¹ ''Oh, mbi wayigaulaga kuva kuyigunga embi na isoka hansi! Engulu zyantegunyikaga hambele yako, ² ni kate vile umoto ivyo gukutima emasaka, umoto gale gukusevya manzi. Oh, lina lyako lyali limanyike kuvansika vako, na ya kuva ensi yaliyikutetema hambele yako! ³ Mbuki, aho wita magambo ga ensoni ago gambikukali itegemea, wasuka hansi, engulu zya tetema hambele yako. ⁴ Ifuma itungo lya kale kuduhu ninga umwi yule wigwa, ninga imanya ninga linso kumuona Seva yonseyonse embihi yakwe unde yule akwita magambo genaga kuwakwe yule akumlinda musava. ⁵ Wizaga isaidia vale vakutogwa itenda galenega ehaki, ninga vale vakuwitana vakavizukuzwa enzila zyakwe na lyeshimu umsava wapandikwa na kisira cha kwa vezya ezambi mgate na enzila yako edaima kulakomboleke. ⁶ Nguno wonse kwavagwa kate umwa yule alina uchafu, na ensembo yisu ya ehaki yavaga kate msunga mndaki. Wonse kwakalaga kate manyi, ukenaguzi wisu, ni kate muyaga gulegukukupeperusha isu hatali. ⁷ Kuduhu ninga umwi yule akwitanwa lina lyako kuduhu yule akwita enguzu zyakukulinda eve; nguno wawuvisaga ushu wako hatali na ninga na isu na kukuvezya isu kuva uchafu mgate na umkono gwa ukenanguzi gisu. ⁸ Na kumbe, Yahwe eve uli vava wisu; isu kuli ulongo. Ene uli muwumbi wisu; isu ni ekazi ya mkono gwako. ⁹ Ukavaga na kisira kikulu, Yahwe ninga edaima ukagizukilaga emavi hagate nisu, kulomba isu wonse, vantu vako. ¹⁰ Evyalo visu midehelwa yavaga ibalangu; Sayuni yavaga ibalangu, Yerusalemu yavaga upena. ¹¹ Lisengelo lisu idehelwa na esoga. Emahali aho vana visu vakasanizya eve, lyatimwagwa kumoto, na kila echo mbikili mbihe cha vipiwa. ¹² Vihe ukowolile lyendelea limshitaki Yahwe? Ukowole vihe ituliya sele na lyendelea kukunyanyansa isu?''