¹ Mwego gwa Mugosha Yahwe guli higulya yane, nguno Yahwe wambilaga maguta ene kulitangazwa magambo masoga kuvale va uduki. Wadakizwaga ene kuvapizwa avo valumilile emyigo itangazwa uuhuru kuvafungwa na ilugula egeleza ili vavo vafungilwa vakowole ifuma. ² Wandagikizwaga ene itangazwa umwaka gumwi Yahwe guli guzumiliziwe, lwiswi lwa kulepizya kumwa Seva wisu, na kuvahani vale wonse vakuombolezya. ³ Wadagikizwaga ene - kuvapa vale vakuombolezya gate na Sayuni - kuvapa vavo ekilemba cha matunde, maguta ga utogwe badala ya lyombolezya, umwenda gwa udehelwe mgate na ieneo lya mwego gwa udehelwa kuvitina mumialoni ya ehaki mbi walotishiwa na Yahwe, ili akowole idehelwa. ⁴ Vakuyezyenga hange emahali hale hakale haho havipiwa vakuhasuva emahali aho hali gali (tupu) vakuyisuva chalo echo chavipiwa, Emahali hale ha ukiwa ifuma evizazi vingi vile vuyaveta. ⁵ Vageni valimilile na ilisha emadale gawo, na vana vavo va vageni vakwita ekazi mgate na migunda yawo na emizabibu. ⁶ Mlitanwe emakuhani vamwa Yahwe; valavitane vatumami vamwa Seva wisu. Mkulya usavi wa ensi, na ulivunele mgate na usavi wakwe. ⁷ Ebadala yakwe ensoni yinyu yilongezeke na ebadala ya hela mbivatogwa higulya ya esehemu yawo. Hivyo hangi esehemu yawo yilaongezeki emara ivili mgate na ehaki na utogwe wa emilele yilave kuwawo. ⁸ Nguno Ene, Yahwe, ntogilwe ehaki, na mgayile usomba na nsola zile zikavile zya ehaki nkuvalipa vavo mgate na ehaki na nkwita ilagano lya emilele na vavo. ⁹ UUto wawo ukamanyika mgate na ensi na vana vavo mgate na vantu. Wonse vavo vakuvaona valavazumya vavo kuva ni vantu vane avo Yahwe wavabarikigi. ¹⁰ Nkutogwa mno mgate na Yahwe; mgate na Seva nkutogwa. Nguno wavikaga ene ku mwenda gwa upizya wavikaga ene umwenda gwa ehaki, kate mugosha mtozi yule wipambaga msava kukilemba, na kate mwinga yule wipambaga ku vito. ¹¹ Nguno kate ensi vile yukuzalisha emiti yili yikufuruma na kate ebustani vive yikwita emiti yakwe yikule, hivyo Mugosha alavezye emiti na undehelwe umlele hambele ya ensi yonse.