¹ Yahwe akuyomba ivi kwa vavo valilwa muguta, leuva Koreshi, yule namndimaga ku mkono gwane gwa milila ili kowole lyangamizwa ensi hambele yakwe, ivalinda Vatemi, ilugula mlango hambele yawo, ili umlango guve wazi: ² ''Nkuya hambele yako na isawazisha engulu nleuzivela evipande vipande emilango ya eshaba na isanga evipande ehingi zya chuma, ³ Nkukupa ehazina yile mgate na usavi wule ukaioneka hatari, ili umanye kuva ni ene Yahwe, yule nakwitanaga kulina lyako, Ene, Seva wa Israeli. ⁴ Kuniaba yimwa Jakobo mtumami wane, na Israeli isagulo lyane, Nakwitanga eve kulina lyako nakupaga eheshima yiliye ensoga ninga evyo ukamanyile ene. ⁵ Ene ndi Yahwe na kuduhu yungi, kuduhu Seva ila ene nkukuimalisha mgate na ulugu, ninga ukamanyile ene; ⁶ kuva vanyu vamanya ifuma uchilo wa limi, na ifuma kumweli, kuva kuduhu seva yungi ila ene: Ene ndi yahwe, na kuduhu yungi. ⁷ Nitaga umwanga na natundaga egiti; kuyomba konde na kutunda emajanga; Ene Yahwe, nkwita gele gonse. ⁸ Enyu malunde, tonyi ifuma kwigulya! Leka wape litelemke hansi ehaki, na leki ensi yinyonye ehaki, wupizya ukowolile ifuluma higulya, na ehaki isambala kutakimo. Ene Yahwe namtunda wonse kuhakimo. ⁹ Nkanche kuyonseyonse yule akuyomba ku yule wamtunda msava, kuwakwe umsava ni kate nyungu ya ulongo mgate mwa vyungu zya ulongo mate na ulongo! Vihe ulongo umuwile munumbi, ategenezwe kii? Ninga mlimo gwakwe gukasuga ekintu cha idima? ¹⁰ Nkanche wakwe akuyomba kumwa vava, 'wambutaga kii? Ninga kumkima, 'Wambutaga ene kii?' ¹¹ Yahwe akuyomba ivi, umsava yule nu Mkulu wa Israeli, Mtundi wakwe:' Ku nguno kii aleuuzwa eswali ehusu kii echokukwita ku vana vane? Vihe ukowolile kumbwila ehusu na ekazi ya emikono yane? ¹² Nayitaga ensi na itunda umntu higulya yakwe. Ni mkono gwane ene yiyo nayigolola higulya ya malunde, na mazilagikizwa ensonda zyonse zigelishe. ¹³ Namuushaga Keroshi higulya gate ehaki yane, na kulainisha enzila zyakwe zonse. Akukuzyenga ekaya yane kuupya; akuvalekala vale vauhamishoni isuva kukaya kuwawo, na yikavile kuhela ninga kurushwa, ''Akuyomba Yahwe wa emajeshi. ¹⁴ Yahwe akuyomba ivi, emapato ga Misri na evintu vya Ethiopia hakimom na Waseba ninga gwa vantu varihu, kuvaleta kuwinyu. Vakuva vakuwinyu. Vakulonda ebaada yinyu, vakwiza na eminyoror. Vakukwinamila liansi na kukulomba uku vakuyomba, 'Kuduhu Seva ali hakimo naho na kuduhu yungi ila eve.'' ¹⁵ Kuduhu mlina Seva yule akavile kuoneka a ali mgate yinyu, Seva wa Israeli, Mpizya. ¹⁶ Wonse valaayibishwe na ibwedya kuhakimo; vale vakupanza esanamu valayumbe mgate na ibwedu. ¹⁷ Ila eve Israeli yilakombolewe na Yahwe kuva upizwa wa emilele; na ninga vakashe vaibike, hange ninga ibwedya. ¹⁸ Yahwe akuyomba ivi, unde yule watunda malunde, Seva wa hana himwene watunda ensi nakuyivezwa himwene wayazisha ensi. Vatunda msava, yilavile kate uchafu, wimba ili have na wenyeji: ''Ene ndi Yahwe, na kuduhu yungi. ¹⁹ Nkayombile mgate na esiri, mgate na emaeneo ga esiri; Nkauwilele uwko umwa Daudi, 'Nkuva ebure! Ene ndi Yahwe nkuyumba ehana; Nkutanfazwa evintu evyo vya hana. ²⁰ Ekumingi inyu vasava na mwize! Ekumingi kuhakimo, inyu vazya ifuma mgate na ensi! Mkasuga emasala, ninga vale vakusomba esanamu ya ichonga na ilomba emizimu yileyikavile kumsaidia. ²¹ Egeli mbihe na mtangazizwe ee, lete uushahidi! Valeki valeta emihayo kuhakimo. Unde yule wamulagilaga genaga ifuma kale> Unde yule watangazwaga? Vihe nkavile ene, Yahwe? na kuduhu Seva yungi ila ene, Seva yule wa ehaki, na mpizya; kuduhu yungi ezaidi yakwe. ²² Ngalukili ene, na nkokolewe, emelo yonse ya ensi; Nguno ene ndi Seva, na kuduhu yungi. Ene musava kulapizya, na kuyomba mgate na ehaki yane, na nkasuvaga kuyuma: ²³ ''Kuwane kila iyungo lilagumwe, na kila lulimi lulayombe. ²⁴ Valambwile ene, Ni mgate Yahwe inene kulina upizya na enguzu.'' Valaibike vale wonse vale va kisira na Seva. ²⁵ Mgate Yahwe emakabila gonse ga Israeli galazumiliziwe, valasole empanzila mgate yakwe.