¹ Yahwe eve ni Seva wane; nkukusifu eve, nkulisanizwa lina lyako, kunguno wambezezwaga esembo ya ajabu, emagambo gale wagapangaga ifumila kale kuuwaminifu na ugelanila. ² Nguno wavezwaga kaya kuva nyungu, ngomwa ya kaya, uvipya wa ngomwa ya vageni kuva yikuvile kaya. ³ Hevyo hange vantu vale vanguzu valakusanizwe eve, na kaya evyo vakwikala vantu avo valina uukatili valakogohe eve. ⁴ Nguno wavaga mgate na ieneyo ipanga ku yule ali efakala, emakazi ku mkowi yule aliko mggate na wikola kumyo aliko mgate na mnyaga na umtaka kuyule aliko mgate ya limi. Hale emyuye ya vantu evakalili yavaga kati mnyaga na ya igelele, ⁵ na limi mgate ya ulongo ukazu, na valazue ibubu lya vageni, kate vile limi evyo likuzuwiwa na mtaka gwa malunde, hivyo hange enyombo vale vakavile na ukenaguzi zyajibiwagwa. ⁶ Mgate na lugulu lule lumwa Yahwe wa emajeshi akuvezya kuvantu esikukuu ya vintu evyo vinonile, na emvinyo gule gwasagulwa, kuva ezabuni ya enyama ya sikukuu ya higulya ya Sira. ⁷ Na mgate ya lugulu lule akuluvipya umfuniko gule gwatulwa higulya ya vantu wonse, na umtando gwa isuka higulya ya ensi. ⁸ Alamile lufu edaima, na Mugosha Yahwe alafute indililo mgate na wushu wisu, na ensoni ya vantu vakwe yilaleziwe hatali ifuma ha welelo yonse, ku nguno Yahwe akuyomba vivyo. ⁹ Galayombiwe mgate lwiswi lulo, ''Mwenuyu ni Seva wisu; na yule kukumlinda, na alakokowe,. Mwenuyu ni Yahwe; yule kukumlinda,, kutlatogwe na eshangilia uwupizwa wakwe.'' ¹⁰ Nguno mgate ya lugulu lule umkono gwa Mugosha gulasuke; na Moabu yilatoviwetoviwe hansi mgate ya ieneo lyakwe, na ninga emadutu galatowetoviwe hansi mgate na ishimo ilolyokile embolea. ¹¹ Valazisambazwe emikono zyawo hagate yawo, kate vile umoge evyo akusambazwa emikono yakwe aho akogelea. Ila eve Mugosha alasoswe impanzila yawo hansi ninga evyo na umanyi mgate na emiko yawo. ¹² na akayigwisha hansi mgate na ulongo wa magelele gangomwa, mgate na luwuwu.