¹ ''Lela kumuzwi; ukahulikaga. Fumya muzwi gwako higulya kate itangazwa. Ipambana na vantu vane vale vakuleka, na enyumba yimwa Yakobo na ezambi zyawo. ² Ila vakukola ene kila lwiswi na ifurahiya mgate ya umanyi wa enzila yane, kate ensi yiye yikutenda ehaki na vakalekile miko ya mwa Seva wawo. Vakumbuzwa ene ehusu ilapilizyo lya ehaki; vapandikaga uutogwe mngate na miganiko gawo gakumwegela Seva ³ Kukii kwafunga; vayomba, 'Ila eve mkawine lilo/ Ku kii mbikwanyenyekea mgate, ila eve akamanyile?' Lola, lwiswi ikola ukenaguzi kuiwny, mkole utogwe winyu vasava na inyanyasa vatumami vinyu wonse. ⁴ Lola, enyu nalifunga ili muve vabuhu kukuikenwa na liguma, na kumagumi ya ukenaguzi wako; ukafungile walelo kuyeta umuzwi gwako gukadimaga higulya. ⁵ Kuubuhu eaina y mfungo gwenugu heneavo nkuvakola: Lwiswi ulo kila umntu akunyenyekia msava, uwinemisha utwe gwakwe hansi kate emwanzi, na isambaziwa emyenda ya magunila na ematunde hansi yakwe? Vihe hana ugukwitana gwenugu umfungo, lwisilwa kumtogisha Yahwe? ⁶ Gwanugu gukavile umfungo ugo nagusagula ene ifunga evifungo vya ukenaguzi itungula lugoye zya ijoki, mkuvatulila ehuru vale valyangamizwa, na ivipya ekila ijoki? ⁷ Yikavile ilya umkate na gule gwa nzala na kuvaleta vapena na kuvaleta vala valeavile na vikalo mgate na kunyuma yako?'' Aho ukumuona umntu ali duhu, ulikoviva uvuke emyenda; na ukivisaga eve msava vaduguyo. ⁸ Hangi emwanga gwako gukulugulilwa kate lini na upuzi wakwe ukufulume higulya kuwangu ehaki yako yikuya kumbele yakwe, na udehelwa umwa Yahwe ukuva kunyuma kukulinda. ⁹ Hangi ukumwitana na Yahwe akukupulika; ukulila mbi witaji umsaada, na akuyomba, ''Ezi aha.'' Mbi ukuyisinwa ijoki yigayiwe eminyororo yako, lyala likukushitaki, uyombe wa ukenaguzi, ¹⁰ Mbi yili eve msava ukuvapa vale va nzala na kuvatogisha vakovi mgate na uduki na giti yako likuva kate limi. ¹¹ Hange Yahwe akwendelea kuvatongelela inyu na kuva eridhisha inyu mgate na emikoa yiyo kuduhu manzi. Alagavegelezwe emagunila ginyu. Mlave kate ebustani iyo yatolagwa emanzi nakate nzwilo zya manzi kwago manzi gakwe gakavile ipungua. ¹² Ebaadhi yinyu mkuzwinga hange esehemu zya kale zile zyavipiwa; mkutengenezwa esehemu zile zyavipiwa na evizazi vingi; na mlitanwe ''Mtengenezwa wa magelele, ''Kuvasuva mgate na chalo cha kwikala.'' ¹³ Tuyombe kuva waliugalike kunyuma emigulu yinyu ifuma esafari mgate na lwiswi lwa Sabato, ivezya uchafu lwinsi lwane lusondo. Tuyombe kuva witanaga lwinsi lwa utogwe na witanaga lwinsi lwa ugosha Yahwe msondo na yakuheshimiwa. Kwayombaga kuva ukukweshimu lwinsi lwa sabato kwileka ebiashara zyako, na ukavile ikola uchafu wako musava na ukavile iyomba magambo gako musava. ¹⁴ ''Hange ukupandika utogwe kumwa Yahwe; na kuyeta (kulwita) ulugendo lwako higulya ya urihu wa ensi; Nkukulisha eve mgate na usazi umwa Yakobo vava winyu- nguno mlomo gumwa Yahwe gwayombaga.''