¹ Egese tekeleke, Yakobo mtumami wane, na Israelli, Nakusagula: ² Yahwe akuyomba evi, umsava yule wakwita na kukulunda eve mgate na mnda na eve yule wakusaidiyaga eve: Ukogohaga, Yakobo mutumami wane; na eve Yeshuruni, enenakusagula. ³ Nguno nkusovya evula mgate na ensi yile ya nkagu, na enzyilo zya manzi mgate na ensi nkazu; Nkusovya mwego gwane kuvana vako, na ebaraka zyane kuvana vako. ⁴ Vakuva mgate na masi, kati mti hapelo ya zyilo ya manzi. ⁵ Umwi akuyomba, 'Ene ndi Yahwe; na yungi atewitana lina lyamwa Yakobo, na yungi akutona mgate na mkono gwakwe, 'Ene ndi Yahwe, na kwitana umsava kulina lya Israeli.'' ⁶ yahwe akuyomba ivi-Umtemi wa Israeli na Mpizya wakwe, Yahwe wa emajesi: ''Ene ndi mbuki na melo na kuduhu Seva ila ene. ⁷ Unde yule kate ene? Na atangazwe na elezwe ematukio gale gatokea ifuma aho manzisha vantu vane va kale, na valeke vatangazwa ematukio ago gizile. ⁸ Ukogohaga ninga kusaye. Vihe ene yule nakutanganzizyaga ifuma kale, na natangazwaga? Inyu mle vatumami vane: Vihe kulina na Seva yungi ezaidi yane? Kuduhu Umgamba ngungu ezaidi yane; mmanyile kuduhu.'' ⁹ Emagemelo gonse ga esanamu yikavile kintu; vintu valinavyo evyo vavitogilwe mgate vikasuga emaana; emashahidi vakwe vakakowola iona ninga imanya chonsechonse, na vakupandikwa mgate ensoni. ¹⁰ Unde akuvezwa vaseva vangi ninga esanamu ezyo zikasuga emaana? ¹¹ Lola, evashirika wonse vakupandikwa na ensoni, evafundi na vantu du. Valeki vadimilile umsimamo gwawo kuhakimo vakogohaga na lyayibishiwa. ¹² Mzuzya yule akutumama mlimo kwa viseme vyakwe, itumama mlimo mgate na emakala ga mawe. Ulekebishwa kwitumila enyundo na utumama mlimo kumikono zyakwe yule wanguzu kuduhu enzala, na enguzu zyakwe zikumumalila. Akali inywa emanzi na izimia. ¹³ Useremala akupima embao kulugoye na kulutula nyalama kukintu chugi. Akuchonga ku evyombo vyakwe na itula nyalama kwitumila adira. akuchonga ebaada ya esanamu ya mntu, kate mntu yule akuvutia, ili akonde likala mgate ya kaya. ¹⁴ Akuyiputa hansi emierezi, akusagula emiti ya Miseprasi ninga emti ya Mialoni. Akusola umti umsava mgate na epolu. Akumezwa mvinje na emvula yilivezwa yikule. ¹⁵ Hanho umntu akutumila kumoto na kupandika iduta. Hene akuvasha moto kutimila mkate. Hangi akuvezya vaseva vangi ili agusanizwe' ¹⁶ Akutima esehemu ya kwiwi kumoto, na akutima enyama yakwe higulya yakwe. Akulya na lekwikuta. Akotela moto na akuyomba, ''Ah, Napandika iduta, naguona moto.'' ¹⁷ Kwitumila embao akutengenezwa vaseva vangi evsanamu zyakwe; akuyisanizya na kuyeshimu, akuyipa esifa na kuyomba, ''pizwe ene, nguno eve ni seva wane.'' ¹⁸ Ukavamanyile vale vakukwelewa, nguno minso gawo gapofukaga na vakakuona, na myego zyawo yikakowola imanya. ¹⁹ Kuduhu yule akwiganika, ninga lyelewa na iyomba, ''Nalimaga esehemu ya mbao mgate na moto; na hange natimaga mkate kwitumila makala gakwe. Natimaga enyama kwitumila makala gakwe nalya. Egese Vihe nukowola itengenezwa ekintu kilimdakya kunguno yakusanizya kusehemu ya mbao zile zyasalaga? Vihe mkowole isanizwa esanamu ya mbao?'' ²⁰ Ni kate yule akwilisha ematunde myego gwakwe mlamba msava, mlaga msava. Akakowola kwiyokowa msava, ninga akakowola iyomba, ''Chinichi kintu mgate na mkono gwako gwa mlila yileavile seva wa hana.'' ²¹ Eganike ehusu evintu evi, yakobo na Israeli, nguno eve ndi mtumami wane: nakutunda eve; eve ule mtumami wane: ²² Nagafutaga emakosa, gako, kate ilunde itimbu, esembo yako embi, na ilunde, na kate ezambi zyako; nguno nakukombolaga eve. ²³ Emba, enyu malunde, nguno Yahwe wagatumamaga genaga; guma ibubu enyu avo muwikala mgate na ensi. Fumi emuzwi enyu ngulu na tungulu, enyu mapolu ega miti mgate yakwe, eve lugulu, eve epolu eve wina kila aina ya mti mgate yakwe. Nguno Yahwe wamukombolaga, Yakobo, na kukulagila ukulu wakwe mate na Israeli. ²⁴ Yahwe akuyomba ivi, Mpizya wako, umsava yule wakulunda eve ifuma mnda.'' Ene ndi Yahwe, ene nita gonse kila ekintu, ene musava ndi zigolola emalunde, ene ninene kuvezya ensi. ²⁵ Ene naziputa edalili zya valamba na kuvaibisha vale vakusoma edalili zyakwe; Ene nazigaluzya ebusara zya yule wa masala na kugaluzya uyangu wawo wa kuva valele. ²⁶ Ene, Yahwe, yule na ziyomba emihayo zya vatumami vane na igelanizya ulaguzi wa mkombe wane. Yule wayomba ehusu Yerusalemu, 'Akuva emwenyeji, na mgate ya kaya yimwa Yuda, 'Vakuvezwa hangi na kuhavezya hale havipiwa; ²⁷ Ukowola iyomba ku ebahari ehanya, 'Ikala, 'Na kukala itungo lilo.' ²⁸ Yahwe himwene akuvawila Koreshi, ' Ni mdimi wane, akwita ekila lile nkulikola, akufumya isemuzyo ehusu Yerusalemu, 'Ukazwenga kuupya na ehusu Lisengelo, ''Hanho na emsingi gwakwe gwazwe itulwa.''