¹ Wuka, ulole; nguno umwanga gwako gwazaga na undehelwa wa mwa Yahwe wizaga kuwako. ² Ninga evyo giti yitandile mgate na esni, na egiti ntimbu mgate na ensi; Ila Yahwe akwiza higulya yinyu, na udehelwa wakwe ukwigilisha kuwinyu. ³ Ensi zilize mgate na emwanga gwako, na vatemi mgate na emwanga gwako umndaki gule guliza. ⁴ Lola na angalila lwande zyonse. Vikumingaga vasava kuhakimo na vizila kuwako. Vana vako vakufuma hatali, na vaniki vavo vakusobwa mgate na emikono yinyu. ⁵ Hange valalole na kuva na utogwe, na mwego gwako gukutogwa na itogwa, nguno wingi wa manzi galamwagwe higulya yinyu, usavi wa ensi ulize kuwinyu. ⁶ Umsafara gwa engamia gulamkinde inyu, na engamia zya Midiani na Efa; wonse valize ifuma Sheba; valete ndalama na uubani, valimbe udehelwa umwa Yahwe. ⁷ Emadale gonse ga Kaderi galikuminge kuhakimo kuwako, enkolo zya Nebaioti zilazombe evikoviwa vyawo; valizumalizye ifumiwa kalumbilo magate na misengelo gane, na ndalisanizye ekaya yako esondo. ⁸ Vale vakubulumka vasava kate malunde, na katenkunda mgate na wikalo wawo? ⁹ Epwani yikukola ene, na emeli ya Tarshishi kuvatongelela, nkuvaleta vana vinyu ifuma hatali, hakimo na hela zyawo na ndalama zyawo, nguno lina limwa Yahwe Seva winyu, na Mndehelwa wa Israeli, nguno wakweshimugu eve. ¹⁰ Evana va vageni vakuzyenga hange magelele ginyu na vatemi vawo vakuvatumamila inyu; ninga mgate na ilapilizyo lyane na valapilizya inyu, ila eve kuchelu chane nkumusayila inyu. ¹¹ Emilango yinyu yikendelea kuvi wazi, yikashe yilugalwe limi na usiku, hivyo usaviwa masala ili akuwole iletwa, hakimo na vatongelezi vakuongozwa. ¹² Hana, ensi na utemi eyo yikashiyikutimikia eve salasiniwe; ensi zizyo zilatimwa hana. ¹³ Udehelwa wa Lebanoni ulize kuwako, umti gwa msonobari hakimo na msonobari ili ipamba emisengelo gane;na ndalisanizzya eineo lya migulu yane. ¹⁴ Valize kuwako kukusenga eve vana va vale vakukunyenyekea eve valayidehelwa emigulu yako valakwitana eve chalo cha Yahwe, Sayuni ya Mndehelwa wa Israeli. ¹⁵ Ebadala yakwe kuva mweho inyu mwakalekwa nayigayiwa kunguno kuduhu ninga umwi yule akuvila mgate yinyu ndamwite kuva ekintu cha mpanzila, emilele, uutogwe ifuma ekizazi hadi ekizazi. ¹⁶ Hange ukunywa emavele ga ensi, ukutunziwa mgate na kifula cha mtemi; ukwiza kuva Ene Yahwe, Ene ndiMpizya winyu, yue Mkulu wa Israeli. ¹⁷ Ebadala shaba Nkuleta ndalama, ebadala ya chuma nkuleta; ebadala ya embao, shabana ebadala ya iwe, echuma. Nkusagulankonde kumtongelezi winyu, na ehaki ya mtongelezi winyu. ¹⁸ Ensola zikashe zipulike mgate na ensi yinyu, uvipya ninga uveli mgate na emipaka yinyu; ila ensi emagelele ginyu uwupizya, na wikale winyu mlagitane udehelwa. ¹⁹ Limi likashe live na mwanga ginyu itungo lya limi, ninga umwanga gwa umwezi itungo lya usiku likashe limvakile inyu; Ila Yahwe alave mwanga gwinyu gwa milele, na Seva winyu na Udehelwa winyu. ²⁰ Limi linyu likashelive lyiho ninga umwezi gulasiniwe na kutagika; nguno Yahwe alave emwanga gwinyu edaima, na ensiku zya lyombolezya zilamele. ²¹ Vantu vako wonse valave va ehaki; valasole isalo lya ensi kwi itungo lyonse, itambi lya emazao gane, na ekazi ya mmikono yane, ili nkuwole kuyisanizya. ²² Umwana alave mavihumbi, na udo alave ensi ya vale vanguzu; Ene Yahwe Ndagagelanizya genaga itungo aho lilave lyagelanila.