¹ Na nsiku zile Hezekia mbiali alwile ibihi ya kufwa. Hivyo Isaya umwana umwa Amozi, umlaguzi mbiwiza kuwakwe na kumuwila, ''Yahwe akuyomba, ;Lupanga emagambo gako nguno ulafwe, ukashe wikale.' ² ''Hange Hezekia waugalukila igelele na wamulomba Yahwe. ³ Na akuyomba, ''Esmahani Yahwe, izokila ejinsi evyo mkuya kuuwaminifu hambele yako kumwego gwane gonse na ejinsi evyonitaga ensembo nsoga mgate na miso gako.'' Na Hezekia walila ku muzwi. ⁴ Hanho umhayo gumwa Yahwe gwamwizila Isya, na kuyomba, ⁵ ''Yaga ukamuwile Hezekia, mtongelezi wa vantu vane, ''Hivyo hevyene Yahwe, Seva umwa Daudi uguku winyu, akuyomba: Nagapulikaga emaombi gako na nagaonaga nazionaga endililo zyako. Lola nuwegela lyongezye emiaka ekumi na itano mgate na emaisha gako. ⁶ Nkakukomboa eve hakimo na kaya yiniyi ifuma mgate na mkono gwa mfalime wa Asiria, na nkuwulinda higulya ya kaya. ⁷ na ili likuva alama kuwako ifuma kuwane, yahwe, kuva kwita echonakyomba: ⁸ Lola, nksababisha untaka mgate na kaya yimwa Ahazi kuya kunyuma ehatua ikumi.'' Hivyo hangi umtaka mbigwasuva nyuma ehatua ekumi higulya ya kaya yile yaliniwa higulya. ⁹ genaga higene mautone ga emaombi ga Hezekia umtemi umwa Yuda, aho mbiali alwile hange wapila: ¹⁰ ''Nayomba kuva enusu ya emaisha gane kuvita mgate na mlango gwa ekuzimu; mbinalagikiziwa hale emiaka yane yonse. ¹¹ Nayomba nkashe muone hange Yahwe, Yahwe mgate na ensi yile iyo muwikala nkshe ndole vantu hange ninga umwenyeji wa welelo yiniyi. ¹² Emaisha gane gasimwagwa na ifilwa hatali na ene kate ehema lya mndemi, mbinagakunja emaisha gane higulya kate mfumi wa myenda wasinwaga mgate na ekifungo; hagate ya limi na usiku wagakomeshaga emaisha gane. ¹³ Nalila empaka mlawo, kale simba yikuvela emaguha gane hagate ya usiku na limi wagakomeshaga emaisha gane. ¹⁴ Kate mtambila hevyo mbnalila; kate nalila kate kunda, miso gane gazova ilola higulya. Mugosha nkuteseka nsaidiye ene. ¹⁵ Njombe kii? Wonse vyayomba na ene na witaga vivyo; nkuyumba polepole emiaka yane yonse kunguno nugaginda kuusonga. ¹⁶ Mugosha, uduki uwuwaulagikizya na usoga kuwane, mbiyikuwezekana nsuviziwe hange emaisha gane, wagaluzyaga emaisha gane na eafya yane. ¹⁷ Ni kufaida yane kuva navitilaga imisayo kate yiniyi. Wakombowaga ifuma mgate na ishimo lya uvipya; nguno watandaga ezambi zyane vakuma gako. ¹⁸ Nguno mgate na ishimo vakasuga ematumaini ga uaminifu wako. ¹⁹ Umntu yule akuishi, umntu yule akuishi, himwene alikulumbila eve, kate evyo kwita walelo; vava alamjulisha evana uaminifu wako. ²⁰ yahwe akukalibia kukombola ene, na kulasherehekea kumuziki ensi zyonse za emeisha gisu mgate na kaya yimwa Yahwe.'' ²¹ Agese Isaya akuyomba, ''Valeke vasole endonge lya emiti na kulitula mgate ipute mawe akupila. ²² ''Hezekia hange akuyomba, ''Vihe ni eishara kuya kuva nkuya higulya mgate ya kaya yimwa Yahwe?''