¹ Lola, umkono gwa mwa Yahwe gukavile mngulu kugugukakowole kukokowa eve; ninga itwi lyakwe likavile itimbu lipotwe kukwigwa. ² Ensembo yako ya ezambi, ninga vivyo, zyakakutenga eve na Seva, na ezabi zinyu zyakumwita auvise ushu wakwe mkauonaga ninga kumpulika msava. ³ Nguno emkono yinyu yilina malonda ga magazi na emala ginyu vyokalile ezambi. Emilomo zinyu yikuyomba ulambu na lilimi lwinyu lukuyomba kuilengo ivi. ⁴ Kuduhu ninga umwi yule akuyikola ehaki, na kuduhu yule akuvapangula emagambo gakwe mgate na ehaki. Vakugaamini emagambo ago gakavile ga hana, emagambo gaulamo; valeudima ematatizo na iwuta ezambi. ⁵ Vatelaga emagi ga nzoka zile zya sumu na ivezya umtandao gwa ebuyibuyi. Yonseyonse yule akulya emagi gakwe akufwa, na mbi aliigi likuveleka, likusonyagula enzoka yile ya sumu. ⁶ Emitandao yawo yikashe yitumike kate myenda, ninga vakakoowla kwitulila vasava kumilomo yawo. Milimo zyawo ni milimo zya ezambi, na esembo ya sola yawo mmikono zyawo. ⁷ Vaseva vangi vakuvawo, yikupelela ukenanguzi na vakupelela imwaga magazi gale gakavile na ukenaguzi. Emiganiko gawo ni miganiko ga ezambi, ensola na uvipya hemwene lunzita yawo. ⁸ Enzila ya konde vakavezya ezila enzila zili zikuvalaga, yonseyonse yule akuvila ivitila enzila zinizi ekayemanya ekonde. ⁹ Hivyo ange ehaki yili hatali na isu, ninga ehaki yikalikukupandika isu. Kulindilile umwanga kukuona giti; kukukola umwanga, ila eve kukuyumba mgiti. Kukupalapasha mgate na magelele kate vapofu, kate vale vakaliona, ¹⁰ Kuli nanwuva limi kwape kate mgate umwanga gukufifia, mgate na yule wa nguzu kuli kate vantu valevafwa. ¹¹ Esu kukuunguruma kate edubu na lyomboleza kate nkunda, kulindilile ehaki, ila kuduhu kintu; ku uupuzwe, ila eve ulihatali na isu. ¹² Nguno ukenanguzi wisu wingi uli hambele yako, na ezambi zisu zilijulisha isu; nguno ukenanguzi wako hakimo na isu. ¹³ Kwakaleka kumkana Yahwe na ileka kumlonda Seva. kwalikwayombela uulasi igaluka kunyuma, na ilamla ilalamika ifuma mmwego na magambo ga ulamba. ¹⁴ Ehaki yasuviwagwa kunyuma, vale vahaki vimilile hatali mno; nguno ehana yile lihaduhu mgate na emraba gwa wonse, chaki yikakowola liza. ¹⁵ Vaminifu vayaga zyawo, na yonseyonse yule akugaluka hatali na nkenaguzi akwilwazya musava. Yahwe waliona lilo na akatogwe, nguno kuduhu ehaki. ¹⁶ Waona kuva kuduhu umntu, na wakamalwa kuva kuduhu umntu wa iwona. Hivyo hangi umkono gwakwe ugokukuleta ukenaguzi wakwe, na ehaki yakwe akumtosheleza umsava. ¹⁷ Akuyevala ehaki kate engawo hakikuva na kofila ya chuma ua upezya umtwe gwakwe. Akuvala umsava ku emyenda ya ilepizya na ivala mwanda gwa ukindi. ¹⁸ Akulipa hangi ku echochatokeaga, ilapezyo lya kisira kuwansika yakwe na kuwansika na akayongezwa ilapizyo ya ekisiwa kate ezawadi yawo. ¹⁹ Hevyo vakulyogoha lina limwa Yahwe ifuma kumweli na udehelwa wakwe ifuma kukiya; nguno izile kate ikululu ya mongo, yikwendeshwa na myuye yimwa Yahwe. ²⁰ Umpinzwa akwiza na Sayuni na vale avo vakugaluka ifuma esembo yawo ya ileka mgate na ekaya yimwa Yakobo- Wenuwu huuyombe umwa Yahwe. ²¹ Na kate ene, lyinili ni ilagano lyane hakimo nawo- akayomba Yahwe- Mwego gwane gule gulihigulya yinyu, na emagambo gane gale gatulilwe mumilomo yinyu gakashe gasinike mmilomo zinyu isinika hatali na milomo vizukulu vinyu, ninga kuya hatali akuyomba Yahwe- ilamla egese ninga emilele.''