1 Mgate itungo lya Merodaki umwa umwa Baladani, umtemi waku Babeli, mbiwalagikizya na ivalala kumwa Hezekia; kunguno wigwa Hezekia mbiali alwile na wakapila. 2 Hezekia mbi watogishwa na evi vintu; vya ethamani evintu kate hela, ndalama euungo na zyakwe, na evintu vyonse evyovigela mgate na kihenge chalewe, mbikugawila na ekintu mgate na kaya yakwe, ninga umtemi wakwe wonse, Hezekia akavalagilile vawo. 3 Agese Isaya mlaguzi wiza ku mtemi Hezekia na kumuuzwa, ''Vihe vantu venava vakwilaga kii? Vafumaga kuhee? Vizaga kuwane ifuma kutali ensi yaku Babeli.'' 4 Isaya wamuuzya vihe na evintu kii ivyo vaonaga ekila mgate nakaya yako? Hezekia wajibu, ''Vauonaga ekila kintu mgate nakaya yako. Kuduhu kintu mgate evitu vyane vya ethaman evyo nkavalagilile.'' 5 Haho Isaya wamuwila Hezekia, ''Tegeleke igambo limwa Yahwe wa emajeshi: 6 ''Lola usiku kukwegela kwiza hale kila kintu mgate na kaya yako, evintu evyo evaguku vao vavintu zya hatali empaka itungo lyinili lya egese vikafika Babeli. Kudubu echo kulahsale, akuyomba Yahwe. 7 Na vana vakuutwa ifuma kuwako, awo eve musava ukuvautwa- valasolwe hatali, na valave na avalave emaloashi mgate na enyumba lya mutemi wa Babeli.'' 8 Agese Hezekia wamuwila Israya, ''Umhayo gwamwa Yahwe guguwaguyomba na msoga.'' Nguno wuganika, ''Halave na konde uutungu mgate na nsilau zyane.'