¹ Beli ukugwa hansi, Nebo akwisenga; mizimu yawo yasombagwa na endimu emiligo ya endimu. Esanamu zizyo zilemsombile ni miligo mtimbu ku ndema ya kuchonga. ² Kuhakimo vakushuka hansi vakakowola lyokowa esanamu zyawo, na vavo vasava vayaga uhamishoni. ³ Tekeleki ene, kaya yimwa Yakobo, wonse vale mwashalaga mgate na kaya ya Israeli vale mwesolagwa na ene ifuma ekabla mkali iwalwa, mbimwasolwa mbili mnda. ⁴ Ninga kuinyu vanamala ene himwene, empaka mwakapandika mvi nkumngaya. namtunda inyu na kuvasomba inyu; Nkumsola enyu nakuvakombola inyu. ⁵ Vihe ukunikolanizya ene na nde? Na ene nikolile na nde, ili ukugalinizwe? ⁶ Vantu vakumwaga endalama ifuma mgate na emabegi gawo na utimbu wa hela mgate na kilo. Vakuvajiri fundi wa kusuzya endalama, na ivezya kuva ndalama, na kwinama hansi na kazilumbilizya. ⁷ Vakuziusha mwigulu ya mavega gawo na kuzizomba; vakuzitula mgate na esehemu yakwe, na yikwimilila mgate na eneo lyakwe, na likashe lyegele ifuma hale, likulilila, ila eve likakowola ijibu ninga kumokoa yeyote yule wamatatizo. ⁸ Enganike ehusu evi evintu; kanehe ukapuuzaga enyu va ileka! ⁹ Enganike ehusu evintu vya nyandyo, itungo lile zyavitile, nguno ene ndi Seva, na kuduhu yungi, Ene ndi Seva na kuduhu kate ene. ¹⁰ Ene kutangazwa melo ifuma mbuki, na ekabla ya ekintu echo kikalitokea; Nkuyomba, ''Empango gwane gulatokee na nkwita kate vivyokwiganika.'' ¹¹ Nkumwitana enoni ya uviendi ifuma kukiya; Mntu yule na usagula wane ifuma ensi ya hatali; Hene nkuyomba, na hangi nkugatimizya genaga, nakolaga, na hangi kwita vivyo. ¹² Mpuliki ene, enyu vantu va vakaidi, vavo mli hatali na itenda masoga. ¹³ Nkuyileta ehaki yane bihi, na ninga yikavile hatali, na upizwa wane ukakulinda na kufumya upizwa wane ku Sayuni na usoga wane ku Israeli.