¹ Yava lwiswi lulo umtemi Hezekia aho mbiwigwa emola zyawo, waleka emyenda yakwe, na kwikumbila mwenda gwa magunila, na wayaniya ehadi hakaya yimwa Yahwe. ² Na aho walagikizwa Eliakimu, yule ni mtongelezi wa kaya na Shebna umtoni, na vanamala va emakuhani wonse mbivikumbila emyenda zya magunila, kumwa Isaya umwana umwa Amozi, mlaguzi. ³ Vamuwila umsava, Hezekia akuyomba evi, 'Lwiswi lwinulu ni lwansi lwa uduki, ikemia na ensoni, ni kate moto yule ali etayari ewutwa ive umama yakwe akasuga nguzu zya kumteka umwana. ⁴ Yilave Yahwe Seva winyu akwigwa emihayo yimwa kamanda mkulu, avo umtemi wa Asiria Mugosha wakwe wamlagikizwa ikumguma Seva yule akwishi, na akukemea emihayo iyo Yahwe Seva winyu wagigwaga. Egese muushi emaombi ginyu higulya ya emabaki egogashale henaha.'' ⁵ Egese vatumami va mtemi Hezekia wiza kumwa Isaya, ⁶ na Isaya wamuwila, ''Muwili Mugosha winyu: ''Yahwe akuyomba, ''Mkogohaga kumihayo kwizo mwazigwaga, emihayo eyo umtemi wa Asiria watukilaga ene. ⁷ Lola nkuyitula umwego gwane mgate yakwe na akutekeleka emola efulani na akusuva mgate ya ensi yakwe umsava. Na ndamwita agwe lwande mgate na ensi yakwe msava.'' ⁸ Hene umkulu umhanya wasuva na kumsanga mtemi wa Asiria akugumana na Libna, Nguno mbiwigwaga kuva umtemi wayaga hatali ifuma Lachishi. ⁹ Hange Sennacheribi wigwa kuva Tirkhaka umtemi wa Ethiopia na Misri viyangula kwiguma na mawe gakwe. Hivyo wamlagikizya umkombe emara enyingi kumwa Hezekia afile kombe: ¹⁰ ''Muwile Hezekia, utemi waku Yuda, 'Ukamruhusugu Seva yule ukumsanizya akukonge (akulambahele), ''Yerusalemu yikashe yilunde mmikono mu mtemi wa Asiria.'' ¹¹ Wigwaga kintu echo umtemi wa Asiria echo wakitaga kuu ensi yonse kukwangamizya hana. Vihe ulokolewe? ¹² Vihe vaseva vangi ya ensi yamkombowaga? Ensi iyo vava yane wayangamizya: Gozani, Harani, Rezefi na vantu vaku Edeni mgate Telassari? ¹³ Alihe umtemi wa hamathi, mtemi wa Arpadi, umtemi wa kaya yaku Sefarvaaimi, wa Hema na Ivva?'' ¹⁴ Hezekia wapokela ivalala lyinili ifuma mmikono mmwa mkombe na kuyisoma. Hange waya higulya mgate ya kaya yimwa Yahwe na kuwusoma hambele yakwe. ¹⁵ Hezekia wamlomba Seva: ¹⁶ Yahwe wa emajeshi, seva wa Israeli, eve yule wiko higulya ya emalaika eve ni Seva msava higulya ya utemi wonse wawelelo. Wazitaga emalunde na ensi. ¹⁷ Galuzya ematwi gako, Yahwe, na utekeleke. Fumbula emiso gako, Ee Yahwe na uone na utekeleke emihayo ya Sanacheribi, kwiyo walagikizyaga kumvezezya endyege Seva yule akuishi. ¹⁸ Ni hana Yahwe, umtemi wa Asiria waangamizwaga ensi yose na earidhi yawo, ¹⁹ Vayitulaga vaseva vangi vavo mgate na moto, nguno mbiyikavile vaseva ila mlimo gwa mmikono zya vantu, ni kwina mawe du. ²⁰ Hivyo Vakisila vavangamizyaga vavo. Hivyo itungo Yahwe Seva wisu, kokowe kunguzu zyako, ili utemi wonse wa welelo zimanye kuva eve ni Yahwe iwnene du.'' ²¹ Haho Isaya umwana umwa Amozi walagikizya emola kumwa Hezekia, na