¹ Mgate na lwiswi lulo Yahwe kulupanga lwakwe lule lulambu, luhanya na lugi, ulamwazibu Leviathani na enzoka yile yikutamba kwipenya, na alaamuwe emmnyama yule akwikala mubahari. ² Lwiswi lulo: Mgunda gwa ezabibu, gulivike. ³ ''Ene Yahwe nde mwangalizi wakwe; Nkutililila emanze kila itungo; hivyo kuduhu uyo akulilima, nkulelinda usiku na limi. ⁴ Nkasuga kisila, Oh, kate embigiri na miva! Mgate na ulugu nkuyumba nawo; Nkuvakima wonse kuhakimo; ⁵ hamo vakumanya wangalizi wane na vite konde na ene, valeke vite konde na ene. ⁶ Kulusiku lule lukwiza, Yakobo alasole emizi; Israeli yilafumye emana na ifuluma, na yilayokazwe ensi yonse kuvisumo.'' ⁷ Vihe Yahwe alamgume Yakobo na Israeli na gako ensi ezyozyamguma? Vihe Yakobo na Israel vaulagwa na vavo kate avomwavansenza mgate na ensi yiyo mwavaulaga vavo? ⁸ Mgate na ipimilo lyahana cha edhisha, valagikizwe Yakobo na Israeli hatali; wavasinwa hatali kumyaga mndaki, mgate na lwiswi lwa myaga gwa kukiya. ⁹ Hevyo kunzila yinili, uwukenaguzi umwa Yakobo galalipwe, kunguno yiniyi yilave evisumo vyonse vyakusiniwa ezambi zyakwe: Hale aho akwita lisengelo lya mawe kate enswakala na elyangamizya mgate na evipande evipande, na kuduhu ehingi zya Ashera ninga misengelo yile yilalekwe yimile. ¹⁰ Nguno kaya eimara yavipiwagwa, wikalowakwe na efaraga yakwe yalekagwa kate ibalangu. Kwina ndama zikudemwa, na kuko kwene anho akulela na kugalya ematambi gakwe. ¹¹ Ematambi gakwe anho galavi gakala galegwe. Vakima valize na kugalumila ipembe emoto, nguno vale yikavile vamanyi. Hivyo hange mutunda wawo akashe ave na kisa higulya yawo, na umsava yule wavalunda alave na kisa higulya yawo. ¹² Na lwiswi lulo yilave kuva Yahwe alapurare ifuma mongo Efrate empaka Wadi ya Misri na inyu, vantu va Israeli, kulikuminge esehemu yimwi. ¹³ Lwiswi lulo etarumbeta hanya lilafulwe, na vantu avo vatagika mgate na ensi ya Asiria valize, na vale vatagwa mgate na ensi ya Misri, valamsanizye Yahwe mgate na lugulu msondo kuko Yerusalemu.