¹ Unde yule akwiza ifuma Edomu, yule avalile myenda zya rangi yaza ifuma Bozra? Unde yule uyo ali mgate na myenda zya ekifahali, yule akuyomba kukiyamini kunguno ya ukulu wa enguzu zyakwe? Himwene ene njombe ehaki na uwezo nkulu wa lyokowa. ² Kukii uvalile emyenda ya rangi yaza, na kukii vakuonekana kate yule akutova emizabibu mgate na viseme vyakwe. ³ Natovaga emizabibu zile ili mgate na viseme visava, na kuduhu ninga umwi ifuma kunsi yile vaungana na ene. Navatova kukisira chane na mbi navatova vasava kukisira chane. Emagazi gawo galukaga mgate na mwenda gwako na itula emadowa ku mwenda zyane zyonse. ⁴ Nguno mbinalola kumbele mgate na lwisi lya malipezi, na emwaka gwa upiziwa gwagelanilaga. ⁵ Ene mbinalola, na haho mbihakavile na mntu ninga umwi ninga wifumya kalumbilo, ila eve umkono gwane msava gwandetela ukindi ene, na kisira chane kihanya mbi cha atongelela ene. ⁶ Mbinavatova evantuvane hansi kukisira chane na kuvita vavo ilapizyo lyane, na mbinamwaga magazi gawo higulya ya ensi. ⁷ Nkakuganikila ensembo ya ilagano lyamwa Yahwe lilo lya kwaminika, ensembo ya udehelwa umwa Yahwe. Nkuvaganikila wonse avo Yahwe wakutendeaga esu, na ukulu wa usoga wakwe mgate na enyumba ya Israeli. Ekisa kiniki echo wakulangisha esu kunguno ya chelu chakwe na ensembo ya ilagano lyakwe lya kuaminika. ⁸ Nguno akuyomba, ''Ebaadhi yawo ni vantu vane, evana vavo vakavile vaminifu.'' Wavaga mpizwa wawo. ⁹ Ivitila uduke wawo wonse, waduka hakimo na emalaika ifua hambele yakwe wavikova vawo. Mgate na utogwe wakwe wa chelu wavakombola vavo, na vavausha higulya na vavasomba wonse mgate na itungo lyonse lya kale. ¹⁰ Ila eve mbi vamleka na kumsayisha mwego msondo. Hivyo hange wavavansika wawo na liguma hagate yawo. ¹¹ Vantu vakwe mbiviganika ehusu itungo lyakale limwa Musa. Vayomba, ''Alihe Seva, yule wavaleta higulya hibala ya ebahari hakimo na mudimi wa edale lyakwe? Alihe Seva, yule watula mwego msondo hagati ninyu? ¹² Alihe Seva yule wawita uwingi wa udehelwa wakwe iya mgate na umkono gwakumlyila gwaku Musa, na watova emanzi hambele yako, wita lina lyakwe emilele umsava du? ¹³ Alihe Seva, yule wavutongelela mgate na manzi emingi? Kate efarasi yileyikupela mgate na ulongo ensi yile ni isesela, vakavile na ewova. ¹⁴ Kate eng'ombe yile yikushika hansi mgate na ikololo, Mweg gwa mwa Yahwe gwavapaga uwusuhe. Hivyo wavatongelelaga vantu vako, kuvezya eve umsava lina lya mdehelwa. ¹⁵ Lola ensi ifuma kwilunde na pata emola kufuma mate na wikalo wa mndehelwa wako. Yilihe uutogwe winyu na esembo makulu? Esembe yako ya kisa gakaniziwagwa ifuma kuwinyu. ¹⁶ Nguno eve vava visu, Ninga ivyo Ibrahimu akakumanya isu, na Israeli yikakumanya isu, eve, Yahwe, eve ni vava isu. Umpizwa wisu lyavaga lina lyako ifuma itungo lya kale. ¹⁷ Yahwe, ku kii ukukola itangatanga na kuyeta myego yisu kuva na milambu, hivyo kwikevile kukwishiwa eve/ Suva kuniaba ya vatumami vako, kabla lya usazi wako. ¹⁸ Vantu vako vasala emahali pandono ku itungo ifupi, hange vansika visu vavatova. ¹⁹ Kwavaga kate kwigulya ya vale avo vakali itongelelwa, kate vale avo vakalilitanwa kulina lyako.