kuyomba, yahwe Seva wa Israeli akuyomba, ku nguno waombaga kuwane ehusu Sannacheribi umtemi wa Asiria, ²² Genaga mamihayo ago Yahwe wagayomba ehusu umsava, ''Mwaniki ubikira waku Sayuni vakumbwedile na kukusekela kukumbweda; vaniki va Yerusalemu wutingisha mitwe yawo kunguno yako. ²³ Ude yule akumpinga na kumtukila? Na uda yoye akayomba kumuzwi gwako na kuwusha minso gako ku mpanzila? Na ya mkonde wa Israeli. ²⁴ Kwivitila vatumami vako wamgumaga Mugosha na akuyomba, 'Kuwingi wa emagari natandaga higulu hamelo ya lugulu mgate na emelo ya uwuke wa Lebanoni. Kuyiputa emierezi yakwe na isagula emti ya miseprasi hale, ni iporu ilolikuuta mno. (sana) ²⁵ Nasimbaga lwinzi na inywa manzi, nasimbaga myongo yonse ya Misri hansi ya mpambala zya migulu yane.' ²⁶ Vihe akali kwigwa enamana eyonakamua ifuma nsiku nyingi na nakalitumamila mlimo ifuma itungo lya kale? Nugaleta egisi ili gakowole itimia. Mli henaha kuyivipya kaya eimara na yile ya uulinzi witosha na kuusungu cha uvipya. ²⁷ Vikazi vakwe, vale vavila, avo vakate etamaa na vale vansoni. Valamezye kumigunda, emasi mavesi, masi higulya ya ipawa ninga mgate na mgunda ekabla ya myaga gwa kukiya. ²⁸ Ila mmanyile kwikala kuwinyu hansi ifuma kuwinyu hibala, anho mkwingila mgate na anho mva vadaki mgate na yane. ²⁹ Kunguno muva vadaki na hagate yane, Kunguno empanzila yinyu yfikaga kumatwi gane nkutula endovani mgate na nyundo zinyu; Nkumngaluzya kunyuma mgate na enzila yiyo mkwiza nayo. ³⁰ Yiniyi lukuva lwimbo kuwinyu emwaka gwangu mklye echo kikumele mwipolu na emwaka gwa uvili mlalye echekikumele henaha. Hevyo umwake gwa utatu yukubidi muhambe na mwimbule, hambi emzabibu na mlye evisumo vyakwe. ³¹ Emashala ga kaya yimwa Yuda avo na vatumami valasole emizi hangi na izalisha visumo. ³² Nguno mgate ya Yerusalemu vavovashe valafume; ifuma mgate na lugulu lwa Sayuni avavashalaga valize. Ejuhudi yimwa Yahwe wa emajeshi yilagelanizye ili.'' ³³ Hevyo hange Yahwe akuyomba evi ehusu Asiria: ''Alize mgate na kaya, ninga kutaga ikumu aha. Ninga aliza henaha hambele kungao ninga izyenga engomwa hanzila ya kamaka hagate yawo. ³⁴ Enzila yilealavitile alize na nzila yiyo alasuvile, alingilile mgate na kaya yile. Lyinili ni Uyombe umwa Yahwe. ³⁵ Nguno ndaulinde yiniyi kaya na kuvikowola, kuiniaba yane ene musava na kniaba yimwa Daudi mutumami wane.'' ³⁶ Hange emalaika vamwa Yahwe mbiwaya hibala na ivamia enkambi ya Waasiria, na kuvaulaga vasikale elaki yimwi na vihumbi makumi mnane ni atano. Vantu aho vamisha mlao emapema, emilambo yalalaga kila esehemu. ³⁷ Hevyo Sennacheribi umtemi wa Asiria waleka Israeli na kuya kukaya na wikala Ninewi. ³⁸ Ebadaye, na ahombiali akusalila mate na kaya ya Nisrochi seva wakwe, umwana wakwe Adramaleki na Shereza mbiwamuulaga kulupanga. Hange wapelela mgate na esni ya Ararati. Hange Esarhadoni umwana wakwe watawala mgate na esehemu yimwa vava wakwe.