¹ Mbinava etayari isagulwa na vavo avo mlivakadombilile, mbinava etayari ipatikana kuvale avo mbivakakola. Nayomba, ''Ndi aha!' Kunsi iyo mbiyikilanilwe kulina lyane. ² Natandazyaga emiko yane ensiku zyonse isumbua evantu vane, vale vakuyumba mgate na enzila yile yikafwaya, vale vakuyumba kwilunde miganiko gawo vasava na emipango yawo. ³ Kulina vantu vale vakwendeleya linguma ene vakufumya kalumbilo kawo mgate na ebustani na itima uubani higulya ya ematofali. ⁴ Vakwikala mgate na emabakuri na ilole usiku wonse, na ilya enyama ya nguruve, na embuzi enchafu, wa enyama mgate na eviseme vyawo. ⁵ Vakuyomba, 'Ima hatali, ukegelaga ebihi na ene, nguno ene ndi mndehelwa mno ekola eve.' Evintu ivi ni lyonsi mgate na enyindo yane, umoto gule gukuvaka limi lyonse. ⁶ Lola, yitonilwe hambele yane: Nkashe hulike, Nguno nkuvalipa vavo hangi; kuvalipa emalipo gawo mgate na emigulu yawo, ⁷ kunguno ya ezambi zyawo na ezambi zya vava vawo kuhakimo.'' Akuyomba Yahwe. ''Nkuvajibu vavo kukutima uubani higulya ya ngulu na kumbezyezya ene higulya ya tungula. Hevyo hange nkupima higulya ya esembo zyawo zya kale mgate na emigulu yawo.'' ⁸ Yahwe akuyomba ivi, ''Mbiyili kate msunga gule gukigila mgate na etungi ya ezabibu, itungo limwi alo akuyomba, 'Ukayipipyaga yiyo nguno ni sunga, mgate yakwe; chenichi kilimo echokikita uniaba ya vatumami vane nkashe mbavipye vavo wonse. ⁹ Nkugaleta emagongo ifuma kumwa Yakobo, na ifuma Yuda vavo avo vakuzisara engulu zyane. Vavo navasagula valayisare ensi, na vatumami vane valikale hale. ¹⁰ Sharoni yilave udemilo wa undela, na ikolo gwa lya Akori lilave esehemu ya isuhila ya madale gane, kuvantu vane vale vakukola ene. ¹¹ Ila eve umsava yule valekana na Yahwe, yule akulavila ulugulu lwane msondo, yule akwandaa emeza kubali yimwa Seva na lyokazya ekikombe cha emvinyo gule guleguseleganiwe na vaseva vangi yile yikwitanwa Hatama. ¹² Nkugufila handi melo yisu kulupanga, na ewato mlinamo hansi kwisenzwa , kunguno haho mbinakwita eve ukitawukile, ahombi nkuyomba akapulikile. Ila eve mbimwita gale emavi mgate na eminso gane na isagula ivezya agogakevile gakwutogisha ene.'' ¹³ Mugosha Yahwe akuyomba ivi, ''Lola, mtumami akulya, ila eve akudimwa na enzala; lola umtumami wane akunywa ila eve akava na nkangu, lola umtumami wane akushangilia, ila eve akutulwa mgate na ensoni. ¹⁴ Lola, umtumami wane akuguma ibubu lya utogwe kunguno ya utogwe wa myego, ila eve akulila kunguno ya usatu wa mwego, na akuguma ibubu kunguno ya ishima umwego, kumyego zisu. ¹⁵ Ninyu mlalileke elina linyu kunyuma kate ilapilizyo kuvantu vale navasagula vayomba; Ene Mugosha Yahwe, 'Nkuva eve nkuvitana vatumami vane kulina lingi. ¹⁶ Yonseyonse yule nkumpa echelu higulya ya ensi akubarikiwa na ene, Seva wa hana. Yonseyonse yule akasola ilapilizyo higulya ya ensi akulapiliziwa na ene, Seva wa hana, kunguno ematatizo ga kunyuma galalavelwe, kunguno galaviswe haminso gane. ¹⁷ Nguno lola, 'Nuwegela ilunde emalunde emapya na ensi empya na magambo ga kale gakashe gizukilwe handi ninga kwiganikwa mgate na masala. ¹⁸ Ila eve mlave na utogwe na eshangilia edaima kwicho nukilunda. Lola, Nuwegela itunda Yerusalemu empya kate utogwe na vantu vakwe vale va utogwe. ¹⁹ Nkutogwa higulya ya Yerusalemu vantu vane; lyombolezya na ekililo cha mugate kikashe gigwike hangi mgate yakwe. ²⁰ Kuduhu hange umwana yule alikale hale ninga kunsiku ndoo; ninga mnamala ifwa ekabla ya itungo lyakwe. Yule akufwa mugate na isemuzyo lya emiaka igana limwi akusolwa kate mntu umdo. Yonseyonse yule akupotwa ifika isemuzyo lya emiaka igana lemwi akusolwa kate ilapilizyo. ²¹ Walazizyenge enyumba na kwikala kuko, na valahambe emizabibu na kulya evisumo vyakwe. ²² Vakashe vazyenga enyumba na vangi vakwishi mumo vakashe vahambe, na vangi vale kunguno kate lwiswe lwa emiti zilave ensiku zya vantu vane. Vantu vane valikale kitimike kukazi ya emikono zyawo. ²³ Vakashe vatumame emilimo ebure, ninga iwuta kukusayiwa, kungunno evana vale vabarikiwa na Yahwe, hakimo na magongo gawo. ²⁴ Ekabla vakali litanwa; na itungo vakuendeleya izungumzya, kupulika. Ebwa zya mwipolu na enkolo ziladimwe hakimo, na simba akulya emanyi kate eng'ombe; ila eve ulongo ulave chilwa cha nzoka. ²⁵ Vakashe valumile hange ivipya higulya ya lugulu lwane umsondo, ''Akuyomba Yahwe.