye matowashi kunguno ya utemi wa mwilunde. Akoole kupokela mahembekelo aga na agapokele.'' ¹³ Na aletelwa ebadhi ya vana vadoo mangu avatule ioko kwigulya yao ni lomba, ila vanahemba vakwe vavalombela. ¹⁴ Bali e Yesu ayomba, ''Mvaluhusu vana vadovado, ninga kuduhu mvakanizye lizakuwane, kunguno untemi wa mwilunde wa vantu kati vasava. ¹⁵ Namwe atula mioko zyakwe kwigulya yao, na auka aho. ¹⁶ Linga mntu yomo aiza kwa Yesu ni yomba, ''Muhembeki, nkintu kii kisoga icho kutakiwa ivezya mangu mpate iva niu panga wa milele?'' ¹⁷ Yesu amvalila, ''Kukii ukundumizya nkintu kii kisoga? Kuli yumo duu alimsoga, ila mbewatogwa, ipata upanga, udime miiko zyaku seva.'' ¹⁸ Uyo mntu amuuzya, ''Ni miiko zihe?'' Yesu ayomba, ''Ukaulagaga, ukavezyaga, ulava, ukivaga, ukakongaga, ¹⁹ uveshimu so wako ni mayu wako, na umtogwe ujilani yako kati evyo witogilwe eve.'' ²⁰ Mntu uyo amvalila, ''Emambo gose ago nagatii. Nkati kokova kii? ²¹ ''E Yesu amvalila, ''Kati mbeukukova iva mtimilifu, yaga, ukaguzye ivyo ulinavyo, na uvape vampina, na ukava ni hazina kwilunde. Na wize undonde.'' ²² Ila msumba uyo ahondaigwa ago Yesu agondamvalila, auka kuupima, kunguno ndiamiliki insao nyingi. ²³ Yesu amvalila mwanahemba wakwe, ''Na vilambu kumntu msavi lyingila mkati mumi mtemi wa mwilunde. ²⁴ Hangi nkuvavalila, na vikondu kungamia kuvita mkati ni dululu lya lushindano, kukila ku mntu msavi kwingila mkati ni utemi wakwe seva.'' ²⁵ Vanahemba ahondivigwa evyo, vakamalwa sana ni yomba, ''Yuha basi akaokoka?'' ²⁶ Yesu avalinga ni yombo, ''Nkuvantu ilolikakooleka, ila kumwa seva gose gakuwezekana.'' ²⁷ Na Petro amjibu ni kumvalila, ''Linga, kwaleka vyose nilikulonda eve kintu kii ichokukapata?'' ²⁸ Yesu avavalia, ''Hanankuvavalila, uyo akundonda ene, mkati ni uuto mpya itungo mwana lya ku Adamu aho akaikalehigulya ya masumbe ikumi na ivili vya enzi livapisha masumbe emakabila ikumi na avili ga Israeli. ²⁹ Kila yumo winyu uyondaleka ikaya, mkuluye, ilumbuye,nyina, vana, au mgunda kunguno ya lina lyane, akapokela imara mia ni isalo lya upanga wa milele. ³⁰ Ila vingi vali wa kwanza esasa, vakava va mwisho, navo va mwisho vakava va kwanza.