¹ Lwiswi lulo ulwimbo lule lulimbwe mgate ya ensi ya Yuda: kwina kaya eiara; Seva wavezyaga upizwa mgate na igelele na ngomwa zyakwe. ² Lugula emlango, ili ensi yile ya ehaki yakowola itunzya ekowolile yukowole kwingila mgate. ³ Emasala gale mlinago, mkumtunzya umsava mgate na nsonde ekamili, nguno akumwamini inyu. ⁴ Umwamini Yahwe edaima; nguno Yaha, Yahwe, na nhingi ya emilele. ⁵ Nguno akuvasosha vale wonse vampanzila; ekaya yile higulya yilashushiwe hansi, alayishushe hansi mgaye naulongo, na alangulinganishe na luwuwu. ⁶ Alatovangizwe tovangizwe hansi na migulu ya vale avo vapina na vakovi. ⁷ Imavito ga vale va ehaki gagolike, Vale va ehaki; evintu lya vale vahaki gagololwagwa. ⁸ Hene, mgate ivitilo lya ehukumu yako, Yahwe, kukulindile eve; lina lyako na esifa zyako ni miganiko gisu. ⁹ Nakutamanigi eve itungo lya usiku; hene, mwego gule guli mgate yane yina ukovi kuebidii. Itungo ehukumu yako anho yilize hawelelo, venyeji va welelo valize ehaki. ¹⁰ Na kulagye utogwe wa ukenaguzi, ila eve vakashe vihembeke ehaki. Mgate na ensi ya vagolokile itenda uvi na akakuona ukulu umwa Yahwe. ¹¹ Yahwe, umkono gwako gwawushiwa higulya, ila eve vakakupandika zile emola, ila vakuona ebidii kuvantu na vakuona ensoni, ku nguno iedadi ya vansika vakuvakola. ¹² Yahwe, akuleta konde kuwisu, nguno hana, wagelanizwaga umlimo zisu zyonse. ¹³ Yahwe Seva wisu, mtongelezi, vangi ebadala yako vakutawala isu; Ila eve kulisanizwa lina lyako. ¹⁴ Vakafwa, vakashe vashi hangi; ni vamarehemu vavo, vakashe valembuke hangi, hana wizaga kuvahukumu na kuvavipya vavo, na witaga kile ekumbukumbu ifumiwa. ¹⁵ Walyongezwaga ensi, Yahwe, wayongezwaga ensi weshimiwagwa, wawushiwagwa mgate na emipaka yonse ya ensi. ¹⁶ Yahwe, mgate uduki wawo valivakulola eve; vapandikwa na ewova mgate na emaombi gawo ku nguno eadhabu yawo mbiyili higulya yawo. ¹⁷ Kate mkima wa mwitungo yule ali bihi mkwipekula, upandikagwa na usungu na ulilaga kuusungu, hivyo hivyene mbikuli ekabla ya Mugosha. ¹⁸ Mbkuli na mwitungo mbikuli mgate na uduki, ila eve ni kate kwakwifungula mgate na emasala gisu. Kukauletile upozwa wa welelo, na vizazi va welelo va kagwile. ¹⁹ Evafwile vakuwinyu valaishil vantu vinyu vale vafwa valazwukulukwe. Tunula na wimbe kuutongwe, hibala emelo luwuwu; nguno ulume lwinyu, ni lume lwa emwanga, na welelo yilavalete hambele ya vafwile vakwe. ²⁰ Yaga, vantu vane, ingili mgate na evyumba vinyu na mlugale mlango kunyuma kuwinyu ivisi kwitungo ifupe empaka kisira aho kikamala. ²¹ Nguno, lola, Yahwe akwegela ifuma mgate na ieneo lyakwe na ekashe avavise hange; vale vafwa.