¹ Yahwe alave na kisa higulya yimwa Yakobo, alamsagule hangi Israeli na kurusuva hangi mgate na ensi yakwe. Vageni valangane navo valambatane vasava na kaya yimwa Yakobo. ² Ensi zilaletwe mgate na emaeneo gawo vasaa. Hene kaya ya Israeli yilavasole mgate na ensi ya yimwa Yahwe kuvatumami va kigosi na kikima. Valashe evafugwa vale vadimilwe, na valavatongelele vale aho mbivali vakuvanyanyasa. ³ Ensiku lulo Yahwe alafumye usuhi ifuma mgate na utuki na emaumivu, na ifuma mgate na mlimo gwa nguzu kugo mbivakoviwa kuziita (kuzitumama), ⁴ mkwimba yile akauli ya lwimbi lwinulo higulya ya mtemi wa Babeli, ''Ni kunamuna kii vakunyanyasa vafika melo, empanzila ya kisila chamalaga! ⁵ Yahwe wavelaga vatumami vakinaguzi, umlanga gwa vavo vatongelezi, ⁶ yiyo yikuvafila vantu mgate na ilapilizyo na vigomo galegakavile ipimaka, vakongozwa ensi kukisira. ⁷ Gonse gali mgate na isuhyo na upole, vanzya esherehe na wimba. ⁸ Ninga miti gwa Mseprasi yilitogwa hakimo na emierezi ya Lebanoni; yikuyomba ifuma anho vatula hansi, kuduhu umtiva kuwiyule wiza kugugwisha isu. ⁹ Ekuzimu yakasuga ehamu kunguno yako eve yule ukaya hale valazyuke vale vafwa kunguno yako vatemo wonse vawelelo, winze wafume mgate na masumbi gawo ga utemi wonse wa ensi. ¹⁰ Valayombe na kukuwila eve, 'Mvila kate isu. ¹¹ Empanzila yako yashushwaga ekuzimu na muzwi ekifaa cha lugoye lwako. Buu wongezekaga hansi yako na evidudu vyakukumbilaga eve.' ¹² Kunamana kii evyo wagwaga ifuma kwilunde, ensondo ya lwiswi limi lya mlao! Ni kunamna kii evyomwashushwaga hansi, mwakindaga ensi! ¹³ Ukuyomba mngate ya mwego gwako,'Nkulaka ifuma higulya kwilunde, nkuusha utemi wane higulya ya nsondo zya mwa Seva, na kwikala mgate na lugulu lwa kwikumingila, kuumbali ifika dakama. ¹⁴ Nkuluka higulya hatali kumalunde; Nkulyita ene msava kate Seva evyo ali kwigulu mno.' ¹⁵ Ila eve gisi washushiwagwa hansi ete uzima mgate na ishimo. ¹⁶ Vale vakukuona vakukukola eve, vakukulola eve mno. Vakuyomba, Vihe uyu ni mntu yule watunda welelo yiteteme, unani yule wategunya utemi, ¹⁷ unani yule wita welelo kate ibalagu, unani yule wavipya ekaya yakwe, na akamile kuvalekela valugalilwa vaye kukaya?' ¹⁸ Vatemi wonse va ensi, wonse kuhakimo valalaga hansi kwisima, kila mntu ku kaburi lyakwe. ¹⁹ Ila watagagwa hibala ya kavuli lyako kate itambi evyo lyalagwa hatali. Milambo yakukumbilaga kate myenda, na valevakutimwa kulupanga, unani yule vakushuka empaka emisingi ya ishimo. ²⁰ Ukashe uunganishwe hakimo mgate na kuvikilwa, kunguno wayivipyaga ensi yako na kuulaga vantu vako. Vana vansembo mbi vakashe vakuyombiwa hange.'' ²¹ Eanda emasinzilo ku nguno ya vana vakwe kunguno ya ukenaguzi wa vaguku vawo, vivyo hange vakashe vuka higulya na emiliki ya earidhi ya ensi yiyo yokalile kaya zya welelo yonse.'' ²² Nkulina higulya yawo''- Lyinili hi uyombe umwa Yahwe wa majeshi. Nkudubula lina mgate na Bbeli, uuzao, na uukoo''- lyinili hilyene uyombe umwa Yahwe. ²³ Hange nkuyivezwa ensi yiyo wikalo, wa nsihi, ilambo lya manzi, na ndampyagule kumiteyo gwa uvipya''- Lyinili huuyombe umwa Yahwe wa emajeshi. ²⁴ Yahwe wa emajeshi wakalapilizya, ''Hana, kate vivyo niganikaga, yakuva kate vivyo na kate vivyo napangaga yikuva: ²⁵ Nkuvavela Vaasiria ku mkono gwane, na kutova engulu ku ngulu zyane musava. Vivyo ejoki lyane lilaishiwe higulya yawo na mligo higulya ya mavega gawo.'' ²⁶ Ngwinugu ni umpango gule gwapangagwa mgate na esni yonse, na wuwu higwene mkono ugogwaishiwa higulya ya ensi. ²⁷ Kunguno Yahwe wa emajeshi wapangaga evi unani yule akumkanizya umsava? Mkono gwakwe gwawushiwagwa higulya ninani yule akumsuva kunyuma? ²⁸ Mgate ya emiaka iyo mtemi Ahazi ahowafwa, lyinili hilyene itamko iloliza: ²⁹ Mkashangiliyaga, enyu Wafilisti wonse, kuva mlanga gwa kukugumila eve gwaputika. Nguno mgate na enzela ya nzoka akufuma fira, na vana vakwe vakuva moto ezyo zikuluka. ³⁰ Na umwana wa nyandyo wa upina vakudima nkolo zyawo mgate ya udimi wane, na vakovi vakulela hansi salama. Nkuyiwulaga emizi yinyu kunzala kwiyo akuvaulaga vikazi vinyu wonse. ³¹ Saya, eve lang, lila, eve kaya; inyu wonse mkuyuyukila hatali, Ufilisti. Nguno ifuma dakama lyafumaga ilunde lya lyonsi, na kuduhu ninga umwi wakuuka mgate na enafasi yakwe. ³² Ni vihe umntu umwi akumjibu mkombe wa ensi? Kuva Yahwe wayipandikaga Sayuni, na mgate yakwe avo vaonelwa vakukola epelela.