¹ Etamko lya kuhusu Babeli, ilo Isaya umwana umwa Amozi wapokela: ² Mgate ya lugulu lwa wazi yitulilwe ebadala ya ishala, lila kumuzwi kuwawo vapungile imikono vaye mgate na ilango lya vavo va vyeo (milimo). ³ Navalagikizwaga vasondo vane, haho, navitanaga vantu vane vale vanguzu iteketezwa ekisira chane, na ninga vantu vane vavo vakwidai na kwiusha kusava. ⁴ Ibubu lya vantu edale mgate na lugulu, zya vantu vingi! Ibubu zya efujo zya mtemi kate ensi nyingi zikumingaga hakimo! Yahwe wa emajeshi akupanga ejeshi ya ulugu. ⁵ Vafumaga mgate na ensi ya kutali, ifuma higulya ya iwona ku minso. Ni Yahwe na esilaha zyakwe zya ehukumu, kuvipya ensi yisu. ⁶ Elyomboleza nguno ya ensiku zimwa Yahwe yegelega; yilize na uvipya ifuma kumwa mpizwa. ⁷ Hevyo hange emilemo yitugwe na kuva kate nilema, na kila mwego gule kwayeyukaga. ⁸ Akuvogohya; usatu na usatu, akuvapa vawo kate mkima yule akwipekule. Valakale kukukumya (kukamala) kukila umwi umwi ushu wao zilave kate moto. ⁹ Lola, nsiku zimwa Yahwe zilize na ilapelizyo idaki na emingi wa kisila kuyivezya ensi ya ukiwa na kuvipya vale na zambi mgate na ensi. ¹⁰ Esondo na imalunde na ematangamano vikashe vifumye emwanga gwakwe. Limi lilave giti na ninga umwezi gukashe gwagaze. ¹¹ Ndadhibu ensi kuukenaguzi wakwe na uvifi na emakosa gawo. Nkuma empanzila na migambo na ndavashushe vale vampanzila vakavaga vadaki. ¹² Mkuvita vantu kuva vado ezaidi ya ndalama ensoga na vantu kuva vilambu ipatila ana ezaidi ya ndalama ensoga ya Ofiri. ¹³ Hevyo hange nkuzyita embingu zitegunyike, na welelo yikuyumba ifuma esehemu iyoyili na kisira kimwa Yahwe na emajeshi, na lwiswi lwa kisira chakwe. ¹⁴ Kate Epaa yule akuvenda bninga kate enkolo vavo vakavile na mndimi, kila umntu akugalukila vantu vakwe na ipela mgate na ensi yakwe. ¹⁵ Kuyoyote yule akwigelisha akaulagwa, na yoyote yule akudimwa akuulagwa kulupanga. ¹⁶ Evana vawo valaputwe evipande vipande hambele ya minso gawo. Enyumba zyawo zilavamiwe na vake vawo valingililwe kimuvili (ibakwa). ¹⁷ Lola, nuwegela kumdakya, Wamedi ili vavavamia vavo kwavo vakaliona nguno ya hela ninga utogwe wa ndalama. ¹⁸ Emasonga gawo galavakime ivasumba vado vado. Kukashe kuve na eshimo kuvana vavo na vakashe vavaleki vana vawo. ¹⁹ Na Babeli mtemi akuukwesela ezaidi, ya uwezo wa ipambana na Wakaldayo, yilaangamizwe na Seva kate Sodoma na Gomora. ²⁰ Kukashe kuve na evenyeji ninga vikazi ifuma ekizazi kimwi hadi ekizazi kingi. Umwarabu akuguma ehema lyakwe kuko ninga vadimi vakashe ilazya evisaviwa vyawo hale. ²¹ Ila eve endmu zya mwiporu na mwimbalangu zilalale hale. Enyumba zyawo zilolile, ensiku, na embuni zilikole kuko na mbuzi zya mwipolu zilaruke hala. ²² Empinti zilalile mgate na ngomwa yawo, na embe mgate na mmagambo gawo masoga. Itungo lwao lyigelega, na lwinsi lwawo zikukendela.