¹ Itamko ehusu Moabu, hana, kuusiku umwi Ari ya Moabu yavipiwagwa hana na lyangamizwa, hana, kuusiku umwi Kira ya Moabu ya kuvipiwa na lyangamizwa. ² Vayaga kwigulya na isengelo lya vantu lya Diboni vayaga kwigulya iombeleza, Moabu vakuombolezwa higulya ya Nebo na higulya ya madeba. Mutwe zyao zyamwogagwa vili wazi na endezu zyao zyamwogagwa. ³ Vavilaga emyinda zya magunila mgate na emitaa yawo, higulya ya kano zyawo na ekila ekona ya emitaa yawo eyeyuka kuemwanga indililo. ⁴ Hishiboni na Elealehi vakulila vakukola, umsaada, muzwi gwawo zikusikika empaka na Jahazi. Vivyo hange vasumba va ulugu umwa Moabu vakulila vakukola umsaada, vakutetema wonse vasava. ⁵ Umwego gwane gukulila higulya yimwa Moabu; evatuhimiwa vapelelaga Zoari na Elgathi Shelishiyahi. Vakupandika higulya yimwa Luhithi vakulila; mgate na ebarabara ya kaya Koronaimu vakuguma ibubu nkanche higulya ya uvipya. ⁶ Emanzi ga nimvimu gakalaga emadutu gapolaga na emadutu gakalaga galifwa; kuduhu ukijana ninga hado. ⁷ Hevyo hange evintu vingi vyavaga na utule vafilaga higulya ya kakinele emarufu. ⁸ Ekililo chapilimaga mgate na utawala umwa Moabu; emalalamiko gafikaga ninga Eglaimu na Beer-Elimu. ⁹ Nguno manzi ga Dimoni gakila emagazi; Simba yikuvavamia vale vapelaga ifuma Moabu hange na vashela mgate na ensi .